"ჯერ სიტყვიერად შემდეგ კი ფიზიკურად გაგვისწორდნენ" - "ლელოს" ინფორმაციით, ბათუმში, მათ წარმომადგენლებს თავს დაესხნენ
"ლელო-საქართველოსთვის" აჭარის ორგანიზაციის ხელმძღვანელის ირაკლი კუპრაძის განცხადებით, მის თანაგუნდელებს "ქართული ოცნების" წარმომადგენლები თავს დაესხნენ და ფიზიკურად გაუსწორდნენ.
ირაკლი კუპრაძემ ინცინდენტის ამსახველი ვიდეომასალა გაავრცელა.
მისი თქმით, "ლელოს" წევრები ერთ-ერთ ეზოში ღობის უკანონოდ დამონტაჟებას აპროტესტებდნენ.
როგორც მან აღნიშნა, საქმე ეხება კომპანია "ელიტჰაუსს", რომელიც აჭარის უმაღლესი საბჭოს დეპუტატს "ქართული ოცნებიდან" გიორგი მანველიძეს ეკუთვნის, რომელმაც ეზოში ღობე უკანონოდ აღმართა.
"მოქალაქემ დეპუტატის წინააღმდეგ სასამართლოში სამივე ინსტანცია მოიგო, ამის მიუხედავად აღსრულება ვერ ხდება. "ქართული ოცნება" საკუთარ გავლენებს ძალადობრივად იყენებს, ასევე ვხედავთ, რომ ზედამხედველობის სამსახური პოლიტიკური ძალადობით არის დაკავებული და ფაქტზე თვალს ხუჭავს, რასაც "ქართული ოცნების" გავლენიანი ლიდერები და დეპუტატი გიორგი მანველიძე ეწევა. კადრებში ხედავთ, რომ ჩვენი მხარე დაზარალებულია და თავდამსხმელები კი გამოკითხვაზეა, თუმცა არ გვჯერა რომ ისინი დასჯილები იქნებიან. პირიქით, მუქარა მივიღეთ",- აღნიშნა ირაკლი კუპრაძემ
ალექსანდრე მილორავას თქმით,“ლელოს“ წევრებს სწორედ ამ კომპანიის თანამშრომლები და "ქართული ოცნების" წევრები დაესხნენ.
"ეს ქართული ოცნების" პირდაპირი ანგარიშსწორება იყო. ჩვენ აღნიშნულ ადგილზე თვითნებობას ვაპროტესტებდით, ამ დროს ჯერ სიტყვიერად შემდეგ კი ფიზიკურად გაგვისწორდნენ. ჩვენ თავს ვიცავდით. მოქალაქეებმა სამართლებრივი დახმარება ითხოვეს და მივედით, შედეგად უცხო პირები მოვიდნენ და თავს დაგვესხნენ",- აღნიშნა მილორავამ.
LIVE - ეთერშია გადაცემა "360 გრადუსი"
"სულ რომ არავინ გატყდება და პარლამენტში შესვლაზე ყველა უარს იტყვის, ამაზე თავს ვერავინ დადებს" - რა ხდება "ნაციონალურ მოძრაბაში", მიდის თუ არა გრიგოლ ვაშაძე პარტიიდან?
