მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ქრისტე თავადაც წინასწარმეტყველებს სამყაროს დასასრულის შესახებ" - რას წერს დეკანოზი "აპოკალისფურ" ფეიკ-ნიუსებზე და რის წაკითხვას ურჩევს ბოლო ჟამით დაინტერესებულ ქრისტიანებს
23:06 / 08-12-2020
დეკანოზი თამაზ ლომიძე "ფეისბუქის" პირად გვერდზე ეხმაურება "აპოკაპიფსურ" ფეიკ-ნიუსებს, რომლებიც სხვადასხვა ინტერნეტ-გამოცემებისა და სოც ქსელების მეშვეობით არაერთხელ გავრცელებულა:
"საშინელი წინასწარმეტყველება, რომელიც ახლახანს გახდა ცნობილი" ან "ათონელი ბერის საშინელი წინასწარმეტყველება" ან კიდევ "უხუცესი ბერის საიდუმლო წინასწარმეტყველება იმაზე, თუ რა მოხდება მალე" და ბევრი ამგვარი. რამდენჯერ წაწყდომიხართ ინტერნეტში ასეთ ფსევდო-ქრისტიანულ ჩანაწერებს. ძირითადად სახელიც კი არაა ხოლმე ნახსენები ამ "უხუცესი, იდუმალი ბერის" თუ "დიდი წმინდანის", მაგრამ, გულუბრყვილო ქრისტიანი ხალხი ამას კითხულობს, იჯერებს და არეული აქვს გზა-კვალი.
ქრისტიანებმა უნდა ვიცოდეთ, რომ ძველ აღთქმაში რჩეულ ერს ჰყავდა სამი ცხებული ძალაუფლება (ცხებული ნიშნავს ღვთისაგან ანუ სულიწმინდისგან ცხებულს): მღვდლები, წინასწარმეტყველნი და მეფენი. ამათში ცხადდებოდა ღვთის ძალა და ნება. მაგრამ, არცერთ კაცს ისრაელში არ შეეძლო სამივე ძალაუფლება ჰქონოდა ერთად. მხოლოდ მესიაში ანუ იესო ქრისტეში შეერთდა ეს სამივე - მღვდელიც, მეფეც და წინასწარმეტყველიც. სახარებაში ქრისტე თავადაც წინასწარმეტყველებს მისი მეორედ მოსვლის წინა პერიოდის, თავად მეორედ მოსვლის და ამ სამყაროს დასასრულის შესახებ (იხ. მთ. 24, მკ. 13, ლკ. 21).
გარდა ამისა, ამაღლებიდან რამდენიმე ათეული წლის შემდეგ, კუნძულ პატმოსზე ქრისტე გამოეცხადა მოციქულ იოანეს და განუცხადა ყველაფერი ხილული სამყაროს აღსასრულის შესახებ. ესაა ბიბლიის ბოლო წიგნი - აპოკალიფსი ანუ იოანეს გამოცხადება. ეს წიგნი ასრულებს წმინდა წერილს. ამ წიგნის შემდეგ აღარ არსებობს წინასწარმეტყველება.
ბერძნული სიტყვა "აპოკალიფსი" ნიშნავს საბურველის გადახდას და ამ ბოლო წიგნში უფალმა საბურველი გადახადა ადამიანებისთვის ყველა საჭირო ცოდნას ამ ქვეყნის დასასრულის შესახებ და რაც საჭირო და სასარგებლო იყო ჩვენთვის, კიდევაც დაიწერა იოანეს მიერ. იოანე ასე ამთავრებს ამ გამოცხადების წიგნს და შესაბამისად მთელ ბიბლიასაც და ესაა გაფრთხილებაც ჩვენთვის: "თუ ვინმე რამეს დაურთავს მათ (ამ წიგნის სიტყვებს), ღმერთი დაურთავს მას წყლულებს, რომლებიც წერია ამ წიგნში. ხოლო თუ ვინმე რამეს მოაკლებს ამ წიგნის წინასწარმეტყველების სიტყვებს, ღმერთი მოაკლებს მას წილს სიცოცხლის ხიდან, წმიდა ქალაქიდან და იქიდან, რაც ჩაწერილია ამ წიგნში." (გამ. 22, 18-19)
ყურს ნუ ათხოვებთ "იდუმალი უხუცესი ბერების" და "უცნობი წმინდანების" ზღაპრებს. ყველაფერი რისი ცოდნაც საჭირო და სულისთვის სასარგებლოა, საბურველგადახდილია შვილებისთვის და დაწერილია ბიბლიაში", - წერს დეკანოზი.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვეთანხმები,განსაკუთრებით რუსებმა იციან გაბუქება,სულ სტარეცებს და სასწაულებს ეძებენ, საქართველოშიც არის ეს კატეგორიის ხალხი.მთავარია გყავდეს კარგი ,აუცილებლად გამოცდილი მოძღვარი,იცხოვრო სინდისით და მცნებების შეძლებისდაგვარად დაცვით,კვირაში ერთხელ მინიმუმ ეზიარო,იმუშავო საკუთარ თავზე,ისწავლო აზრებთან და წარმოსახვებთან ბრძოლა რომელიც სხეულის შიგნით,შინაგან კაცში(გულში) მიმდინარეობს.და გონიერი ლოცვა.თავიდან სიტყვიერი ლოცვა
კიდევ კარგი რომ არიან ასეთი მცოდნე სასულიერო პირიები თორემ ხალხი საერთოდ დაკარგავდა რწმენას. იმ ვითომ სასულიერო პირების გასაგონად, ზოგი რომ სელფების გადაღებით არის დაკავებული და ზოგი კიდევ ძველი ბიჭივით ლაპარაკობს: მიბაძეთ დეკანოზ თამაზს.