რა გახდა ლეგენდარული დიეგო მარადონას გარდაცვალების მიზეზი? - "მას თავის ტვინზე ურთულესი ოპერაცია ჩაუტარდა"

ლეგენდარული არგენტინელი ფეხბურთელი, დიეგო არმანდო მარადონა 60 წლის ასაკში გარდაიცვალა. არსებული ინფორმაციით, მარადონა სახლში, ექიმების მეთვალყურეობის ქვეშ იყო მას შემდეგ, რაც 4 ნოემბერს თავის ტვინის რთული ოპერაცია ჩაუტარდა.

როგორც არგენტინულ პრესაში წერენ, ლეგენდარულ ფეხბურთელს გული გაუჩერდა, თუმცა ჯერჯერობით ეს ინფორმაცია დადასტურებული არ არის.

მარადონა მსოფლიოს ოთხი ჩემპიონატის მონაწილეა. ის 1986 წლის მსოფლიო ჩემპიონი და 1990 წლის მსოფლიოს ვიცე-ჩემპიონი. რიგი გამოკითხვების მიხედვით, მე-20 საუკუნის საუკეთესო ფეხბურთელად მიიჩნევა. ბოლო პერიოდში კლუბ "ხიმნასიას“ მწვრთნელი.

მარადონას ბოლო პერიოდში ხშირად აწუხებდა ჯანმრთელობასთან დაკავშირებული პრობლემები და არაერთხელ მოხვდა საავადმყოფოში.