მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გამომცემლობა „პალიტრა L -ის“ „ლიტერატურული წელი“ და წიგნები, რომლებიც აუცილებლად უნდა აჩუქოთ ახალ წელს
12:11 / 30-12-2020
2020 წელი მალე დასრულდება. ამიტომ, გადავწყვიტეთ, შეგვეჯამებინა „გამომცემლობა პალიტრა L-ის“ განვლილი „ლიტერატურული წელი“. და ასევე, რჩევა გვეკითხა, საახალწლოდ და უქმე დღეებისთვის, რომელი წიგნები მოვიმარაგოთ და შევიძინოთ საჩუქრად.
საახალწლო სამზადისი უკვე დიდი ხანია დაიწყო და პანდემიის მიუხედავად, არაერთი წარმატებული პროექტი განხორციელდა ამ წელს. მრავალი ლიტერატურული პრემია და გამარჯვება ხვდა წილად გამომცემლობის წიგნებს.
ანანო თავხელიძე - „პალიტრა L- ის“ მარკეტინგის ხელმძღვანელი:
ახალი წელი მოდის, რაც მთავარია, წინ 15 იანვრამდე უქმე დღეები გვაქვს. ამაზე უკეთეს დროს ვერ იპოვით რომ „ჩაუჯდეთ“ წიგნებს, იმიტომ რომ დღესასწაული არის იქ, სადაც წიგნებია.
გვინდა, რამდენიმე რჩევა მოგცეთ, თუ რა შეიძლება აჩუქოთ, ან რა შეიძლება წაიკითხოთ:
სულ ახლახან გამოვეცით წიგნი, რომლის გარეშეც ახალი წელი წარმოუდგენელია - დოქტორ სიუზის „როგორ მოიპარა გრინჩმა შობა“ , ასევე, საბავშვო მიმართულებით,„სანტა კლაუსი და მისი ელფები“ , მაია ლუნდეს „თოვლის და“ .
„მოსწავლის არჩევანის“ სერიაში, ასევე, ირმა მალაციძის„ფრიი!“ , ჩარლზ დიკენსის „საშობა სიმღერა“ . ამ სერიაში კლასების მიხედვითაა დაჯგუფებული წიგნები და ყველა წიგნის ბოლოს არის კროსვორდები, სავარჯიშოები და კითხვები წიგნიდან, რაც მშობელსაც და მასწავლებელსაც დაეხმარება ბავშვთან ერთად განიხილოს ნაწარმოები.
რაც შეეხება უფროსებს, ვისაც მოგწონთ წიგნები, რომლის მიხედვითაც ფილმები და სერიალებია გადაღებული: ჯენი ჰანის - „ყველა ბიჭს რომლებიც მყვარებია“, სელესტ ინგის - „ყველგან ხანძრის კერებია“ .
ასევე, მხატვრული წიგნებიდან სულ ახალი თარგმანები გვაქვს: ჯორჯ ორუელის „დაე იშრიალოს ასპიდისტრამ“, ტომ ჰენქსის - „არაჩვეულებრივი ეგზემპლარი“, მადელინ მილერის - „კირკე“.
თინათინ ასათიანი -„პალიტრა L- ის“ დირექტორი:
2020 წელი არავისთვის იყო მარტივი და მათ შორის, არც ჩვენი გამომცელობისთვის. მიუხედავად ყველაფრისა, იყო ბევრი წარმატება, რაც ძალიან გვახარებს და სტიმულს გვაძლევს მთელს გუნდს, ვაკეთოთ ასეთი მნიშვნელოვანი საქმე.
მოდი, შევაჯამოთ ჩვენი წარმტებები:
2020 წელს პრემიას „საბა“ მიიღო რამაზ ჭილაიას წიგნმა„პოეტიკური ჩანაწერები“ ნომინაციაში საუკეთესო ლიტერატურული კრიტიკა.
საბას ფინალისტები კი იყვნენ: წლის საუკეთესო დებიუტანტი ავტორისთვის, კონკურსის „გახდი ბესტსელერის ავტორის“ გამარჯვებული არჩილ ფირიაშვილი წიგნით „ფეხბურთის მოთამაშე“. ამ ავტორიტეტული პრემიის ფინალისტები არიან, ასევე, წლის საუკეთესო რომანისთვის ალეკო შუღლაძე წიგნით „ქრონიკული დაღლილობის სურნელი“ და წლის საუკეთესო თარგმანისთვის თამარ ჯაფარიძე, ჯუნოუ დიაზის წიგნისთვის „ოსკარ უაოს ხანმოკლე და უჩვეულო ცხოვრება“. ნომინაციაში საუკეთესო ესეისტიკა და დოკუმენტური პროზა კი ფინალისტი გახლდათ თემურ ტონია წიგნით „ვინილომაგია ვინილომანია“.
წელს გვყავს გამარჯვებულები იაკობ გოგებაშვილის სახელობის საბავშვო პრემიის ნომანაციებშიც:
საუკეთესო პოეტური წიგნი - თამრი ფხაკაძის „ანბანი“ გახდა;
საუკეთესო ილუსტრირებული წიგნი - ჭაბუა ამირეჯიბის „შეგონებანი“; ილუსტრატორი ნანა მელქაძე;
საუკეთესო პროზაული წიგნები - „თოვლის გუნდა და პატარა თეთრი ბუ ტუსურა“ და ასევე, „გუნდა და მისი მეგობრები“.
ამასთან ერთად, პრემია „ლიტერას“ გამარჯვებულია ჩვენი მთარგმნელი სალომე ბენიძე რუპი კაურის წიგნით „რძე და თაფლი“ , ხოლო ფინალისტი ახალგაზრდა მთარგნელის ნომინაციაში გახლდათ ბექა არაბული წიგნით, „ეკლების უფლისწული“.
ასევე „საქართველოს წიგნის გამომცემელთა და გამავრცელებელთა ასოციაცია“ ყოველწიურად აჯამებს წელს, მიმდინარე წლის „2020 ბესტსელერი“ გამოვლინდა
1. ნომინაცია: ქართველი ავტორის წიგნი (მხატვრული ლიტერატურა)
გამარჯვებული: თინათინ ბერიძის „მოპარული სიყვარული“
2. ნომინაცია: ქართულ ენაზე თარგმნილი წიგნი (მხატვრული ლიტერატურა)
გამარჯვებული: ელიფ შაფაქის „ათი წუთი და ოცდათვრამეტი წამი ამ უცნაურ სამყაროში“
მთარგმელი: ია ქვაჩახია
3. ნომინაცია: ქართველი ავტორის საბავშვო წიგნი
გამარჯვებული: ლელა ცუცქირიძის „თოვლის გუნდა და პატარა თეთრი ბუ ტუსურა“
4. ნომინაცია: ქართულ ენაზე თარგმნილი საბავშვო წიგნი
გამარჯვებული: „ვინი პუჰის თავგადასავლები“
მთარგმნელი: თათია ტურაშვილი
5. ნომინაცია: Nonfiction
გამარჯვებული: მარკ მენსონის „ფეხებზე დაკიდების ნატიფი ხელოვნება“
მთარგმნელი: დავით ახალაძე
პანდემიის მიუხედავად, 2020 წელს გამოვეცით 300-მდე დასახელების წიგნი, მათ შორის, საბავშვო ზღაპრები და აქტივობები, თანამედროვე ქართველი ავტორები, თანამედროვე მსოფლიო ბესტსელერები, რომლებიც პირველად ითარგმნა ქართულ ენაზე, ბიზნესლიტერატურა, ძალიან მნიშვნელოვანი ახალი პროექტები, როგორებიცაა სერია „ომებსა და ადამიანებზე“, ასევე „ქართველები მსოფლიო ისტორიაში“. ამ წელს, მიუხედავად იმისა, რომ წიგნის მაღაზიები რამდენჯერმე დაიკეტა, მაინც გვქონდა გამორჩეული ბესტსელერები - მარკ მენსონის „ფეხებზე დაკიდების ნატიფი ხელოვნება“ - ამ პერიოდში 15.000 ცალზე მეტი ეგზემპლარი გაიყიდა. ყველასთვის კარგად ცნობილი თურქი მწერლის ელიფ შაფაქის ახალმა რომანმა „ათი წუთი და ოცდათვრამეტი წამი ამ უცნაურ სამყაროში“ გამოსვლის დღიდანვე მოიპოვა მკითხველების სიყვარული და პირველი ტირაჟი, 2500 ეგზემპლარი მალევე გაქრა მაღაზიების თაროებიდან.
ვფიქრობ, რომ ამ რთულ პერიოდში წიგნი არის ის, რაც საშუალებას გაძლევს, ისწავლო რაღაც ახალი, შეიმეცნო, სასიამოვნოდ გაატარო დრო. ამიტომ, გირჩევთ, შეხვდეთ ახალ წელს ახალ წიგნებთან ერთად, სასწაული ხომ წიგნებშია. ბედნიერ და წარმატებულ ახალ წელს ვუსურვებთ ჩვენს მკითხველებს, მთელ საქართველოს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
