დღის ფოტო: ჯულიეტა ვაშაყმაძეს შვილიშვილი ბარბარე უკანასკნელ გზაზე მიაცილებს
ქართული ტელევიზიის სახე, მსახიობი ჯულიეტა ვაშაყმაძე 87 წლის ასაკში გარდაიცვალა. ცნობილი ტელეწამყვანი დღეს დაკრძალეს. ცოტა ხნის წინ სოციალურ ქსელში "მთავარი არხის" გენერალურმა დირექტორმა ნიკა გვარამიამ დაკრძალვის ცერემონიიდან ემოციური ფოტო გაავრცელა.
კადრში ჩანს ჯულიეტა ვაშაყმაძის შვილიშვილი ბარბარე გაბუნია, რომელიც ბებიას უკანასკნელ გზაზე მიაცილებს.
"შვილიშვილი (ბარბარე) უკანასკნელ გზაზე მიაცილებს ლეგენდარულ ბებიას (ჯულიეტას)" - წერს გვარამია ფოტოს კომენტირებისას.
ჯულიეტა ვაშაყმაძე 1961-1962 წლებში იყო კოტე მარჯანიშვილის სახელობის სახელმწიფო თეატრის მსახიობი, სადაც რამდენიმე როლი განასახიერა. გადაღებულია კინოფილმებში: "ყვავილი თოვლზე", "თოჯინები იცინიან", "პაპა გიგია", "არაჩვეულებრივი გამოფენა" და ტელეფილმში "მზე ჭიქაში".
1958 წლიდან ჯულიეტა ვაშაყმაძე ტელევიზიის დიქტორი გახდა, შემდგომში კომენტატორი, პროგრამების ხელმძღვანელი, სამეცნიერო-პოლიტიკური, ლიტერატურული, სამეცნიერო, საბავშვო, თეატრალური თუ ხელოვნების ამა თუ იმ დარგისადმი მიძღვნილ გადაცემათა წამყვანი, ტელეგადაცემების ავტორი. მიღებული აქვს არაერთი ჯილდო, სიგელი და მედალი.
ჯულიეტა ვაშაყმაძე იყო საქართველოს ჟურნალისტთა კავშირის წევრი. 1996 წელს მიღებული აქვს ღირსების ორდენი. 1967 - საქართველოს დამსახურებული არტისტის წოდება.
"კეთილი იყოს შენი მობრძანება ამ სამყაროში... ჩვენი გულები აღუწერელი ბედნიერებითაა სავსე" - ნინო მაჩაიძეს მეორე შვილი შეეძინა
"იმ რამდენიმე წამში, იქ რომ ვიდექი, ეს მოგიყევით და ძალიან დიდი იმედი მაქვს, რომ მისმენდით..." - თეა ადეიშვილი ჯულიეტა ვაშაყმაძის დაკრძალვაზე მომხდარ ემოციურ ამბავს იხსენებს
