მნიშვნელოვანი ინფორმაცია
12
ივლისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე დაიწყება 23:22-ზე, მთვარე მერწყულშია – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ზედმეტი აქტიურობა შედეგს არ მოიტანს. არ აიღოთ ზედმეტი სამუშაო და რთული პროექტები. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რატომაა გამეფებული აფხაზეთში სიღარიბე და ნგრევა: "მოსკოვისთვის ასეთი მდგომარეობა მომგებიანია...“ - რას წერს რუსული გამოცემა
11:58 / 10-12-2020
ოკუპირებულ აფხაზეთში გამეფებულ მძიმე სოციალურ-ეკონომიკურ ვითარებაზე, რასაც პანდემია კიდევ უფრო ამძიმებს, ასევე იქ არსებულ კორუფციაზე, კრიმინალზე, აქამდეც არაერთხელ დაგვიწერია. ცნობილი გახდა, რომ აფხაზეთის დე ფაქტო პრეზიდენტი ასლან ბჟანია ე,წ, სამუშაო ვიზიტით რუსეთის ფედერაციაში გაემგზავრა, როგორც იუწყებიან, ის მოსკოვში პრეზიდენტის ადმინისტრაციის და რუსეთის მთავრობის წარმომადგენლებთან გამართავს შეხვედრებს, სადაც დიდი ალბათობით, სწორედ არსებულ მძიმე ვითარებაზე იქნება ლაპარაკი. შეგახსენებთ, აქამდე ასლან ბჟანიასა და ვლადიმერ პუტინს შორის მოლაპარაკებები სოჭში 12 ნოემბერს გაიმართა.
რუსულ გაზეთ "ნოვიე იზვესტიაში" («Новые известия») გამოქვეყნებულია სტატია, სათაურით: "რატომაა გამეფებული აფხაზეთში სიღარიბე და ნგრევა: "მოსკოვისთვის ასეთი მდგომარეობა მომგებიანია...“. მასალის ავტორია რუსი პოლიტიკოსი, რუსეთის პარტია "დემოკრატიული არჩევანის“ ლიდერი იგორ დრანდინი, რომელიც ამას წინათ მეორედ (2001 წლის შემდეგ) იმყოფებოდა სოხუმში.
გთავაზობთ პუბლიკაციას შემოკლებით:
"აფხაზეთის საქართველოსაგან დამოუკიდებლობის თვითგამოცხადებიდან თითქმის 30 წელი გავიდა, მაგრამ დანგრეული არ აშენებულა და მოსახლეობის სიღატაკე არ გამქრალა...
2000-იანი წლების დასაწყისში მე აფხაზეთში სტუდენტების ჯგუფთან ერთად ვიყავი. საკვირველია, მაგრამ 20 წლის განმავლობაში ადგილობრივ ხელისუფლებას, ფაქტობრივად, არაფერი არ გაუკეთებია, არაფერი არ შეცვლილა. არსებული საბჭოთა არქიტექტურა კიდევ უფრო მოძველდა და ინგრევა.
ოდესღაც პოპულარულ კურორტ ბიჭვინთაში ბოლო 20 წლის განმავლობაში არცერთი ახალი შენობა არ აგებულა, არცერთი ქუჩა არ გარემონტებულა... ზღვის ნაპირზე დაგებული საბჭოთა ფილაქანიც კი არ გამოცვლილა. კორპუსები ფანჯრების გარეშე, დაჟანგებული, დაფშვნილი ბეტონის ფილები - ასე გამოიყურება ბიჭვინთა 2020 წელს.
დღეს აფხაზეთი ღარიბი ქვეყანაა. ომის შემდეგ ბევრი რუსეთში და სხვა ქვეყნებში წავიდნენ. მოსახლეობა ოფიციალურად 250 ათასს აღწევს, მაგრამ სინამდვილეში ბევრად ცოტაა. რუსეთ-აფხაზეთის საზღვარს რომ გადაკვეთ, გეჩვენება, რომ ცივილიზაცია დასრულდა: გზის პირას ბევრია მიტოვებული სახლი, მოუვლელი მიწის ნაკვეთები... სიცოცხლის ნიშნებს მხოლოდ იქ შენიშნავ, სადაც ტურისტები მიჰყავთ.
პატრიოტულად განწყობილი აფხაზები 20 წლის წინათ მეუბნებოდნენ, რომ სიღარიბის მიზეზი ომია, რომელიც ახალახან დასრულდა და დრო გვჭირდება, რომ ცხოვრება აეწყოსო. დღეს, 2020 წლის ნოემბერში, ისინი იგივეს მეუბნებიან - ცოტა კიდევ მოითმინე და აფხაზეთს აყვავებულს ნახავო.
რაც მართალია, მართალია - აფხაზეთში ულამაზესი ბუნებაა, ეს ქვეყანა ადამიანმა აუცილებლად უნდა ნახოს, განსაკუთრებით რიწის ტბა და ახალი ათონი. მაგრამ დასვენება აფხაზეთში საშიშია, რადგან აქ რთული კრიმინოგენური ვითარებაა და ცუდი სამედიცინო მომსახურება.
აფხაზეთი რუსი გადასახადის გადამხდელთა კისერზეა ჩამოკიდებული: რუსული ფულის წილი აფხაზეთის ბიუჯეტში 50-დან 70%-მდე აღწევს, ანუ ჩვენი ქვეყანა აფხაზეთის ძირითადი კრედიტორია. იმის მიუხედავად, რომ ვალების გადახდა მოსკოვმა სოხუმს რამდენჯერმე გადაუვადა, რუსეთის მოქალაქეები ამის სანაცვლოდ არაფერს არ იღებენ.
ორიოდე სიტყვას აფხაზური ღვინოების შესახებაც ვიტყვი: არანაირი აფხაზური ღვინო არ არსებობს. კასრებით მოაქვთ მოლდავური კონცენტრატი, წყალში ხსნიან და "აფხაზური ღვინის“ ეტიკეტიან ბოთლებში ასხამენ. ადგილობრივი ღვინო ძმარია და მეტი არაფერი. მანდარინი და სხვა ციტრუსები კი ძალიან კარგია“.
სტატიამ მკითხველთა ფართო გამოხმაურება გამოიწვია. აი, ზოგიერთი კომენტარი:
"აფხაზეთი ძალიან მაგარი ადგილია, ფრანგულ "ლაჟვარდოვან სანაპიროს“ ბევრად სჯობია, მაგრამ ყველაფერს უპატრონობის კვალი ამჩნევია... ასე იქნება, ვიდრე აფხაზეთი საქართველოს შემადგენლობაში არ დაბრუნდება. ქართველებმა აჭარა და ბათუმი კონფეტად გადააქციეს...“.
"რუსეთს ოკუპირებული აფხაზეთის განვითარება არ ადარდებს, კრემლს უფრო ბუფერული ზონა ჭირდება სოჭსა და ნატოს პოტენციურ წევრ საქართველოს შორის. ბუფერული ზონა სწორედ ასეთი უნდა იყოს“.
"აფხაზეთში ადგილობრივი წარმოების პროდუქტს ძნელად თუ ნახავ: ყველაფერი რუსულია. აფხაზური მხოლოდ ლიმონი და მანდარინია“.
"აფხაზეთში ბევრი კრიპტოვალუტის მაინინგით ცხოვრობს - ელექტრონერგიას იპარავენ და გადასახადს არ იხდიან. რუსეთში გაერთიანება არ უნდათ - ხელს უშლით ზედმეტი სიამაყე და გაბოროტებამდე მისული წყენა. მაგრამ როცა ჭირდებათ, საქართველოშიც კარგად მკურნალობენ. ბზის ტყეები უკვე გაჩეხილი და განადგურებულია. მუშაობს კონტრაფაქტული სიგარეტების ფაბრიკა, რომელსაც თურქეთი მფარველობს. დასკვნა: აფხაზეთი არშემდგარი, პაროდიული სახელმწიფოებრივი წარმონაქმნია, რუსეთის ხარჯზე ცხოვრობს და მოსკოვიდან მიღებული ფულის 95%-ს იპარავენ“. წყარო
მოამზადა სიმონ კილაძემ
მკითხველის კომენტარები /
24 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჯერ სადა ხართ...ხომ გინდოდათ დამოუკიდებლობა და რუსეთი? აგაყვავათ პუტინმა? სანამ არ მიხვდებით რომ აფხაზეთი საქართველოა უარესზე უარესი წინა გაქვთ!!!