კახი კავსაძის მდგომარეობა გაუმჯობესდა - მსახიობის ფოტო კლინიკიდან
მსახიობ კახი კავსაძის ჯანმრთელობის მდგომარეობა გაუმჯობესდა. ამის შესახებ „ინტერპრესნიუსს“ კახი კავსაძის ძმამ, იმერი კავსაძემ განუცხადა. როგორც მან აღნიშნა, მსახიობის კლინიკიდან გამოწერა ჯერ არ იგეგმება, თუმცა მისი მდგომარეობა უკეთესია.
"გაუმჯობესება არის. უკეთესი მდგომარეობაა. პირადად მე მასთან კომუნიკაცია არ მაქვს, რადგან ის რეანიმაციაშია და მე იზოლაციაში ვარ, მაგრამ კომუნიკაცია გვაქვს ლევან რატიანთან. გამოწერა ჯერ არ იგეგმება, არც არის საჭირო ასეთი სიჩქარე, მთავარია უკეთესი მდგომარეობაა, დადებითია ყველაფერი და სჯობს ნელ-ნელა, აუჩქარებლად მივიდეს საქმე გამარჯვებამდე“, - განაცხადა იმერი კავსაძემ.
შეგახსენებთ, რომ მსახიობი კახი კავსაძე თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში 28 ნოემბერს გადაიყვანეს. მას კორონავირუსი დაუდასტურდა.
კახი კავსაძის ფოტოს კლინიკიდან "ტვ პირველი" ავრცელებს.
მესტიაში სამაშველო ოპერაციის დროს, ერთი ადამიანის ცხედარი იპოვეს - "უღელტეხილზე იმყოფებოდა ტურისტი და დახმარებას ითხოვდა"
დღეიდან საქართველოს მასშტაბით მუნიციპალური ტრანსპორტის მოძრაობა იზღუდება - ეხება თუ არა შეზღუდვა საქალაქთაშორისო ტრანსპორტს
