მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რატომ აღმოჩნდა "რემდესივირი" თენგიზისთვის და არა სხვებისთვის - მეგობრებმა გამომიგზავნეს უცხოეთიდან და ვის შეუძლია ეს შეზღუდოს?!" - თენგიზ ცერცვაძე კრიტიკას პასუხობს
20:15 / 02-12-2020
არ შეიძლება, რომ კრიტიკა, უკმაყოფილება მოდიოდეს ნებისმიერ შემთხვევაში - როდესაც მე ვიყავი ინიციატორი ქვეყანაში „რემდესივირის“ შემოტანის, ძალიან ბევრი კრიტიკოსი გამომიჩნდა, რატომ შემომქონდა მედიკამენტი, რომელიც ყველას მიერ არ არის მოწონებული; ახლა წამოვიდა მეორე კრიტიკა, რატომ აღმოჩნდა თენგიზისთვის და არ არის სხვებისთვის, - ამის შესახებ ინფექციური პათოლოგიებისა და შიდსის ცენტრის დირექტორმა თენგიზ ცერცვაძემ „პალიტრანიუსის“ გადაცემა „დღის ნიუსრუმში“ განაცხადა.
როგორც ცერცვაძემ აღნიშნა, მედიკამენტი საქართველოში ხელმისაწვდომი დაახლოებით ორი კვირის ვადაში იქნება.
„მე ორმაგად რისკის ჯგუფს მივეკუთვნები, ასაკთან ერთად მაქვს თანმხლები დაავადება არაჰოჯკინის ლიმფომა გამოხატული იმუნოდეფიციტით. შეიძლება ითქვას, რომ ეს ის მდგომარეობაა, რომელიც ყველაზე მაღალი რიკის ჯგუფია კოვიდავადმყოფებისთვის, რამეთუ არსებობს რისკი დაავადების ძალიან აგრესიულად წასვლის და მძიმე გამოსავლის. საბედნიეროდ, მე ამას გადავურჩი. დაიწყო ვირუსი ყელის ტკივილით, ცხელებით, ხველით და იყო როგორც მოსალოდნელია იმუნური სისტემის მკვეთრი გაუარესება. 14-ში აღმომაჩნდა ვირუსი და 16-ში დაიწყო იმუნური სისტემის გაუარესებს. ოთხ დღეში ეს მაჩვენებელი კრიტიკულ ზღვრამდე ჩამოვიდა. რომ არა ზომების მიღება, მას შესაძლოა, მოჰყოლოდა ცუდი შედეგები, ამ დროს მივიღე გადაწყვეტილება, რომ გადამესხა ანტივირუსული მედიკამენტი „რემდესივირი“, რომელიც სადღეისოდ ერთადერთი მედიკამენტია, რომელიც რეკომენდებულია ამერიკის ჯანდაცვის ნაციონალური ინსტიტუტების გაიდლაინით, მაგრამ მას ყველა ერთნაირად არ აფასებს. მაგალითად, ჯანმო-ს კვლევებით ითვლება, რომ ეს მედიკამენტი ეფექტური არ არის. საქართველოში ეს პრეპარატი შემოტანილი ჯერ არ არის. ხელშეკრულება გაფორმებულია და დაახლოებით, 10 დღეში 2 კვირაში იქნება ხელმისაწვდომი. „რემდესივირის” გადასხმიდან მეორე დღეს დაიწყო ჩემი მდგომარეობის გაუმჯობესება და 5 დღეში ჩემმა იმუნურმა სისტემამ საწყის ზღვარს მიაღწია. მე ვერ ვამტკიცებ, რომ ეს ყველაფერი დაკავშირებულია „რემდესივირთან“, რადგან ერთი ადამიანით ამის მტკიცება შეუძლებელია. ფაქტია, რომ ჩემზე ასე იმოქმედა.
არ შეიძლება, რომ კრიტიკა, უკმაყოფილება მოდიოდეს ნებისმიერ შემთხვევაში. როდესაც მე ვიყავი ინიციატორი ქვეყანაში „რემდესივირის“ შემოტანის, ძალიან ბევრი კრიტიკოსი გამომიჩნდა, რატომ შემომქონდა მედიკამენტი, რომელიც ყველას მიერ არ არის მოწონებული. მე ჩემს თავზე შემიძლია გადაწყვეტილების მიღება, თუნდაც ჯანმო-ს მიერ უარყოფილი მედიკამენტი გავიკეთო, თუ მე მისი მწამს. ახლა წამოვიდა მეორე კრიტიკა, რატომ აღმოჩნდა თენგიზისთვის და არ არის სხვებისთვის. ეს არ იყო სახელმწიფო მარაგიდან, მედიკამენტი ჯერ არ შემოსულა. გუშინწინ მოეწერა ხელი, ჩემი გაჯანმრთელების მერე დადგენილებას და მედიკამენტი დაახლოებით, ორ კვირაში შემოვა. მე მეგობრებმა გამომიგზავნეს უცხოეთიდან და ეს ვის შეუძლია შეზღუდოს, თუკი პაციენტს და მითუმეტეს ექიმს სწამს ამ მედიკამენტის, რატომ უნდა იყოს კრიტიკის საგანი?!“ - განაცხადა ცერცვაძემ.
00:00 / 00:00
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბატონო თენგიზ, არაფერში არ გჭირდებათ ვიგინდარებთან თავის მართლება.
ნუ შეჭამეთ რა ეს მართლაც კარგი ადამიანი. მთელი წელია კოვიდინფიცირებუებთან არის, არ აქვს იმის უფლება რომ თავის თავს უმკურნალოს?, ღმერთმა დაგლოცოთ ბატონო თენგიზ. ბევრი კარგი საქმე გაქვთ გაკეთებული ქართველებისათვის და დარწმუნებული ვარ რომ მომავალშიც კიდევ ბევრ სიკეთეს იზამთ.