რეკორდული მაჩვენებელი - ბოლო დღე-ღამეში კორონავირუსით 45 პაციენტი გარდაიცვალა

საქართველოში კორონავირუსით 45 პაციენტი გარდაიცვალა. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა, ალექსანდრე ხოჯევანიშვილმა, მთავრობის ადმინისტრაციაში გამართულ ბრიფინგზე განაცხადა.

„სამწუხაროდ, ბოლო 24 საათში გარდაიცვალა 45 ადამიანი. მათ შორის თბილისში - 18, აჭარაში - 14, იმერეთში - 7, ქვემო ქართლში - 3, კახეთში - 2, ხოლო სამეგრელო-ზემო სვანეთში - 1 ადამიანი. 2020 წლის 26 თებერვლიდან დღემდე სულ გვაქვს 566 გარდაცვალების შემთხვევა“,-განაცხადა ხოჯევანიშვილმა.

საქართველოში კორონავირუსით გარდაცვლილთა რაოდენობა 566-ს შეადგენს.

ბოლო 24 საათში ქვეყანაში კორონავირუსის 2 911 ახალი შემთხვევა გამოვლინდა, გამოჯანმრთელდა 2 421 ადამიანი.