თბილისში გაზგასამართ სადგურზე ბუნებრივმა აირმა გაჟონა - გადაკეტილია ქუჩა

თბილისში, ფიროსმანის ქუჩაზე, გაზგასამართ სადგურზე ბუნებრივმა აირმა გაჟონა. როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ბუნებრივი აირის გაჟონვას აფეთქება არ მოყოლია, ამ დროისთვის კი ქუჩა გადაკეტილია.

„გაზგასამართ სადგურზე მოხდა გაზის გაჟონვა, ხანძარი ან აფეთქება არ არის. უსაფრთხოების მიზნით ვართ ადგილზე. გადაკეტილია ქუჩა. ველოდებით გაზის საავარიოს მოსვლას“, - აცხადებენ საგანგებო სიტუაციების მართვის სამსახურში.

ამასთან, ადგილზე მობილიზებულია საპატრულო პოლიციის ეკიპაჟი.