"სახელმწიფოთა უმრავლესობაში ვიცით უკვე რა ზომებია მიღებული..აქ როდემდე ველოდებით? 15-დან 20 ათასამდე გარდაცვლილს მივიღებთ" - ბიძინა კულუმბეგოვი
იმუნოლოგი, ბიძინა კულუმბეგოვი "ფეისბუქის" პირად გვერდზე ქვეყანაში კორონავირუსის შემთხვევების მატებას ეხმიანება და წერს, რომ საქართველო "ბოლო კვირაში შემთხვევების კუმულაციური რაოდენობით", მოწინავეა.
"ბოლო კვირაში შემთხვევების კუმულაციური რაოდენობით საქართველო მოწინავეთა რიგებშია. ძირითადად სახელმწიფოთა უმრავლესობაში, მართალია ჩვენზე მდიდარ ქვეყნებში, ვიცით უკვე რა ზომებია მიღებული.
აქ როდემდე ველოდებით? პასუხი გვინდა ვიცოდეთ.
იმდენი ვიძახეთ მსოფლიოში ჩვენ ვმართავთ კოვიდს ყველაზე საუკეთესოდო, ერთი რამ ნამდვილად იკვეთება, საქართველო უდავოდ პირველი ქვეყანა იქნება, რომელიც “ჯოგური” იმუნიტეტის მიღწევის შემდეგ "დაასრულებს" პანდემიას. შვედებს უდავოდ შეშურდებათ ჩვენი.
შედეგად 15 დან 20 ათასამდე გარდაცვლილ ჩვენს თანამოქალაქეს მივიღებთ!!!" - წერს კულუმბეგოვი.
თამარ გაბუნია კორონავირუსით ინფიცირებული 12 წლის ბავშვის გარდაცვალების შესახებ კომენტარს აკეთებს
„თეგეტა აკადემიამ“ ორგანიზაციებისთვის საავტომობილო პარკის მართვისთვის სასწავლო პროგრამა განავითარა
