მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კორონავირუსგადატანილმა აუცილებლად უნდა ჩაიტაროს გრიპის საწინააღმდეგო აცრა" - გამყრელიძის განცხადებით, გუშინ, ამ სეზონზე პირველად გამოჩნდა გრიპის ვირუსი
13:00 / 08-12-2020
დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსგადატანილ ადამიანს შესაძლოა, გრიპის ვირუსიც დაემართოს. როგორც გამყრელიძემ მთავრობის ადმინისტრაციაში გამართულ ბრიფინგზე შესაბამისი კითხვის საპასუხოდ განაცხადა, კორონავირუსგადატანილმა პირმა აუცილებლად უნდა ჩაიტაროს გრიპის საწინააღმეგო აცრა.
"ორივე რესპირაციული ვირუსია, მაგრამ “ბ“ ტიპის ვირუსი არის სხვა და კორონავირუსი სულ სხვა. კორონავირუსგადატანილს შეიძლება შეხვდეს ასევე გრიპის ვირუსი. ამიტომ თავდაცვითი ღონისძიებები აუცილებელია. კორონავირუსგადატანილმა აუცილებლად უნდა ჩაიტაროს გრიპის საწინააღმეგო აცრა. კორონავირუსი თქვენ გრიპის საწინააღმეგოდ არ დაგიცავთ, მაგრამ დაგიცავთ გრიპის საწინააღმდეგო აცრა“, - განაცხადა გამყრელიძემ. ამასთან, გამყრელიძემ აღნიშნა, რომ სიმპტომების გამოვლენის შემდეგ, "სასურველია ჯერ გამორიცხოთ კორონავირუსული ინფექცია და გავიკეთოთ სწრაფი ანტიგენზე დამყარებული ტესტი.
"თუ კორონავირუსი გამოირიცხა, მაშინ დიდი ალბათობით გაქვთ სხვა რესპირაციული ვირუსი. ასევე, როგორც ვიცი დიდ საავადმყოფოებს და ქსელშიც არის გრიპის სწრაფი ტესტებიც“, - განაცხადა გამყრელიძემ.
ამასთან, გამყრელიძე აცხადებს, რომ საქართველოში B ტიპის გრიპმა დაიწყო ცირკულირება. მისი თქმით, არსებობს ალბათობა, რომ წელს გრიპის სეზონი ოდნავ რბილი იყოს.
"გუშინ პირველად გამოჩნდა, რომ B ტიპის გრიპმა დაიწყო ცირკულაცია, ანუ პირველად ამ სეზონზე გამოჩნდა გრიპის ვირუსიც კორონავირუსულ ინფექციასთან ერთად. როგორც მოსალოდნელი იყო, დეკემბერში ჩვენთან აქტიურდება გრიპიც, არ ვიცით რამდენად აქტიური იქნება წელს გრიპი. თუ ავიღებთ სამხრეთ ნახევარსფეროს გამოცდილებას, ზაფხულის გრიპი ნაკლებად აქტიური იყო. ამაზე ბევრი ვერსია არსებობს, მათ შორის ისიც, რომ ადამიანები მივეჩვიეთ პრევენციული ღონისძიებების დაცვას, პირბადის ტარებას, მეტი ადამიანი აიცრა გრიპის საწინააღმდეგოდ, უფრო მეტი იცავს დისტანციას და სანიტარულ ნორმებს. ალბათობა არის, რომ შეიძლება გრიპის სეზონი ოდნავ რბილი იყო, თუმცა ეს არ გვაძლევს დამშვიდების საფუძველს. კლინიკურად გრიპის ვირუსით გამოწვეული რესპირაციული ინფექცია და კორონავირუსი დაახლოებით ერთი და იგივეა, გამოცდილ ექიმს შეუძლია მისი კლინიკურად დიფერენციაცია, საბოლოო დიფერენციაციული დიაგნოზი კი ისმება ლაბორატორიული კვლევის საფუძველზე“,- განაცხადა გამყრელიძემ.
მან მოსახლეობას რეკომენდაციებით მიმართა და გრიპის ვაქცინაციისკენ მოუწოდა. ასევე, გამყრელიძე მოსახლეობას სთხოვს, რესპირაციული სიმპტომების არსებობის შემთხვევაში, კორონავირუსზე სწრაფი ტესტი ჩაიტარონ.
"რესპირაციული ვირუსების სეზონი აქტიურ ფაზაში შედის, ამიტომ ყველა პრევენციული ზომის დაცვა და მათ შორის, ყველაზე მნიშვნელოვანი, პირბადის ტარება უნდა გახდეს სრულიად მანდატორული. ოფიციალურად არის, მაგრამ ყველამ უნდა გავითავისოთ, რომ დეკემბერში, იანვარსა და თებერვალში აუცილებელია ყველგან პირბადის ტარება. ის დაგიცავთ გრიპისგან და კოვიდისგან. ჩვენ 65%-ზე გვაქვს პირბადის გამოყენების მაჩვენებელი და თუ ამას 95%-ზე ავიყვანთ, სერიოზულად იქნება შემცირებული კოვიდის ახალი შემთხვევები და შესაბამისად, დაცული ვიქნებით გრიპისგანაც. ამასთანავე, გთხოვთ, ვისარგებლოთ იმ შესაძლებლობებით, რაც გვაქვს. გრიპთან მიმართებით, სახელმწიფოს ვაქცინა საკმარისია, მიბრძანდნენ ისინი, ვინც რისკჯგუფებში არიან. რისკ ჯგუფები უფრო გაფართოვდა. რისკჯგუფში არიან მასწავლებლები, ასევე 65 წელს ზემოთ ადამიანებს მოეხსნათ აუცილებლობა ქრონიკული დაავადებების ქონის. ყველას შეუძლია მიბრძანდეს და აიცრას. ჯერ კიდევ არის ვაქცინის მარაგი, ასევე, ვთხოვ თითოეულ ორსულ ქალბატონს, რომ აიცრან გრიპის საწინააღმდეგოდ.
ასევე, სერიოზულად ფართოვდება გამოვლენა, ანუ აქტიურდება ტესტირება. დღეს 16 ათას 646 ტესტი ჩატარდა, დაახლოებით 11 ათასი სწრაფი ანტიგენის ტესტი იქნა ჩატარებული. ვთხოვ ყველა სიმპტომიან ადამიანს, მივიდეს პოლიკლინიკებში, ჩაიტარონ ანტიგენის ტესტი, რამეთუ სიმპტომებიან ადამიანში ის 15 წუთში მოგცემთ პასუხს, ძალიან მაღალია თანხვედრა პისიარ ტესტთან“,- განაცხადა გამყრელიძემ.
00:00 / 00:00
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ღმერთო როგორ მომაბეზრეს ამათ თავი...
ბ-ნ Თენგზ აცრ რომ აუცილებელია 4 კომპონენტიანი ვიცი მაგრამ იმას რატომ არ გვეუბნებიᲗ როგორ გავიკეᲗოᲗ 1 აცრა 70 ლარი რრომ Ღის მე 350 ლარი უნდა გადავიზადო და მერე ვაქცინა ვᲭამო....ამაზე რატო არ გიფიქრიაᲗ .....Ჩემნაირი რამდენი ცხოვრობს რომ გაწვდეს ვაქცინას და ასე Შემდეგ.....ესრᲗს რომ აანონსებᲗ მეორე მხარე გავიწყდებაᲗ.