მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ არის მეცნიერთა ნაწილი, პანდემიის პირობებში, "ლოქდაუნის" წინააღმდეგი - რას წარმოადგენს "დიდი ბარინგტონის დეკლარაცია"?
15:31 / 26-11-2020
2020წლის 4 ოქტომბერს ამერიკის შეერთებულ შტატებში მსოფლიო დონის ცნობილმა მეცნიერებმა მიიღეს დეკლარაცია, რომელიც საზოგადოებას ცხოვრების ჩვეულ რიტმში დაბრუნებისკენ მოუწოდებს, რაც, მათი აზრით, COVID-19-ის წინააღმდეგ პოპულაციური იმუნიტეტის გამომუშავებას შეუწყობს ხელს. მათი აზრით, ლოქდაუნის პოლიტიკა დაუშვებელია და თუ რატომ, ამას დოკუმენტში ხსნიან.
მეცნიერები, ექიმები და ჯანდაცვის ექსპერტები ამერიკის ეკონომიკური კვლევითი ინსტიტუტის მიერ გავრცელებული "დიდი ბარინგტონის დეკლარაციის" წინააღმდეგ გაერთიანდნენ, რომლებმაც თავისი არსით, აღნიშნული დეკლარაცია უფრო მეტად პოლიტიკურ განაცხადად მიიჩნიეს, ვიდრე პანდემიიდან გამოსავლად.
- "დიდი ბარინგტონის დეკლარაცია"
"როგორც ინფექციური დაავადებების ეპიდემიოლოგებს და სახალხო ჯანდაცვის მეცნიერებს, გვაშფოთებს, რომ კოვიდ 19-ის პოლიტიკა ზიანს აყენებს საზოგადოების ფიზიკურ და მენტალურ მდგომარეობას, ამიტომ ჩვენ გთავაზობთ ორიენტირებული დაცვის მიდგომას. ჩვენ, რომლებმაც ჩვენი კარიერა ხალხის დაცვას მივუძღვენით, მსოფლიოს ყველა მხრიდან შევიკრიბეთ. ამჟამინდელი კოვიდ 19-ის "ლოქდაუნის" პოლიტიკა დამანგრეველ რეზულტატებს მოგვცემს ხალხის მოკლე თუ გრძელვადიან ჯანმრთელობაზე.
შედეგები რომ ჩამოვთვალოთ: ბავშვებში მცირე ვაქცინაცია, გულსისხლძარღვთა დაავადებების გაუარესება, კიბოს სკრინინგების შემცირება, მენტალური მდგომარეობის გაუარესება - ეს ყველაფერი საბოლოოდ გამოიწვევს მომდევნო წლებში გაზრდილ სიკვდილიანობას, მუშათა კლასს და ახალგაზრდებს მოუწევთ იტვირთონ დამძიმებული ტვირთი. მოსწავლეების სკოლის გარეთ ყოფნა უდიდესი უსამართლობაა. ასეთი ზომების შენარჩუნება ვაქცინის გამოგონებამდე გამოიწვევს გამანადგურებელ შედეგებს, რაც გულისხმობს, რომ მოსახლეობის უმეტესობა გამოუსწორებლად დაზიანდება.
საბედნიეროდ, ჩვენ ნელ-ნელა ვეცნობით ამ ვირუსის რაობას. ჩვენ ვიცით, რომ სიკვდილიანობა მოხუცებში 1000-ჯერ უფრო მეტია, ვიდრე ახალგაზრდებში. მართლაც, ბავშვებში გრიპი ბევრად უფრო საზიანოა, ვიდრე კოვიდი. რაც უფრო იმატებს ხალხში იმუნიტეტი, ინფექციის შეყრის რისკი - მცირდება (დაუცველებშიც კი).
ჩვენ ვიცით, რომ პოპულაციებს გამოუმუშავდებათ ჯოგური იმუნიტეტი იქამდე, ვიდრე არ დასტაბილურდება ახალი ინფექციის რიცხვები და მათ ვაქცინაციას მივაშველებთ. ამიტომ, ვიდრე ჯოგურ იმუნიტეტს გამოვიმუშავებთ, ჩვენი მიზანი უნდა იყოს სიკვდილიანობის მინიმუმამდე დაყვანა და ხალხში ზიანის შემცირება.
ყველაზე მოწყალე მიდგომა, რომელიც იმუნიტეტის გამომუშავებაში დაგვეხმარება, იქნება თუ მათ, ვინც რისკ ჯგუფს არ მიეკუთვნება, მივცემთ უფლებას განაგრძონ ცხოვრება ჩვეული წესით, დაინფიცირდნენ, ჩვენ კი ამასობაში უკეთ მოვუაროთ მათ, ვინც მეტი რისკის ქვეშაა - ამას ვუწოდებთ ორიენტირებული დაცვის მიდგომას.
კოვიდ 19-ზე საზოგადოების ჯანდაცვის რეაგირების მთავარი მიზანი უნდა იყოს დაუცველების დასაცავად ზომების მიღება. მაგალითად, მოხუცთა თავშესაფრებმა უნდა გამოიყენონ შეძენილი იმუნიტეტის მქონე პერსონალი და ჩაატარონ სხვა პერსონალისა და ყველა ვიზიტორის პსრ – ის ხშირი ტესტირება. მინიმუმამდე უნდა შემცირდეს მომსახურე პერსონალის როტაცია. პენსიონერებს სახლზე მიტანით უნდა ჰქონდეთ პროდუქტი. შეძლებისდაგვარად, მათ უნდა ჰქონდეთ უფლება, შეხვდნენ ოჯახის წევრებს არა მარტო შიგნით, არამედ გარე სივრცეში. შესაძლებელია განხორციელდეს ღონისძიებების სრულყოფილი და დეტალური ჩამონათვალი, შეიძლება დაინერგოს მომავალში, რაც საზოგადოებრივი ჯანდაცვის პროფესიონალების სფეროს მიეკუთვნება. ყველა, ვინც არ არის რისკის ქვეშ, ცხოვრება ჩვეულებრივ უნდა განაგრძოს. ჯოგური იმუნიტეტის გამომუშავების პირობებში ყველას ევალება მარტივი ჰიგიენური ზომები, როგორიცაა ხელის ხშირი დაბანა და ავადმყოფობის შემთხვევაში სახლში დარჩენა.
სკოლები და უნივერსიტეტები მზად უნდა იყვნენ პირადი სწავლების შემთხვევებისთვისაც. კლასგარეშე საგნები, როგორიცაა - ფიზკულტურა, შეუფერხებლად უნდა გაგრძელდეს. დაბალი რისკის ქვეშ მყოფი სრულწლოვნები არ უნდა მუშაობდნენ სახლებიდან, უმჯობესია, თუ სამსახურში სიარულს განაგრძობენ. რესტორნები და სხვა ბიზნესები ღია უნდა დარჩეს. ხელოვნება, მუსიკა, სპორტი და სხვა კულტურის დარგების აქტივობებიც შეუფერხებლად უნდა ჩატარდეს. რისკ ჯგუფში მყოფებს უფლება მიეცეთ მონაწილეობა მიიღონ ამ ღონისძიებებში სურვილისამებრ, მათ კი, ვისაც იმუნიტეტი აქვთ გამომუშავებული, ასეთი ხალხის დაცვისა და უსაფრთხოებისთვის იზრუნონ.
4 ოქტომბერი, 2020წ."
დეკლარაციას ხელი მოაწერა 7 000-მდე ადამიანმა მსოფლიო მასშტაბით, მათ შორის არიან: მარტინ კულდორფი (ჰარვარდის მედიცინის პროფესორი), სუნეტრა გუფტა (ოქსოფორდის უნივერსიტეტის პროფესორი) და ჯეი ბჰატტაჩარია (სტენფორდის უნივერსიტეტის პროფესორი), ასევე სამეცნიერო სფეროს სხვა წარმომადგენლები და ექიმები. წყარო
მკითხველის კომენტარები /
28 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Lockdown - Მკაცრი იზოლაცია
სად არიან ჩვენი "მეცნიერები" თუ არაფერს აკეთებენ ხალხის დაზაფრვის გარდა წაიკითხონ კითხვა მაინც თუ იციან?