მნიშვნელოვანი ინფორმაცია
22
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საქართველოში "რემდესივირის" გამოყენება დაიწყო" - რას ამბობენ ექიმები ინფიცირების მაჩვენებლის კლებაზე, თავისუფალ საწოლებსა და ტესტირების აუცილებლობაზე
13:16 / 25-12-2020
ჯანდაცვის მინისტრის მოადგილის თამარ გაბუნიას თქმით, საქართველოში „რემდესივირის“ გამოყენება დაიწყო. როგორც მან საკოორდინაციო საბჭოს სხდომის დასრულებისას განაცხადა, იმისთვის, რომ პაციენტს „რემდესივირი“ დაენიშნოს, კომისიაში შემავალი 2 ექსპერტის გადაწყვეტილებაა აუცილებელი.
„ქვეყანაში „რემდესივირის“ გამოყენება დაიწყო სამინისტროს მიერ დადგენილი წესით, რაც ითვალისწინებს „რემდესივირის“ დანიშვნას კომისიური განხილვის შემდეგ. 8 ექსპერტი შედის კომისიაში. იმისთვის, რომ „რემდესივირი“ დაენიშნოს რომელიმე პაციენტს, მისივე ინფორმირებული თანხმობით, 2 ექსპერტის გადაწყვეტილებაა აუცილებელი.
„რემდისივირის“ გაცემას კოორდინაციას უწევს ინფექციური დაავადებების და შიდსის ცენტრი. უკვე რამდენიმე პაციენტი ჩაერთო და რა თქმა უნდა, ძალიან აქტიურად ვადევნებთ თვალს იმას, თუ რამდენად დეტალურად იქნება დაცული „რემდისივირის“ გამოყენების პირობები. მნიშვნელოვანია ის პირობები, რომელიც ასახულია გაიდლაინში და რასაც ვუყენებთ თითეულ კლინიკას. ეს არის ინფორმირებული თანხმობა, კლინიკური გადაწყვეტილება და ასევე ყველა პირობა უნდა იყოს შექმნილი იმისთვის, რომ პაციენტზე აქტიურად განხორციელდეს მონიტორინგი, გვერდითი შესაძლო მოვლენა დროულად იქნას გამოვლენილი.
ამჟამად მიმდინარეობს კლინიკური პროტოკოლის კიდევ ერთხელ განახლება, ძალიან ბევრი ექსპერტია ამაში ჩართული“, - განაცხადა თამარ გაბუნიამ.
ჯანდაცვის მინისტრის მოადგილემ ინფიცირების მაჩვენებლების შესახებაც ისაუბრა და აღნიშნა, რომ ქვეყანაში ტესტირების ინტენსივობა არ უნდა შესუსტდეს, რათა ინფიცირების შემთხვევების გამოვლენა დროულად მოხდეს.
„გუშინ იყო ყველაზე დაბალი მაჩვენებელი, ბოლო პერიოდის განმავლობაში, შემთხვევების - 1800 დღის განმავლობაში, თუმცა ტესტების რაოდენობა იყო 13 000. საყურადღებოა ისიც, რომ დადებითობის მაჩვენებელიც იკლებს, რაც რეალურად მიანიშნებს იმას, რომ სტაბილიზაციის ნიშნები გვაქვს. მნიშვნელოვანია, რომ ტესტირების აქტივობა შენარჩუნდეს, რადგან ყველა შემთხვევა გამოვლინდეს დროულად და მოხდეს მისი იზოლირება, ამდენად თხოვნა მექნება ყველასთან, რომ თუ ოდნავ მაინც შეუძლოდ გრძნობს ადამიანი თავს, მნიშვნელოვანია, რომ მივიდეს პირველადი ჯანდაცვის დაწესებულებაში, 200-ზე მეტი ადგილია და ვიცით სადაც არის ეს ადგილები და ჩაიტაროს ტესტირება. მიუხედავად იმისა, რომ წინასაახალწლო განწყობაა და ყველა ერიდება სამედიცინო დაწესებულებაში მისვლას, მაინც კარგი იქნება, რომ ყურადღება მივაქციოთ თუნდაც სიცხის მომატებას ან ხვეელის სიმპტომებს იმისთვის, რომ არ შესუსტდეს ტესტირების ინტენსივობა და ის 20 000 სამიზნე, რომელიც გვქონდა მივაღწიოთ“, - განაცხადა გაბუნიამ.
გარდა ამისა, თამარ გაბუნიას თქმით, ქვეყანაში თავისუფალი საწოლების რაოდენობა იზრდება.
„საწოლფონდის დატვირთვასთან მიმართებით შეინიშნება გარკვეული შემსუბუქება. დღეს დილის მდგომარეობით კლინიკაში იყო 5 672 პაციენტი, მათ შორის რეანიმაციულ განყოფილებაში რჩება 350 და ინტენსიური თერაპია სჭირდება 1 257 პაციენტს. თავისუფალი საწოლების რაოდენობა ქვეყანაში იზრდება. მაგალითად, აჭარაში 400-ზე მეტი თავისუფალი საწოლია და შემთხვევების რაოდენობა 100-ზე ნაკლები იყო გუშინდელი დღის მდგომარეობით, რაც პირველი შემთხვევაა ბოლო პერიოდის განმავლობაში. მთლიანად ქვეყნის მასშტაბით 1664 თავისუფალი საწოლი გვაქვს, რაც რა თქმა უნდა ასევე კარგი ნიშანია და მიუთითებს იმას, რომ მძიმე შემთხვევები, რომლებსაც სჭირდება ჰოსპიტალიზაცია, არ გვაქვს“, - განაცხადა თამარ გაბუნიამ.
დაავადებათა კონტროლის ეროვნული ცენტრის დირექტორის მოადგილის, პაატა იმნაძის განცხადებით, 24 საათის განმავლობაში ჩატარებული ტესტირების რაოდენობის კლება, მოსახლეობის მიმართვიანობის დაწევას უკავშირდება.
როგორც იმნაძემ საკოორდინაციო საბჭოს სხდომის დასრულების შემდეგ გამართულ ბრიფინგზე განმარტა, ქვეყანას თავისუფლად შეუძლია დღეში 20-22000 ტესტის ჩატარება.
„სამწუხაროდ, ვხედავთ, რომ გამოკვლევებზე მიმართვიანობა მცირდება. ვთხოვ ყველას, ვისაც სიმპტომები ექნება, შესაბამის ცენტრებს აუცილებლად მიმართონ. ჩვენ ქვეყანას თავისუფლად შეუძლია 20-22000 ტესტირება დღეში, სამწუხაროდ 14000-მდე ჩამოვიდა. თავდაპირველად ადამიანები აქტიურად მიდიოდნენ, ახლა ეტყობა, რომ ნაკლებად მიდიან. ძალიან ვთხოვ, ვისაც მცირე სიმპტომები მაინც ექნება, აუცილებლად მივიდნენ და ჩაიტარონ ტესტი“, - აღნიშნა პაატა იმნაძემ.
მისივე თქმით, იგეგმება საეჭვო შემთხვევების გამოკვლევა და აღმოჩენის შემთხვევაში კორონავირუსის ახალი შტამის სეკვენირება.
„ჩვენ ვაკეთებთ ვირუსების სეკვენირებას. მსოფლიოს პირველ 20 ქვეყანაში ვიყავით, ვინც სეკვენსი გააკეთა და ატვირთა მსოფლიო ბაზაში. ლუგარის ცენტრში ეს მუშაობა გრძელდება. ახლა უნდა გადავარჩიოთ ის საეჭვო შემთხვევები, რომელიც შესაძლოა, იყოს ახალი შტამი და მათი სეკვენირება უნდა მოხდეს. ამას გავაკეთებთ, მაგრამ არავითარი დიდი განსხვავება ახალ შტამსა და ძველ შტამს შორის, მაშინ როდესაც ჩვენ 2-3 კვირის წინ რეკორდი მოვხსენით და ვიყავით პირველები გავრცელებით, არ არის. აქედან გამომდინარე, არ მგონია ახალმა შტამმა რაიმე შეცვალოს გარდა იმისა, რომ უნდა დავიცვათ პირბადე და დისტანცია. 70%-მდეა მისული ყველა საერთაშორისო შეფასებით ჩვეთან პირბადის ტარება, თუ ამას ავწევთ და 95-ს მივაღწევთ, არავითარი შეზღუდვა აღარ დაგვჭირდება, ახალი შტამისგანაც დაგვიცავს და ძველისგანაც“, - განაცხადა პაატა იმნაძემ.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თქვენი ანგარიშების ვიღას სჯერა! კორონას ისე ჩოთქავთ, როგორჩ ფულებს!
ტესტის გაკეთების საზღაური რამდენს შეადგენს თუ უსიმპტომო ხარ?
თან ეხლა გრიპის სეზონზე ცოტა არ იყოს რთულია გაციებისა და კოვიდის განსხვავება საწყის ეტაპზე