კორონავირუსის გამოსავლენი ხელსაწყო, რომლის გამოყენებაც სახლი პირობებშია შესაძლებელი - აშშ-მა მისი გამოყენება დაუშვა

აშშ-ის სურსათისა და წამლის ადმინისტრაციამ დაამტკიცა კოვიდ 19-ის ტესტირებისთვის განკუთვნილი ნაკრები, რომლის გამოყენება სახლის პირობებშია შესაძლებელი, - ამის შესახებ ინფორმაციას Reuters-ი ავრცელებს.

საუბარია მინი ლაბორატორიაზე, რომლის საშუალებითაც პასუხის მიღება 30 წუთის განმავლობაშია შესაძლებელი.

Lucira Health- ის მიერ შექმნილი ერთჯერადი გამოყენების ტესტს სახლის პირობებში გადაუდებელი გამოყენების ნებართვა მიენიჭა. ტესტის გაკეთება 14 წლის და უფროსი ასაკის ადამიანების ცხვირიდან აღებული ნაცხიანი ტამპონის გამოყენებით ხორციელდება.

აშშ-ის სურსათისა და წამლის ადმინისტრაციის განმარტებით, იმ შემთხვევაში, თუ ნაცხის აღება 14 წლის ასაკზე უმცროსი პირებისგან ხდება, ეს პროცედურა მედიკოსებმა უნდა ჩაატარონ.

აღსანიშნავია, რომ მსგავსი ლაბორატორია შექმნეს ბრიტანელმა მეცნიერებმაც. ის არის ერთგვარი პატარა ზომის ყუთი, რომელშიც მოთავსებულია COVID-19-ის გამოსავლენად საჭირო ქიმიკატები და ყოველგვარი დამატებითი ლაბორატორიული კვლევების გარეშე 90 წუთში მაქსიმალური სიზუსტით ადგენს ადამიანი ინფიცირებულია თუ არა. აღნიშნულის შესახებ BBC წერს.

გამოცემის ცნობით, მოწყობილობას უკვე იყენებენ ბრიტანეთის ჯანდაცვის ეროვნული სერვისის საავადმყოფოებში. გაეცანით, როგორ მუშაობს მინი ლაბორატორია