"ბავშვები რო სდომოდა, დედას არ მოუკლავდა" - ხაშურში, 23 წლის სალომე ჩიქოვანის მკვლელობისთვის, მის ყოფილ ქმარს 15-წლიანი პატიმრობა მიესაჯა

ხაშურში, ყოფილი ქმრის მიერ დაჭრილი 23 წლის სალომე ჩიქოვანის საქმეზე ბრალდებულს 15 წლით თავისუფლების აღკვეთა მიესაჯა. გადაწყვეტილება გორის რაიონულმა სასამართლომ 16 ნოემბერს მიიღო.

შემზარავი დანაშაული 2020 წლის 5 მარტს ქალაქის ცენტრში მოხდა. ახალგაზრდა ქალი უამრავი თვითმხილველის თანდასწრებით, ყოფილმა მეუღლემ ცივი იარაღით დაჭრა. ფაქტი ქუჩაში დამონტაჟებულმა ვიდეოკამერებმა აღბეჭდეს.

ახალგაზრდა ქალი ხუთთვიანი კომის შემდეგ ივნისში გარდაიცვალა. მას ცივი იარაღით მრავლობითი ჭრილობები მუცლისა და გულ-მკერდის არეში ჰქონდა მიყენებული. გარდაცვლილის დედა Ambebi.ge-ს თან რამდენიმე თვის წინ აცხადებდა, რომ მისი ყოფილი სიძე, 28 წლის მიხეილ ლომსაძე, მუქარის წერილებს უგზავნიდა გლდანის მერვე დაწესებულებიდან, სადაც ის წინასწარი პატიმრობის ფარგლებში იმყოფებოდა.

"გვთხოვს პატიებას, ბავშვებს დედა არ ყავს და მამა მაინც შეუნარჩუნეო. ისეთი ჩვენება მიეცი, რომ ციხიდან მალე გამოვიდეო. ბავშვები რო სდომოდა, დედას არ მოუკლავდა. უმკაცრესად უნდა დაისაჯოს", - ამბობდა ნანა ჩიქოვანი.

გარდაცვლილის ინტერესებს კავშირი "საფარი" იცავდა. საქმეზე გამოძიება შემდეგი მუხლებით მიმდინარეიბდა: ოჯახური დანაშაული და განზრახ ჩადენილი მკვლელობა დამამძიმებელ გარემოებაში, გენდერის ნიშნით, ოჯახის წევრის მიმართ.

ასევე ნახეთ: "შვილი მომიკლა და ახლა მემუქრება, ბავშვებს არ განახებ, თუ არ დამეხმარები, ციხიდან გამოსვლაშიო" - ხაშურში მომხდარი შემზარავი მკვლელობის ახალი დეტალები