რას ამბობს ჯანდაცვის მინისტრი კორონავირუსის წინააღმდეგ დაწესებული შეზღუდვების მოხსნაზე
შეზღუდვების მოხსნასთან დაკავშირებით გადაწყვეტილება მიღებული არ არის, ვინაიდან მნიშვნელოვანია სტაბილიზაციის ინფექციის მაჩვენებლის კლებისკენ წაყვანა და მხოლოდ ამ შემთხვევაში დავიწყებთ მსჯელობას და ასევე, კომუნიკაციას კერძო სექტორთან, - ამის შესახებ ჯანდაცვის მინისტრმა ეკატერინე ტიკარაძემ განაცხადა.
მისი თქმით, რეგულაციები მნიშვნელოვანია ინფექციის გავრცელების კომპონენტის ფონზე.
„თქვენ აკვირდებით, რომ მნიშვნელოვანი სტაბილიზაცია ხდება ინფექციის გავრცელების, რაც ასევე, მოსალოდნელი იყო. აქედან გამომდინარე, ეს კიდევ ერთხელ ადასტურებს, რომ სწორად იყო შერჩეული რეგულაციები იმისთვის, რომ ჩვენ მოგვეხდინა ინფექციის გავრცელების კოეფიციენტის შემცირება. ჩვენ დამატებით კიდევ ვიმსჯელებთ ამ კვირის განმავლობაში, ვინაიდან, რა თქმა უნდა, მიზანი არის არა მხოლოდ სტაბილიზაცია, არამედ უკვე ინფექციის გავრცელების კლებაზე მუშაობა,“ - განაცხადა ეკატერინე ტიკარაძემ.
"სანამ ჟანგბადდამოკიდებული არ გავხდები, სტაციონარს არ დავიკავებ..." - ალექსანდრე გოგინავა, რომელსაც კორონავირუსი დაუდგინდა, სახლში მკურნალობს
"ეჭვია, რომ საქმე გვაქვს თაღლითურ სქემასთან... გარკვეული პირები მოქალაქეებს კანონდარღვევისკენ უბიძგებენ" - კახა კალაძე შენობების დემონტაჟზე
