კახეთში კორონავირუსით კიდევ 3 ადამიანი გარდაიცვალა

კახეთში კორონავირუსით კიდევ სამი ადამიანი გარდაიცვალა. ორი თელავის რაიონულ საავადმყოფოში მკურნალობდა. 69 წლის ინფიცირებული პირი ახმეტის მუნიციპალიტეტის სოფელ მარანში ცხოვრობდა,86 წლის ქალი კი სიღნაღის მუნიციპალიტეტის სოფელი ვაქირიდან იყო.

რაც შეეხება მესამე, 86 წლის კაცს, ის გურჯაანის მუნიციპალიტეტის სოფელ კარდენახის მკვიდრია, რომელიც საგარეჯოს “ჯეო ჰოსპიტალსის” ბოქსირებულ განყოფილებაში იყო მოთავსებული.

ბოლო მონაცემებით, რეგიონში covid19-ით, ინფიცირებულთა საერთო რაოდენობა 5429-ს შეადგენს, მათგან: ახმეტა -394, გურჯაანი -1124, დედოფლისწყარო - 434, თელავი -1431, ლაგოდეხი - 707, საგარეჯო -583, სიღნაღი-309, ყვარელი - 447.