მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბაჩალიაშვილის ლეპტოპი მესამე პირებს ვერ გადაეცემა" - რა განცხადებას ავრცელებს კომპანია "ზეგ"-ი, სადაც თამარ ბაჩალიაშვილი მუშაობდა
12:56 / 29-12-2020
შპს "ზეგის“ განცხადებით, თამარ ბაჩალიაშვილის სარგებლობაში არსებული ლეპტოპი, რომელიც ამჟამად პროკურატურაშია, მიუხედავად ოჯახის მიერ დაფიქსირებული თხოვნისა, მესამე პირებს ვერ გადაეცემა, რადგან ის კომპანიის ინტელექტუალურ საკუთრებას წარმოადგენს. აღნიშნულთან დაკავშირებით კომპანიის განცხადებაშია აღნიშნული.
"ბოლო დღეებში, თამარ ბაჩალიაშვილის ოჯახისა და მათი ადვოკატების მიერ შპს “ზეგ”-ის მიმართ ვრცელდება ინფორმაცია კომპანიის თითქოსდა, პროკურატურასთან გარიგებაში შესვლასთან დაკავშირებით. აღნიშნული “ბრალდება” უკავშირდება თამარ ბაჩალიაშვილის სარგებლობაში არსებული ლეპტოპის ოჯახისათვის გადაცემის მოთხოვნას.
გვინდა აღვნიშნოთ, რომ გამოძიების დაწყებიდან დღემდე, კომპანიის მენეჯმენტი არ აკეთებდა არანაირ კომენტარს იმ უსაფუძვლო “ბრალდებების” თაობაზე, რაც მათ შესახებ ვრცელდებოდა. 6 თვის განმავლობაში, კომპანიის თანამშრომლები განიცდიან უდიდეს ფსიქოლოგიურ წნეხს სხვადასხვა პირების მიერ მასმედიის, თუ სოციალური ქსელების საშუალებებით გავრცელებული ცრუ, შეთხზული “ბრალდებების” გამო, მაგრამ გარდაცვლილის პატივისცემისა და გამოძიების ობიექტურად ჩატარების მხარდაჭერის სურვილით, ისინი კომენტარებისგან თავს იკავებდნენ.
უბრალოდ სასაცილოა კომპანია “ზეგ”-ის დადანაშაულება პროკურატურასთან გარიგებაში შესვლის ბრალდებით იმ მიზეზით, რომ კომპანიას გამოძიების დაწყებისთანავე ჩამოართვეს ყველანაირი ტექნიკა და დაულუქეს ოფისი. გაჟღერებული აბსურდული “ბრალდებების” ფონზე, მრავალწლიანი თანამშრომლობის შემდეგ სს “საქართველოს ბანკმა” კომპანიას ყოველგვარი ახსნა-განმარტების გარეშე დაუხურა საბანკო ანგარიშები, რის შედეგად შეწყდა ინვესტორთან ურთიერთობა და ამჟამად კომპანია აღარ ფუნქციონირებს. ამას ემატება მათი და კომპანიის ხელმძღვანელთა ბულინგი სოციალური ქსელებით სხვადასხვა პირთა მხრიდან, მათ შორის საზოგადოებისთვის უკვე “ცნობილი” ბაჩანა ლობჟანიძისგან.
რაც შეეხება თამარ ბაჩალიაშვილის სარგებლობაში არსებული ლეპტოპის ოჯახისათვის გადაცემას, გვინდა აღვნიშნოთ, რომ ლეპტოპი არის პროკურატურაში და კომპანია “ზეგ”-ი არ არის უფლებამოსილი, დირექტივები მისცეს პროკურატურას.
რაც შეეხება მომავალში ლეპტოპის მისი მესაკუთრისთვის, კომპანია “ზეგ”-ისთვის დაბრუნებას. მიუხედავად ოჯახის მიერ დაფიქსირებული თხოვნის თუ მოთხოვნისა და ოჯახის დამცველის მიერ გაჟღერებული გაფრთხილებებისა, კომპანია მის პარტნიორებთან არსებული ხელშეკრულებებით შეზღუდულია აღნიშნული კომპიუტერული მოწყობილობა და მასში არსებული ინფორმაცია გადასცეს მესამე პირებს, რადგან იგი წარმოადგენს კომპანიის ინტელექტუალურ საკუთრებას, რომელიც კავშირშია მის პარტნიორ კომპანიებთან და აღნიშნული ინფორმაციის გადაცემა მესამე პირებისთვის გამოიწვევს კომპანია “ზეგ”-ის პასუხისგებლობას.
ზემო აღნიშნულიდან გამომდინარე, თამამად შეგვიძლია განვაცხადოთ, რომ კომპანია “ზეგ”-ი არის დაზარალებული.
დროა, შეწყდეს კომპანიის მიმართ ორკესტრირებული შეტევები, მათ თანამშრომლებზე საუბარი და დაუსრულებელი ცილისწამება. აქვე ვაცხადებთ, რომ არ ვაპირებთ წამოვეგოთ ხელოვნურად შექმნილ პროვოკაციებს და საჭიროების შემთხვევაში მივმართავთ სამართლებრივ ზომებს", - ნათქვამია კომპანიის განცხადებაში.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს ცხონებული აშკარად ცალმხრივ სიყვარულს შეეწირა და რა მოხდება რა გახდა ერთი ძველი ნახმარი ლეპტოპი ოჯახს სახსოვრად, რომ დარჩეს ისედაც მერე ან ჩამოწერენ ან აუქციონზე გაყიდიან ჯობდა ამ გრანტიჭამია ფირმას ბოლომდე პატივი ეცა დაზარალებული ოჯახისათვის
ასეთი რამეების გამოა მერე საზოგადოებას უჩნდება ეჭვები,მართლაც დიდი ამბავი ის ლეპტოპი,რომ დედას დარჩენოდა!