მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საქართველოში მედპერსონალის დაინფიცირების დაახლოებით 20 000-მდე შემთხვევაა" - პაატა იმნაძე ეპიდვითარებაზე და შეზღუდვების შედეგზე
12:49 / 29-12-2020
დაავადებათა კონტროლის ეროვნული ცენტრის დირექტორის მოადგილის, პაატა იმნაძის განცხადებით, საქართველოში მედპერსონალის კორონავირუსით დაინფიცირების დაახლოებით 20 000-მდე შემთხვევაა დაფიქსირებული. რაც შეეხება ლუგარის ლაბორატორიას, იმნაძის ინფორმაციით, ამ ეტაპზე ლაბორატორიის 2 თანამშრომელია დაინფიცირებული.
"ზუსტ ციფრებს ვერ მოგახსენებთ, მაგრამ დაახლოებით 20 000-მდე ჩემი კოლეგაა დაინფიცირებული მთლიანად სამედიცინო სამსახურში დასაქმებული. ეს არის ექიმი, ექთანი, უმცროსი ექიმი, სანიტარი, მძღოლი და ყველა, ვინც არის დაკავებული სამედიცინო საქმიანობით. ლუგარის ლაბორატორიაში 2 ინფიცირებული გვყავს ახლა. სულ დაახლოებით 20-ზე მეტი თანამშრომელი დაგვიინფიცირდა. სამსახურში არც ერთი შიდა გადაცემა არ გვქონია“, - განაცხადა იმნაძემ.
მისივე თქმით, შეზღუდვებმა თავისი საქმე გააკეთა. იმნაძე ამბობს, რომ ბევრი ადამიანი შეეცდება ძველებურად შეხვდეს ახალ წელს და თავისი ახლობლები მოინახულოს. შესაბამისად, 10 იანვრიდან 20 იანვრამდე შეიძლება კორონავირუსით ინფიცირების შემთხვევებმა იმატოს.
"ჩემი ინფორმაციით, ყველგან, განსაკუთრებით დიდ მოლებში კარგად არის დაცული წესები - დისტანცია და ნიღაბი. აქედან გამომდინარე, განსაკუთრებულ გართულებას არ ველოდებით. შეზღუდვებმა თავისი საქმე გააკეთა და მგონი, ამას ჩვენი შეფასება არ სჭირდება, ყველა ხედავს, მის გარშემო როგორი იყო ნოემბრის ბოლოს ავადობა და როგორი არის დღეს. ეს ყველაზე უკეთ იგრძნეს ჩემმა კლინიცისტმა კოლეგებმა, რომლებსაც ოდნავ ამოსუნთქვის საშუალება მიეცათ ამ დღეებში. თუმცა, ეს ყველაფერი არ არის სტაბილური და მყიფეა. არ მგონია, რომ მაღაზიების გახსნამ და ვაჭრობამ დიდად მოუმატოს შემთხვევების რიცხვი, ყველაზე მეტად მაშინებს ახალი წელი, როდესაც ბევრი ჩვენი თანამოქალაქე ძველებურად შეეცდება შეხვდეს ახალ წელს და მოინახულოს თავისი ახლობლები. შესაბამისად, 10 იანვრიდან 20 იანვრამდე შეიძლება შემთხვევებმა მოიმატოს“, - აღნიშნა პაატა იმნაძემ.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
