"რუსეთის, აზერბაიჯანისა და სომხეთის ლიდერების ხელმოწერილ განცხადებაში თურქი სამშვიდობოების ყარაბაღში განლაგებაზე საუბარი არ არის" - დმიტრი პესკოვი
კრემლის პრესსპიკერის, დიმიტრი პესკოვის განცხადებით, რუსეთის პრეზიდენტ ვლადიმერ პუტინის, აზერბაიჯანის პრეზიდენტ ილჰამ ალიევისა და სომხეთის პრემიერ-მინისტრ ნიკოლ ფაშინიანის მიერ ხელმოწერილი დოკუმენტის ტექსტში თურქი სამშვიდობოების მთიან ყარაბაღში განლაგების შესახებ საუბარი არ არის. ინფორმაციას რუსული მედია ავრცელებს.
"განცხადებაში ამის შესახებ სიტყვაც არ წერია. ამაზე სამ მხარეს არ მოულაპარაკებია და თურქი ჯარისკაცების განლაგებაზე არ შეთანხმებულან,“- განაცხადა პესკოვმა.
ცნობისათვის, აზერბაიჯანის პრეზიდენტმა ილჰამ ალიევმა განაცხადა, რომ მთიან ყარაბაღში არა მხოლოდ რუსი, არამედ თურქი სამშვიდობოებიც განლაგდებიან. გარდა ამისა, ზოგიერთმა მედია საშუალებამ გაავრცელა ინფორმაცია, რომ დღეს რუსეთისა და თურქეთის თავდაცვის მინისტრები სპეციალური შეთანხმების გაფორმებას გეგმავენ, რომელიც მთიან ყარაბაღში ცეცხლის შეწყვეტის რეჟიმის დაცვის მიზნით ერთობლივი მონიტორინგის ცენტრის შექმნას ითვალისწინებს.
"აქ დიდი გეგმით ჩამოვედით" - რუსეთის თავდაცვის მინისტრი ნიკოლ ფაშინიანთან შეხვედრაზე
რუსეთის საგარეო საქმეთა და თავდაცვის მინისტრების სომხეთში ვიზიტი - რა მიზნით სტუმრობენ რუსი მაღალჩინოსნები სომხებს
