მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კორონავირუსის გავრცელების გამო, დანიაში 17 მილიონი წაულას განადგურებას გეგმავენ - "მათში ვირუსმა მუტაცია განიცადა"
10:10 / 05-11-2020
დანიაში 17 მილიონი წაულას დახოცვის გადაწყვეტილება მიიღეს, მას შემდეგ რაც აღმოჩნდა, რომ ახალი ტიპის კორონავირუსმა მათ ორგანიზმში მუტაცია განიცადა და შემდეგ ადამიანში გავრცელდა. სააგენტო "როიტერსის“ ცნობით, ამის შესახებ დანიის პრემიერ-მინისტრმა, მეტე ფრედერიქსენმა განაცხადა.
ფრედერიქსენის ცნობით, ჯანდაცვის სფეროს წარმომადგენლებმა აღმოაჩინეს, რომ წაულებში მუტირებულ ვირუსს ნაკლები მგრძნობელობა აქვს ანტისხეულების მიმართ, რაც პოტენციურად ამცირებს კორონავირუსის საწინააღმდეგო მომავალი ვაქცინების ეფექტურობას.
"ჩვენ დიდი პასუხისმგებლობა გვაქვს ჩვენი მოსახლეობის წინაშე, მაგრამ ამ აღმოჩენის შემდეგ კიდევ უფრო დიდი პასუხისმგებლობა გვაქვს მსოფლიოს წინაშე“, - ამბობს პრემიერ-მინისტრი მეტე ფრედერიქსენი.
დასკვნები, რომლებიც დანიელმა მეცნიერებმა ჯანდაცვის მსოფლიო ორგანიზაციასა და დაავადებათა პრევენციისა და კონტროლის ევროპულ ცენტრს გაუზიარეს, ეფუძნებოდა შესაბამის ლაბორატორიულ კვლევებს, რომელიც სერუმის სახელმწიფო ინსტიტუტში ჩატარდა.
ჯანდაცვის მსოფლიო ორგანიზაციის გადაუდებელი შემთხვევების პროგრამის ხელმძღვანელის, მაიკ რაიანის განცხადებით, ჩატარდება უფრო მასშტაბური კვლევა, რომლის მიზანიც იქნება იმის გარკვევა, თუ როგორ ინფიცირდება ადამიანისგან კორონავირუსით წაულა, ხოლო შემდეგ როგორ ავრცელებს ეს უკანასკელი ვირუსს ადამიანში.
დანიის ოფიციალური პირების განცხადებით, წაულის ფერმაში 5 შემთხვევა გამოვლინდა ისეთი, როცა ვირუსმა მუტაცია განიცადა, ხოლო 12 შემთხვევა - ადამიანებში. ქვეყანაში დაახლოებით 15-დან 17 მილიონამდე წაულაა და ის მსოფლიოში წაულის ბეწვის ყველაზე მსხვილი ექსპორტიორია.
როგორც "როიტერსი" წერს, მათი დახოცვის პროცესში ჩაერთვება არმია, პოლიცია და დაცვის სამსახური.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შუბაზეც ხომ არ გადავა ეს კორონა?
არ დახოცოთ, რუსეთში გადააპარეთ