27
მარტიდღის ზოგადი ასტროლოგიური პროგნოზი
რამდენიმე დღეა ოკუპირებულ აფხაზეთში, სოხუმის ცენტრში მომხდარი სროლის გარშემო ადგილობრივი მოსახლეობა განხილვას არ წყვეტს. ადგილობრივი მედია და ე.წ. სამართალდამცავი უწყებები საგულდაგულოდ მალავენ მომხდარის დეტალებს, მსროლელისა და დაჭრილის ვინაობას. თუმცა მომხდარის შესახებ თვითმხილვეილებისგან ინფორმაცია მაინც გავრცელდა.
აფხაზები სოციალურ ქსელში წერენ, რომ "ტურბაზის" რაიონში (სოხუმში), რომელსაც ადგილობრივები "უბედურების ზონას" უწოდებენ, სოხუმის ყოფილმა მერმა ადგურ ხარაზიამ ადგილობრივ ბიზნესმენს ალმას შაკრილს ესროლა.
"დაჭრილი სასწრაფოდ გადაიყვანეს სოხუმის რესპუბლიკურ საავადმყოფოში და მას სასწრაფო ოპერაცია ჩაუტარდა. დაჭრილის მდგომარეობა დღემდე მძიმეა", - წერს abkhaz-auto.ru, რომლის ადმინისტრაციასაც მკითხველისთვის კომენტარი გამორთული აქვს. თუმცა, სოციალური ქსელის მომხმარებლები სოხუმის ცენტრში მომხდარ შემთხვევაზე ღიად საუბრობენ.
ადგურ ხარაზიამ "მერის პოსტი" 2019 წელს, 5-წლიანი მუშაობის შემდეგ დატოვა. წასვლამდე განაცხადა, რომ ამ დროის განმავლობაში, ქალაქში უამრავი რამ გაკეთდა. თუმცა, ადგილობრივი მედიის კითხვაზე, საკანალიზაციო და სხვა ინფრასტრუქტურული სამუშაოების მხრივ რა შეიცვალა, მან უპასუხა, რომ "წლების განმავლობაში დაგროვილი პრობლემების მოგვარებას დროს სჭირდება".
გადადგომამდე რამდენიმე დღით ადრე განაცხადა, რომ "ხაჯიმბას დროს ქვეყანაში კრიმინოგენული ვითარება გაუარესდა. 26 წლის განმავლობაში არც ერთი ფაბრიკა-ქარხანა არ აგვიშენებია, პირიქით - აშენებულიც დავანგრიეთ. ასე რომ, ცვლილებები საჭირო".
გასული წლის ოქტომბერში ის ასლან ბჟანიას კადრმა კან კვარჩიამ შეცვალა. ცნობისთვის, რამდენიმე დღის თვის წინ, აფხაზეთში პირველი ტალღის დროს გამოცხადებული კარანტინის დროს ხარაზია ზომების გამკაცრებას კატეგორიულად აკრიტიკებდა და წერდა, რომ აფხაზეთს არ აქვს ფუფუნება, სრული კარანტინი გამოაცხადოს, ისე, როგორც სხვა ქვეყნებმა, რომელთაც რამდენიმე წლის მარაგი აქვთ.
"ყოველდღიურად ტუბერკულოზითა და გრიპით უფრო მეტი ადამიანი იღუპება, ვიდრე კოვიდ-19-ით. თუმცა, კარანტინის შემოღება არავის მოსვლია აზრად", - აცხადებდა, ყოფილი "მერი". მაშინვე ითქვა, რომ ზომების გამკაცრების შემთხვევაში, მის ტურიზმის შემოსავალს მნიშვნელოვანი ზიანი მიადგებოდა.
ადგილობრივების ვარაუდით, ყოფილ "მერსა" და ბიზნესმენ შაკრილს შორის დაპირისპირება ბიზნესინტერესების გადაკვეთამ გამოიწვია, მათ წილები ვერ გაიყვეს. შაკრილი ზამთრის ტურიზმის მიმართულებით მუშაობდა, რეგიონის მთიან ნაწილში კოტეჯები ჰქონდა.
ვრცელდება ინფორმაცია, რომ საბედისწერო შეხვედრაზე ადგურ ხარაზიამ იარაღი სახეში ესროლა შაკრილს. ადგილობრივი მოსახლეობის ცნობით, ისინი შეეჩვივნენ, რომ ბოლო წლებში, ნებისმიერი "მაღალჩინოსანი" ადამიანი, რომელიც ღირსეული ჰგონიათ, შესაძლოა კრიმინალი აღმოჩნდეს.
ერთ-ერთი ადგილობრივი, რიტა მუკბა წერს, რომ ის თვითმხილველი იყო და ორივე მათგანი იცნო, თუმცა, არ აქვს ინფოემაცია ხარაზია დაკავებულია თუ არა. შესაბამისად, მოსალხოებას არ სჯერა, რომ მას "კანონის მთელი სიმკაცრით დასჯიან!".
"ხარაზია, რომელიც ყველას ნამდვილად ღირსეული სოხუმელი გვეგონა, თუნდაც თავისი ასაკის გამო, თურმე ნებისმიერ მოწინააღდეგეს იარაღს დაახლის. საით მივდივართ და სად ვცხოვრობთ?!", - წერს ადგილობრივი ანა ამიჩბა.
"რა ვიცი, ჩვენი მინისტრი, დიმა დბარი აცხადებს, ქვეყანაში კრიმინალი აღარ არის და იარაღი უნდა ჩავაბაროთო. არადა, უკვე იმდენად შევეჩვიე, რომ ტაქსისტსაც "მაკაროვი" უგდია, უიარაღო ადამიანის დანახვაზე გაოცებული ვარ, როგორ ბედავს ასე მუშაობას, განსაკუთრებით, ღამე. ახალგაზრდები განსაკუთრებით კბილებამდე შეიარაღებული დადიან. ნებისმიერი საქმის გარჩევა ხდება ქუჩაში", - წერს, ერთ-ერთი ინტერტეტმმომხრებელი ფსევდონიმით "ჩე გევარა.
"ომის დასრულებიდან 15 წლის განმავლობაში იარაღით დავდიოდი და ამის შესახებ, ახლობლების გარდა, არავინ იცოდა. არ მინდოდა ეს დრო ისევ დაბრუნებულიყო, მაგრამ ვატყობ, რომ ბრუნდება, ფული არის ის, რის გამოც ამდენი წელია ერთმანეთს ვხოცავთ", - მიაჩნია კიდევ ერთ ადგილობრივს, ილონა ჯინჯოლიას.
ჭირსაც წაუღიხართ უთავმოყვარეო ერო
ეგრე გაგეგრძელებინოთ