მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რატომ აჩუქა ჯორჯ კლუნმა 14 მეგობარს მილიონ-მილიონ დოლარი - "ვიფიქრე, ავტობუსმა რომ დამარტყას, მაინც მათია ჩემი ქონება და რატომ ველოდო ავტობუსს?!"
09:54 / 21-11-2020
ჰოლივუდის ვარსკვლავმა, ჯორჯ კლუნმა გაამხილა ისტორია, რომელიც მასთან დაკავშირებული ერთ-ერთი ყველაზე გახმაურებული ამბის მიღმა იმალება. საუბარია მსახიობის მიერ მეგობრებისთვის რამდენიმე წლის წინ გაკეთებულ შთამბეჭდავ საჩუქარზე - მაშინ ჯორჯმა თავის 14 მეგობარს მილიონ-მილიონი დოლარი დაურიგა.
თავდაპირველად ეს ამბავი მედიას მსახიობის მეგობარმა, რანდე გერბერმა 2017 წელს უამბო. გერბერმა MSNBC-სთან საუბრისას გაიხსენა, რომ ჯორჯმა უახლოესი მეგობრები სავახშმოდ დაპატიჟა და თითოეულ მათგანს ფულით სავსე ჩემოდანი გადასცა.
აქამდე თავად კლუნს აღნიშნულ თემაზე არ უსაუბრია, თუმცა ახლა GQ-სთან მთელი ისტორია გაამხილა. მისი თქმით, ყველაფერი 2013 წელს მოხდა, ფილმ "გრავიტაციის“ პრემიერამდე. ეს ის პერიოდია, როცა მსახიობის ცხოვრებაში შთამბეჭდავი ეტაპი დადგა - მისი შემოსავალი გაიზარდა, ასევე უკვე იცნობდა თავის მომავალ მეუღლეს ამალ ალამუდინს, თუმცა ერთმანეთს არ ხვდებოდნენ. ჯორჯს მაშინ ჯერ კიდევ არ ჰქონდა ოჯახის შექმნის გეგმები.
"და მე ვიფიქრე, რაც ნამდვილად გამაჩნია, ეს ადამიანები არიან, ადამიანები, რომლებიც 35 წლის განმავლობაში მეხმარებოდნენ. მათ დივანზე მეძინა, როცა სულიერად გატეხილი ვიყავი, როცა არაფერი გამაჩნდა, ისინი მაძლევდნენ ფულს. და ვთქვი, რომ მათ გარეშე ეს ყველაფერი არ მექნებოდა. ჩვენ ყველანი საუკეთესო მეგობრები ვართ, ძალიან ახლოს ვართ ერთმანეთთან... და მე უბრალოდ ვიფიქრე, ქუჩაში რომ ავტობუსმა დამარტყას, ანდერძით ისინი გაინაწილებენ ჩემს ქონება და რატომ უნდა დაველოდო ავტობუსის დაჯახებას?“ - იხსენებს მსახიობი.
GQ-ს თანახმად, 14 მილიონი მსახიობმა ნაღდი ფულის სახით 14 ჩემოდანში გადაანაწილა, შემდეგ ვახშამზე 14 მეგობარი დაპატიჟა და საჩუქრები გადასცა. ჯორჯის მეგობარი, გერბერი იხსენებს, რომ თანხის გადაცემამდე, მსახიობმა მათ მიმართა და უთხრა, თუ რამდენად მნიშვნელოვანი ადამიანები იყვნენ მისთვის.
"გავხსენით ჩემოდნები და იქ ყველა ჩვენგანს მილიონი დოლარი დაგვხვდა, შოკში ვიყავით“, - იხსენებს ჯორჯის მეგობარი.
ამ ამბიდან თითქმის ერთი წლის შემდეგ 2014 წელს ჯორჯ ქლუნმა ამალზე იქორწინა. გერბერი ამბობს, რომ ცხოვრება კარმაა და კლუნი სამყარომ თავისი სიკეთისთვის მალევე დააჯილდოვა შესანიშნავი ოჯახით.
წყარო: insider.com
მკითხველის კომენტარები /
61 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კარგი გადაწყვეტილებაა, მაგრამ ამას ნეტა სად უნდა დაარტყას ავტობუსმა?! :))
ჯორჯ ჩემთვის არაფერი გიჩუქნია მაგრამ კაცი ხარ კაცური!