მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პური 15-20 თეთრით ძვირდება, თუმცა მოსახლეობისთვის არ გაძვირდება, გაზის გაძვირება პურის მწარმოებლებზე არ აისახება" - რა ცვლილებებია მოსალოდნელი ბაზარზე?
12:31 / 02-12-2020
რეალურად, პური 15-20 თეთრით ძვირდება, თუმცა მოსახლეობისთვის გაძვირება, სუბსიდირების ხარჯზე, არ მოხდება - ეს მდგომარეობა გათვალისწინებულია აპრილამდე, - ამის შესახებ „პურის მცხობელთა ასოციაციის” თავმჯდომარემ, მალხაზ დოლიძემ „მედიაცენტრ მთავარში” გამართულ პრესკონფერენციაზე განაცხადა.
მისივე თქმით, სუბსიდირების პროგრამაში ჩაერთვებიან ის მწარმოებლები, რომლებიც 1 ტონა ფქვილს ხარჯავენ.
„რეალობა ასეთია - არა მხოლოდ საქართველოში, არამედ მთელ მსოფლიოში ფაქტობრივად გაორმაგებულია ხორბლის ფასები. მსოფლიოში 8 ქვეყანაა ხორბლის გამყიდველი. მათ შორის ჩვენს რეგიონში რუსეთი, ყაზახეთი, უკრაინა და ევროპაში საფრანგეთი, ხოლო ამერიკის კონტინენტზე - ეს არის ამერიკა, არგენტინა და კანადა ასევე, ავსტრალია. წელს გამოყოფილად ორ ქვეყანას, რუსეთს და ავსტრალიას ყველაზე მეტი გასაყიდი მოსავალი მოუვიდათ. რუსეთმა საკმაოდ მაღალი ფასები დააწესა. მდგომარეობა ურთულესია - ჩვენი ლარის მიმართებაში და საერთოდ ეს ყველაფერი ერთად ფოკუსირდება ფასებზე. მინდა იცოდეთ, რომ პურში ფქვილის ღირებულება არის საკმაოდ მაღალი, ამიტომ ეს არის, რა თქმა უნდა, სატკივარი და საფიქრალი. მეწარმეები შექმნილ ვითარებას გაგებით ვეკიდებოდით და ყოველთვის საკითხებს ვაყენებდით მთავრობის წინაშე. მე მინდა დავაფიქსირო, რომ პური არ გაძვირდება, რადგან სუბსიდირება განხორციელდება”, - განაცხადა მალხაზ დოლიძემ.
ამასთან მალხაზ დოლიძემ აღნიშნა, რომ ბუნებრივი აირის ფასი პურის მწარმოებლებისთვის არ გაიზრდება.
„გაზის მწარმოებელმა დამირეკა და მითხრა, რომ ფასის ზრდის მიმართ მიღებული გადაწყვეტილება პურის მწარმოებლებს არ შეგეხებათო, თუმცა წყლის მაღალი ღირებულება შეგვრჩა პურის ქარხნებს, რაც ძალიან სამწუხაროა”, - განაცხადა დოლიძემ.
"საქართველოს ხორბლისა და ფქვილის მწარმოებელთა ასოციაციის თავმჯდომარის ლევან სილაგავას განცხადებით, ბუნებრივი აირის დაანონსებული ზრდა პურის მწარმოებლებზე არ აისახება. როგორც მან „მედიაცენტრ მთავარში“ გამართულ პრესკონფერენციაზე განმარტა, მსოფლიო ბაზარზე ხორბალი გაძვირებულია და მოთხოვნაც მეტია. ლევან სილაგავამ ის ფაქტორები დაასახელა, რომელიც პურის ფასზე გავლენას ახდენს.
„მთლიანობაში, გაზის ტარიფი პურის მწარმოებლებზე ასახული არ არის. შესაბამისად, აქ არის გამონაკლისი და ამ შემთხვევაში, პურის მწარმოებლები დღეს ამაზე დამოკიდებულები აღარ იქნებიან. „ფქვილის მწარმოებელთა ასოციაციის“ სახელით მინდა განვაცხადო, რომ მსოფლიო ბაზარზე ტენდენციები საკმაოდ პრობლემურია, ანუ, მსოფლიოს მასშტაბით ხორბალი გაძვირებულია. იმის გათვალისწინებით, რომ მთელ მსოფლიოში 8 ქვეყანა არის, რომელიც მსოფლიოს ხორბალს აწვდის, ეს არის - აშშ, კანადა, ავსტრალია, არგენტინა, ევროკავშირი, რუსეთი, უკრაინა და ყაზახეთი. შესაბამისად, აქედან 6 ქვეყანაში არის პრობლემა- მოუსავლიანობა. მხოლოდ რუსეთში და ავსტრალიაში არის შედარებით უკეთესი მოსავალი, თუმცა, ეს 2 ქვეყანა 6-ს ვერ აბალანსებს. ეს არის ერთი ფაქტორი, რომელიც მსოფლიო ბაზარზე მოქმედებს. მეორე ფაქტორი არის ის, რომ პანდემიის პირველი ტალღის დროს და მეორე ტალღის მოლოდინში სასურსათო უსაფრთხოების პრობლემები შეიქმნა ქვეყნებში. ახლა აჟიოტაჟურად ყველა ქვეყანა ცდილობს უფრო მეტი ხორბალი იყიდოს, ვიდრე შარშან, ანალოგიურ პერიოდთან შედარებით, დაახლოებით 20-30%-ით მეტი ხორბლის ყიდვა ხდება მსოფლიოში“, - განაცხადა სილაგავამ.
მისი თქმით, მეოთხე უარყოფითი ფაქტორი არის ლარის კურსის დოლართან მიმართებით რყევა, რაც ხორბლის ფასზე შესაბამისად აისახება. ლევან სილაგავას თქმით, „ხორბლის მარაგების პრობლემა არ არსებობს და ორთვიანი მუდმივი მარაგია“. გარდა ამისა, მისი განმარტებით, პურის ქარხნებისთვის ბუნებრივი აირის ტარიფი იგივე დარჩება.
„ბუნებრივი აირის გამოცხადებული და დაანონსებული გაძვირების შედეგად პირდაპირ წერია, რომ პურის ქარხნებისთვის ბუნებრივი აირის ტარიფი იგივე დარჩება, ანუ არ ძვირდება. ეს ფაქტორი პურის ქარხნებზე არ მუშაობს. რაც შეეხება წისქვილკომბინატებს, ისინი არ მოიხმარენ გაზს, სრულად ელექტროენერგიაზე არიან. ეს ფაქტორიც ჩვენთან არ მუშაობს. შესაბამისად, გაზის გაძვირების ფაქტორი ჩვენზე არ მუშაობს. გავრცელდა ინფორმაცია, რომ ფქვილი ყველგან 53 ლარი იქნება. ეს ასე არ არის. 53 ლარი იქნება პურის ქარხნებისთვის მისაწოდებელი ფასი, რომელიც ტენდერის საშუალებით გამოცხადება და იქნება იმ სიის ჩამონათვალი, რომელსაც ჩვენ მოგვცემს პურის ასოციაცია. შესაბამისად, მხოლოდ ამ ქარხნებისთვის მოწოდებული იქნება 53 ლარად, ფიქსირებულ ფასად მიწოდებული. ეს არის თვეში მიწოდებული 10 ათასი ტონა, საქართველოს თვეში დაახლოებით 30 ათასი ტონა ფქვილი სჭირდება. დანარჩენ 20 ათასზე იქნება თავისუფალი ფასები. ეს არის საგემოვნო პურები, იგივე თონის პური, გერმანული, ავსტრიული, ლიტვური პური. შესაბამისად, ეს მოქმედებს მხოლოდ 10 ათას ტონაზე, რომელიც მიეწოდება წისქვილკომბინატებიდან ფიქსირებულად, 53 ლარად იმ პურის ქარხნებს, რომლებიც წარმოდგენილი იქნება პურის მრეწველთა კავშირის მიერ. დარანარჩენ ბაზარზე პირველი ხარისხის იგივე ფქილი, ასევე უმაღლესი საკონდიტრო ფქვილი წარმოდგენილი იქნება თავისუფალი ფასებით“, - განაცხადა ლევან სილაგავამ.
ცნობისთვის, 3 იანვრიდან შპს “თბილისი ენერჯის“ არასაყოფაცხოვრებო მომხმარებლებს, პურის საწარმოების გარდა, ბუნებრივი გაზის ღირებულება ერთ კუბურ მეტრზე 20 თეთრზე მეტით ეზრდებათ და ერთი ლარით და 10 თეთრით განისაზღვრება. კომპანიაში აღნიშნულის მიზეზად ლარის კურსის გაუფასურებას ასახელებენ.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პურის 1 ტომრის ფასი ქარხნებისთვის 53 ლარია და ოჯახში რომ იყიდოს ადამიანმა იგივე 1 ტომრის ფასი კი 80-87 ლარი, ეს სამართალია???
თუ კიდევ იტყვით რომ მთავრობა ზრუნავს ხალხზეო?!
მგონია რომ უმეტესობას არ მოსწონს მსგავსი საკითხების გარშემო ტრიალი მაგრამ .....
ყველაფერს ფასი ემატება, არადა გახსოვთ ბიძგვინა რას გეუბნებოდათ, უფასო ფულიდან დაწყებული დამთავრებული ყოველ სოფელზე წელიწადში 5 მილიონით... სადა ნეტავ.... რატომ ხდება, რომ თეთრებს იმეტებს სახელმწიფო და ტენდერებში კიდევ ბიძგვინას მილიონერები (მათ შორის ოცნების დეპუტატები) იგებენ მხოლოდ....