მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კლავს და მინიმუმამდე ამცირებს ვირუსის გამრავლებას" - როგორია "რემდესივირით" მკურნალობის წესები კოვიდპაციენტებში და რას ამბობს პრეპარატზე თენგიზ ცერცვაძის მკურნალი ექიმი
17:42 / 03-12-2020
ბოლო რამდენიმე დღეა, მედიკამენტი "რემდესივირი" კვლავ აქტიური განსჯის საგანი გახდა. კონკრეტულად კი მას შემდეგ, რაც თენგიზ ცერცვაძემ Covid 19-ისგან სწრაფი გამოჯანმრთელება სწორედ ამ პრეპარატს დაუკავშირა. ინფექცური საავადმყოფოს ხელმძღვანელმა აღნიშნა, რომ მისი მკურნალობის პროტოკოლში ამ ანტივირუსული მედიკამენტის ჩართვა პირადი ინიციატივა იყო.
მიმდინარე მოვლენების გათვალისწინებით, სახელმწიფომ მიზანშეწონილად მიიჩნია "რემდესივირის" შეძენა და მისი ფართო მოხმარებაში ჩაშვება. როგორც დაავადებათა კონტროლის ეროვნულ ცენტრში აცხადებენ, მედიკამენტი უკვე შეკვეთილია და დაახლოებით 10 დღეში საქართველოში მცხოვრები პაციენტებისთვის ხელმისაწვდომი იქნება.
როგორ უყურებენ "რემდესივირის" პერსპექტივას საქართველოში და იქონია თუ არა რეალურად გავლენა თენგიზ ცერცვაძის გამოჯანმრთელებაზე ამ მედიკამენტმა? - AMBEBI.GE ესაუბრა ინფექციონისტ ალექსანდრე გოგინავას, რომელიც კორონავირუსით ინფიცირებულ თენგიზ ცერცვაძეს მკურნალობდა.
- რა შეგიძლიათ ზოგადად გვითხრათ "რემდესივირზე" და მის როლზე Covid 19-ის მკურნალობაში?
- რემდესივირი შეიქმნა, როგორც ანტივირუსული მედიკამენტი კონკრეტულად ებოლას მკურნალობისთვის, მაგრამ მაშინ მან ვერ აჩვენა კარგი შედეგები და არ იქნა აღიარებული ერთმნიშვნელოვნად ეფექტურ სამკურნალო პრეპარატად. ახალი კორონავირუსული ინფექციის პანდემია რომ დაიწყო, მაშინ გააქტიურდა „რემდესივირის“ ეფექტურობის შესახებ მსჯელობა. საწყის ეტაპზე არაერთმა სერიოზულმა კვლევამ აჩვენა, რომ მას, სხვა მედიკამენტებთან შედარებით, დადებითი ეფექტი ჰქონდა. შეამცირა სიკვდილიანობა და დაავადების მძიმე მიმდინარეობა. თუმცა იყო კვლევები, რომლებიც საპირისპიროს ამტკიცებდა.
მსოფლიო სამედიცინო საზოგადოებაში მედიკამენტთან დაკავშირებით ახლაც ურთიერთსაპირისპირო მოსაზრებებია. თუ ამერიკული FDI მის სიკეთეებზე საუბრობს და გაიდლაინებში შეტანის რეკომენდაციას იძლევა, ჯანმო საპირისპირო პოზიციას აფიქსირებს. ორგანიზაცია „რემდესივირს“ არ მიიჩნევს ეფექტურ მედიკამენტად და არ იძლევა კოვიდის მკურნალობაში მისი ჩართვის რეკომენდაციას. აღსანიშნავია, რომ ეს ორივე ორგანიზაცია ერთმანეთზე ავტორიტეტულია.
თუ დავუშვებთ, რომ ეფექტურია, უნდა გამოიყენებოდეს დაავადების დასაწყისში და ჟანგბადდამოკიდებულ პაციენტებში, პირველი 7-10 დღის განმავლობაში, როდესაც ვირუსი განიცდის გამრავლებას
- Covid19-ის მკურნალობაში როგორია ამ მედიკამენტის გამოყენების წესები?
- თუ დავუშვებთ, რომ ეფექტურია, უნდა გამოიყენებოდეს დაავადების დასაწყისში და ჟანგბადდამოკიდებულ პაციენტებში, პირველი 7-10 დღის განმავლობაში, როდესაც ვირუსი განიცდის გამრავლებას. მარტივად, რომ გითხრათ, იგი კლავს ვირუსებს და მინიმუმამდე ამცირებს მის რეპლიკაციას, გამრავლებას.
- ჩვენს ქვეყანაში როგორ უყურებენ „რემდესივირის“ პერსპექტივას?
- როგორც მთელს მსოფლიოში, ჩვენთანაც განსხვავებულია მოსაზრებები. ზოგი ეფექტურად მიიჩნევს, ზოგს არ სჯერა მისი. ჯერ ჩვენთან ეს ხელმისაწვდომი არ არის, ამიტომაც არ გვაქვს მისი გამოყენების დიდი პრაქტიკული გამოცდილება.
- თქვენ რას ფიქრობთ პირადად?
- ვთვლი, რომ ამ პრეპარატის ეფექტურობა არ არის მაღალი, მაგრამ გარკვეულ შემთხვევებში მისი გამოყენება შესაძლებელია, რადგან სხვა უფრო კარგი პრეპარატი ამ ეტაპზე არ გაგვაჩნია.
- ბატონ თენგიგზს თქვენ მკურნალობდით, როგორ ფიქრობთ, მისი გამოჯანმრთელება „რემდისივირის“ დამსახურებაა?
- რთული სათქმელია, რამ იქონია ბატონი თენგიზის გამოჯანმრთელებაზე გავლენა, ასე ცალსახად გამიჭირდება „რემდესივრთან“ ამის დაკავშირება. თავიდან მისი დაავადება მძიმედ მიმდინარეობდა, ჰქონდა პნევმონია, სიცხეები და ა.შ. ძალიან რთული სათქმელია „რემდესივირის“ მიცემის შემდეგ მოხდა თუ არა მდგომარეობის დასტაბილურება, მაგრამ ცალსახად შემიძლიათ გითხრათ, რომ მას ვითარება არ გაუუარესებია. ხაზგასმით გეუბნებით, „რემდესივირთან“ ბატონი თენგიზის გამოჯანმრთელების დაკავშირება გამიჭირდება. სხვა მედიკამენტებიც იყო მკურნალობაში და შეიძლებოდა დაავადებას ისედაც დაეხია უკან. თუმცა ისიც აღსანიშნავია, რომ ბატონი თენგიზის შემთხვევაში დაავადების დამძიმების რისკები მაღალი იყო.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
roca xelisufleba sheicvleba kvela codvilii, sami mushketeri da matdagvari "humanoidebi" tavis tavs tavad gamoutanen ganachens...ase icis shishma...
უფალო შეგვიწყალე