მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვირუსი პნევმონიით გამირთულდა, მძიმედ მივდიოდი ბოლოსკენ... არასოდეს მყოლია გადარჩენისას ასეთი მაგარი გუნდი" - რას წერს გივი თარგამაძე "ფეისბუქზე"
17:19 / 27-11-2020
"ნაციონალური მოძრაობის" წევრი გივი თარგამაძე წერს, რომ კორონავირუსის თოთხმეტდღიანი მკურნალობის შემდეგ კლინიკას ტოვებს. როგორც ის ამბობს, ვირუსი საკმაოდ მძიმე ფორმაში გადაიტანა.
თარგამაძე გაწეული სამსახურისთვის მედოკოსებს მადლობას უხდის.
"დღეს, ჩემი კოვიდავადმყოფობის ოცდამეოთხე, საავადმყოფოში ყოფნის მეთოთხმეტე დღე-ღამეს დავტოვე კლინიკა. დიახ, ამ ხვრელშიც მოვხვდი, ცხრადღიანი ორმოცგრადუსიანი სიცხეების შემდგომ ვირუსი პნევმონიით გამირთულდა და ჩემი სიცოცხლის გადამრჩენების უკვე განუსაზღვრელ რიცხვს ერთიც მივუმატე. ერთიც, მაგრამ, ჭეშმარიტად, უმძიმესი და ძალზედ ძვირფასი.
ისევ გამიმართლა - დასაწოლად გამზადებული მეორე დღის საღამოდაც ტყუილად ველოდი ვარიანტს - ადგილი კატეგორიულად არსად არ იყო, მე კი მძიმედ მივდიოდი ბოლოსკენ. უცბათ დამირეკა 112-ის ოჯახის ექიმმა ნინომ. მაგრად შეშფოთდა, სასწრაფო გამოვაგზავნეო და სულ ხაზზე იყავითო, ძალზედ მადლიერი ვარ მისიც და მის მიერ გამოგზავნილი სასწრაფოს ორი გულისხმიერი გოგონასი.
გარკვეული ლოდინის შემდეგ სასწრაფოს შეატყობინეს, რომ ალადაშვილის სახელობის კლინიკაში აი ამწამს გაიხსნა კოვიდცენტრი, რომელშიც სულ მალე მოვხდი მესამე პაციენტად. იქ დამხვდა ექიმი ლევან ბესელია. უცბათ მითხრა - მენდე, გამომყევი ყველაფერში, გადაგარჩენო - შეასრულა კიდეც. სხვებთანაც შეასრულებს. კაცია, ნაღდი ექიმი, პროფესიონალი, საკუთარ საქმეში შეყვარებული, თითოეული პაციენტის სიცოცხლისთვის გააფთრებით მებრძოლი. გუნდიც ასეთი ჰყავს. სტაფი, რომელიც საკუთარი ნოუ-ჰაუთი შეინარჩუნა, არ ვიტყვი, როგორით, ესეც რომ არ ჩაუშალონ და ეს საოცარი ჰარმონია არ მოუშალონ მას - მის მარჯვენა ხელ ანიკოსა და 19-20 წლის საოცარი, მონდომებული, გულადი, ერთმანეთის დამხმარე, გამტანი, კონკურეტუნარიანი, გულისხმიერი, თბილი, თავდადებული გოგობიჭების უმაგრეს გუნდს შორის. გაითვალისწინეთ, ეს ხალხი, ლევანის თამადობით, მუშაობის პერიოდში, აი ახლა გადის კოვიდინფიცირებას.
კიდევ ერთხელ - მე ბევრჯერ გადამირჩა სიცოცხლე - CO-თიც ვიყავი გაგუდული, მაგრამ არასდროს მყოლია გადარჩენისას ასეთი მაგარი გუნდი დამხმარედ. თქვენ აწი მუდმივად ხართ ჩემს ცხოვრებაში მის გადამრჩენელებად. აუცილებლად გნახავთ კომბინეზონების გარეშე, თუმცა, ვფიქრობ, მათ მიღმა თითოეულ თქვენგანზე შექმნილი პირადი შეხედულება ზედმიწევნით სწორი მაქვს და თქვენი სახეებიც ამ შეხედულებას ზუსტად მოერგება, ჩემო ერთიანად კოვიდიანო კოვიდის წინააღმდეგ გააფთრებით მებძოლო უგუნდესო გუნდო: ლევან ბესელია, ექიმი, სულისჩამდგმელი. ანიკო. დემე. თათია. ბესო. ანტონი. მეკო. კახა. გიორგი. ნინი. ლაშა. თაკო. კოკი. ხატია. ოთო. ერეკლე. მარი. ზურა. მადლობა! მადლობა! მ ა დ ლ ო ბ ა ! ! !" - წერს თარგამაძე.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დღეს ერთეულებს ეხმარება ასეთი მაგარი გუნდი, საწყალი ხალხი კი იტანჯება და იღუპება. თარგამაძის ნაირი ქვეყნის გამყიდველები ღირსნი მაინც იყვნენ.
იმედია მიტინგობანას თამაშს შეწყვეტთ ,სხვისი სიცოცხლეც სიცოცხლეა,თუნდაც პოლიტიკური მოწინააღმდეგე იყოს.