გარემოს ეროვნული სააგენტო მოსახლეობას ძლიერი ქარის შესახებ აფრთხილებს. სააგენტოს განცხადებაში აღნიშნულია, რომ ძლიერი ქარი მოსალოდნელია 4 და 5 იანვარს.
"4-5 იანვარს შავი ზღვის სანაპირო რაიონებში, კოლხეთის დაბლობზე, ზემო იმერეთსა და გორი - სურამის მონაკვეთზე მოსალოდნელია აღმოსავლეთის მიმართულების ძლიერი ქარი, რომლის სიჩქარემ შესაძლებელია 30 მ/წმ-ს მიღწიოს", - ნათქვამია ინფორმაციაში.
ცნობისთვის, 6 იანვრამდე საქართველოში შენარჩუნებული იქნება უნალექო ამინდი. გარემოს ეროვნული სააგენტოს ინფორმაციით, დასავლეთ საქართველოს დაბლობში ჰაერის ტემპერატურა დღის საათებში +16, +21 გრადუსამდე მოიმატებს, ხოლო აღმოსავლეთ საქართველოს ბარში +8, +13 გრადუსის ფარგლებშია მოსალოდნელი. უნალექო ამინდი იქნება თბილისშიც.
