მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვის და რა შემთხვევაში ჩაუტარდება 3 სავალდებულო გამოკვლევა? - გამყრელიძე პაციენტების მკურნალობაზე, ანტიგენის სწრაფ ტესტებსა და საწოლების დეფიციტზე
15:44 / 09-11-2020
არ თქმულა, რომ სამი სავალდებულო გამოკვლევა ყველას უნდა გაუკეთდეს - ეს მხოლოდ ექიმის და ოჯახის ექიმის დანიშნულების მიხედვით მოხდება, - ასე უპასუხა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ კითხვას, კოვიდპაციენტებისათვის სისხლის საერთო ანალიზის, D დიმერისა და სატურაციის განსაზღვრის თაობაზე სავალდებულო გამოკვლევის ჩატარების შესახებ.
„ეს ანალიზები კეთდება მხოლოდ და მხოლოდ ექიმის დანიშნულებით როგორც ბინაზე, ასევე კოვიდსასტუმროში. სადაც ექიმი ჩათვლის საჭიროდ, ეს ანალიზი იქ გაკეთდება“, - განუცხადა ჟურნალისტებს ამირან გამყრელიძემ.
ცნობისთვის, 6 ნოემბერს ინფექციური საავადმყოფოს დირექტორმა თენგიზ ცერცვაძემ განაცხადა, რომ კოვიდ სასტუმროში მყოფ ყველა და ბინაზე მყოფ პაციენტთა ნაწილს სამი სავალდებულო გამოკვლევა ჩაუტარდება.
როგორც ჯანდაცვის მინისტრთან კლინიკური ჯგუფის შეხვედრის შემდეგ ცერცვაძემ განმარტა, სამი სავალდებულო გამოკვლევიდან ერთი იქნება სისხლის საერთო ანალიზი, მეორე - D დიმერი და მესამე - სატურაციის განსაზღვრა.
ამასთან, ამირან გამყრელიძის განცხადებით, კორონავირუსის ტესტირებისათვის სწრაფი ტესტების ჩართვას თანდათან ააქტიურებენ. როგორც ამირან გამყრელიძემ ჟურნალისტებს განუცხადა, ქვეყანაში 991 000, ანუ თითქმის უკვე მილიონამდე PCR ტესტია ჩატარებული, ასევე ჩატარებულია დაახლოებით 500 000-მდე სწრაფი ტესტი.
მისივე განმარტებით, ახალი დადგენილების მიხედვით, ანტიგენის სწრაფი ტესტის გამოყენება უკვე დაიწყეს კლინიკებში, „ცხელების ცენტრებში“, ასევე ამ ეტაპზე, გეოგრაფიულად დაშორებულ იმ ადგილებში, სადაც PCR ტესტისტის ნიმუშის თბილისში ან უახლოეს ლაბორატორიაში ჩატანას დიდი დრო სჭირდება.
„მნიშვნელოვანი არის ის, რომ ზოგადად, ევროპის თითქმის ყველა ქვეყანაში შემთხვევათა რაოდენობა ორმაგდება. ანუ, ჩვენც უნდა ველოდოთ, რომ ქვეყანაში ახალი შემთხვევების ზრდა გვექნება, აქედან გამომდინარე, დიდი მნიშვნელობა აქვს, ერთი მხრივ, იმ პრევენციულ ღონისძიებების გატარებას, რაზეც მუდმივად ვსაუბრობთ. ეს არის ის ხუთი მიდგომა: პირბადე, დისტანცია, ხელების ხშირი დაბანა, დიდ თავშეყრებს არა და ყველაფრის გარეთ გაკეთება“, - განაცხადა ამირან გამყრელიძემ.
მის თქმით, დღეის მდგომარეობით განაწილების მხრივ მოცემულობა ასეთია - 15 000 პაციენტიდან 4 500 არის საავადმყოფოებში, დანარჩენები კი ბინაზე და კოვიდსასტუმროებში მკურნალობენ.
გამყრელიძის ინფორმაციით, დღეის მდგომარეობით ქვეყანაში 4500 დაკავებული და 250-მდე თავისუფალი საწოლი იყო, თუმცა ამ ეტაპზე უმართავი სიტუაცია არ არის, არსებობს რიგი, მაგრამ შემდგომში ყველა თავსდება საავადმყოფოში.
„დღეისთვის თავისუფალი იყო 250-მდე საწოლი საქართველოს მასშტაბით და დაკავებული იყო 4500. ზოგადად, კოვიდისთვის განსაზღვრულია, რომ მობილიზაცია გაკეთდეს 8000-მდე საწოლის ქვეყანაში. დღეს და ხვალ როგორც ჯანდაცვის მინისტრმა განაცხადა, 600-700 საწოლის მობილიზაცია გაკეთდება.
ამ ეტაპზე უმართავი სიტუაცია არ არის, მესმის, რომ რიგია, მაგრამ შემდგომში ყველა თავსდება. ამისთვის ყველაფერს აკეთებს სახელმწიფო, ამიტომ შემოვიდა ბინაზე დატოვების კრიტერიუმები და შემდგომ შემოვიდა შუალედური კოვიდსასტუმროები, რომ მაქსიმალურად განიტვირთოს საავადმყოფოებზე ზეწოლა“, - აღნიშნა ამირან გამყრელიძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
