"არ არის მართვით სუნთქვაზე, მშვენივრად, ნორმალურად არის" - როგორია კახი კავსაძის მდგომარეობა დღეს
კახი კავსაძის ძმის იმერი კავსაძის განცხადებით, მისი ძმა მართვით სუნთქვაზე არ იმყოფება. როგორც იმერი კავსაძემ დღეს სააგენტო "ინტერპრესნიუსთან" აღნიშნა, ყველაფერი კონტროლს ექვემდებარება და მდგომარეობა საგანგაშო არ არის.
„ყველაფერი ნორმაზეა, ყველაფერი ექვემდებარება კონტროლს, არის საავადმყოფოში და ყველაფერი კეთდება იმისათვის, რომ კარგად იყოს. საგანგაშო არაფერი არ არის აბსოლუტურად, უბრალოდ კახი არის უფრო ნაომარი ასე ვთქვათ, ოპერაციებით და საჭიროა მისი უფრო მეტი მეთვალყურეობა ვიდრე ჩემი, მე შედარებით ნაკლები ოპერაციები მაქვს. არაფერი არ აკლია აბსოლუტურად, ყველაფერი ექვემდებარება კონტროლს.
არ არის მართვით სუნთქვაზე, რა მართვით სუნთქვაზე, მშვენივრად, ნორმალურად არის“, - განაცხადა იმერი კავსაძემ.
შეგახსენებთ, რომ მსახიობი კახი კავსაძე თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში 28 ნოემბერს გადაიყვანეს.
"მქონდა ცხელება, ძლიერი ყელის ტკივილი, ხველა და 4 დღეში იმუნურმა მაჩვენებლებმა მიაღწია კრიტიკულ დონეს" - თენგიზ ცერცვაძე COVID-19-ით ინფიცირებისა და გამოჯანმრთელების შესახებ
ქუთაისში კლინიკიდან გაუჩინარებულ პაციენტს ეძებენ
