მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"VIP ლოჟაში კონკრეტული პირების მოხვედრა უეფასთან შეთანხმებული იყო" - რა განმარტება გაკეთდა ფედერაციაში კალაძე-კობიაშვილის მატჩზე დასწრებაზე?
15:42 / 13-11-2020
ფეხბურთის ფედერაციის გენერალური მდივნის, დავით მუჯირის განცხადებით, საქართველო-ჩრდილოეთ მაკედონიის მატჩზე,VIP ლოჟაში კონკრეტული პირების მოხვედრა უეფასთან შეთანხმებული იყო.
თუმცა, როგორ მოხვდა სტადიონზე „ქართული ოცნების“ აღმასრულებელი მდივანი ირაკლი კობახიძე, დავით მუჯირი ვერ აკონკრეტებს.
როგორც მან მედიის წარმომადგენლების მიერ დასმული კითხვის საპასუხოდ განაცხადა, დამსწრე პირთა სია შეზღუდული იყო, თუმცა, უეფასთან შეთანხმებით, მატჩის სანახავად კახა კალაძეს სამი ადგილი გადაეცა.
"ძალიან სამწუხაროა, რომ მედიასაშუალებები ამ შეკითხვებით იწყებთ გუშინდელი მარცხის შემდეგ საუბარს. არის ოფიციალური სია, რომელიც არის უეფასთან შეთანხმებული ისევე, როგორც გასვლით თამაშებზე ვათანხმებთ. ჩვენც გვქონდა შეთანხმებული და ჩრდილოეთ მაკედონიის დელეგაციაც იყო წინასწარ შეთანხმებული. ისინი უფრო მეტნი იყვნენ გუშინ VIP ლოჟაში, ვიდრე ჩვენი წარმომადგენლები.
სამწუხაროა, რომ ვერ მოხერხდა გუშინ გულშემატკივრის მოსვლა თამაშზე და სამწუხაროა, რომ მთავრობის წარმომადგენლების მოსვლაც ვერ მოხერხდა, რომლებიც ტრადიციულად გულშემატკივრობენ საქართველოს ნაკრებს. სია იყო შეზღუდული და უეფასთან შეთანხმებული. ქალაქის მერი, ბატონი კახი კალაძე არის ყველაზე ტიტულოვანი ქართველი ფეხბურთელი და მას სამი ადგილი ჰქონდა განკუთვნილი.
ამასთან, როგორც თქვენ ეძახით, VIP ლოჟაში იმყოფებოდა მხოლოდ აკრედიტებული მედია და ამას დამატებული ფედერაციის თანამშრომლები და ხელმძღვანელობა. სპორტის სამინისტროს მხოლოდ ერთი წარმომადგენელი ესწრებოდა თამაშს, მინისტრის მოადგილე შალვა გოგოლაძე“, - განაცხადა მუჯირმა და დასძინა: „ნიღაბი მოიხსნა რამდენიმე პოლიტიკურმა პარტიამ, რამდენიმე პოლიტიკოსმა, რამდენიმე პროვოკატორმა და ჩასაფრებულის პოზიციიდან მოქმედებენ დღეს“.
„შესაძლოა, ეს იყოს ერთ-ერთი გარემოება, რომ ჩვენ, როგორც ქვეყანას არ გვაძლევს საშუალებას, რომ ევროპის ჩემპიონატზე ვითამაშოთ“, - განაცხადა მუჯირმა.
შეგახსენებთ, რომ ფეხბურთის ფედერაციასთან სამოქალაქო აქტივისტების აქცია გაიმართა, სადაც აქციის მონაწილეებსა და ფედერაციის თანამშრომლებს შორის დაპირისპირება მოხდა. აქციის მონაწილეების განცხადებით, საქართველოში შერჩევითი სამართალია, რომელიც მაღალჩინოსნებს VIP-ტრიბუნიდან მატჩის ყურების საშუალებას აძლევს, მაშინ, როდესაც მოედნის გარეთ მყოფ ქომაგებს ხელისუფლების მიერ დაწესებული შეზღუდვის დარღვევისთვის 2000 ლარით აჯარიმებენ.
ცნობისთვის, საქართველოს ნაკრები ჩრდილოეთ მაკედონიასთან ანგარიშით 0:1 დამარცხდა. შედეგად, ჩრდილოეთ მაკედონიამ ევროპის ჩემპიონატის საგზური მოიპოვა.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
..... თქვენი
უეფას შეუთანხმეთ კალაძის ბავშვის დაშვება,იქნება ჩემთვისაც გეკითხათ როგორ უნდდოდა ჩემს ბიჭსაც დასწრება.... ეჰ!!!!!