თამარ გაბუნია კორონავირუსით ინფიცირებული 12 წლის ბავშვის გარდაცვალების შესახებ კომენტარს აკეთებს
საქართველოს ჯანდაცვის მინისტრის მოადგილის თამარ გაბუნიას განცხადებით, კორონავირუსით ინფიცირებულ 12 წლის მოზარდს, კლინიკაში ყველა საჭირო პროცედურა უტარდებოდა, თუმცა სხვა კლინიკაში ტრანსპორტირებისას ლეტალური შემთხვევა დაფიქსირდა.
მისივე თქმით, მომხდარს ჯანდაცვის სამინისტრო შეისწავლის.
"ძალიან სამწუხარო შემთხვევაა და უდიდეს თანაგრძნობას გამოვხატავ ოჯახის მიმართ. ბავშვის მდგომარეობა პირველი დღიდან საყურადღებო იყო. ლეტალური შემთხვევა დაფიქსირდა მაშინ, როცა გადაჰყავდათ სხვა კლინიკაში - მისი მდგომარეობის სიმძიმიდან გამომდინარე, კლინიკამ ჩათვალა საჭიროდ გადამისამართება. სწორედ ამ დროს მოხდა ეს ფაქტი.
ჯანდაცვის სამინისტრო შეისწავლის ამ შემთხვევას, ბავშვის მდგომარეობიდან გამომდინარე ადგილზე ყველა შესაბამისი დახმარება უტარდებოდა. ჩვენ შევისწავლით კლინიკურად, თუ რამ გამოიწვია ბავშვის მდგომარეობის დამძიმება", - აღნიშნა გაბუნიამ.
კორონავირუსი თენგიზ ცერცვაძის მეუღლესაც დაუდასტურდა - როგორია მათი ჯანმრთელობის მდგომარეობა?
“გადავრჩით“ - რას ამბობენ "ნაციონალურ ბალეტში“, ავარიაში მოყოლილი ილიკო სუხიშვილის ჯანმრთელობის მდგომარეობაზე?
