მნიშვნელოვანი ინფორმაცია
8
ივლისიდღის ზოგადი ასტროლოგიური პროგნოზი
სამშაბათი, მთვარის მეთოთხმეტე დღე დაიწყება 21:15-ზე, მთვარე მშვილდოსანშია – კარგია ნებისმიერი ბიზნესის დასაწყებად. ამ დღეს დაწყებული საქმეები თავისით გამოვა. შესაძლებელია დაწინაურება, ხელფასის მატება, ჯილდოები და დამსახურებული აღიარება. დაიწყეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კარგია კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. სასარგებლოა კუჭისა და ნაწლავების გაწმენდა. ფიზიკური აქტივობა სასარგებლოა. გაუფრთხილდით მხედველობას. ყურადღებით მოუსმინეთ ყველაფერს, რასაც გეუბნებათ საყვარელი ადამიანი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მაღალი ალბათობით ვადამდელი არჩევნები იქნება" - როგორ აფასებენ ექსპერტები არჩევნების წინასწარ შედეგებს
14:02 / 01-11-2020
ასე ხდება, როცა შენ ებრძვი ურჩხულს მისივე მეთოდებით, იმისთვის, რომ დაამარცხო, შენ უარესი ურჩხული ხდები, - ასე გამოეხმაურა ექსპერტი გია ხუხაშვილი 2020 წლის საპარლამენტო არჩევნებს.
როგორც „ინტერპრესნიუსს“ ხუხაშვილა განუცხადა, დღევანდელმა ხელისუფლებამ ყველაფერზე ხელი მოაწერა, არცერთ მანკიერებაზე უარი არ თქვა და არჩევნებზე მანიპულაციების თვალსაზრისით, წინა ხელისუფლებისგან, მათ შორის, „ნაციონალური მოძრაობისგანაც“ ყველაფერი კარგად ისწავლა.
„მან დაკარგა მორალური უფლება, რომ ხელი გაიშვიროს ვიღაცისკენ, რომ ის რაღაცას ცუდად აკეთებდა. თვითონ პრაქტიკულად არაფერზე უარს არ ამბობს. საბოლოო ჯამში, ასე ხდება, როცა შენ ებრძვი ურჩხულს მისივე მეთოდებით, იმისთვის, რომ დაამარცხო, შენ უარესი ურჩხული ხდები. ეს დაემართა სამწუხაროდ ადამიანს, რომელზეც მე პირადად დიდ იმედებს ვამყარებდი და მეგობრადაც მიმაჩნდა. ჩემთვის სევდის მომგვრელია, ადამიანი, რომელთან ერთადაც თავის დროზე ამ მანკიერებას ვებრძოდით, თვითონ დაემსგავსა იმ ურჩხულს, რომელსაც, თითქოს ერთად ვებრძოდით“, - განაცხადა ხუხაშვილმა.
მისი ვარაუდით, „ქართული ოცნება“ მე-10 მოწვევის პარლამენტში უმრავლესობის აღების შემთხვევაში, სრული 4-წლიანი ვადით მაინც ვერ იქნება.
„ჩვენ გვეყოლება პარლამენტი, რომელშიც ერთ მხარეს იქნება რაოდენობრივი უმრავლესობა რუხი, პოლიტიკურად გამოუცდელი, უმწიფარი, პოლიტიკისთვის უცხო და მეორე მხარეს ჩვენ გვეყოლება უამრავი პოლიტიკური ლიდერი, რომელიც გამობრძმედილია გინდ ნეგატიური, გინდ პოზიტიური პოლიტიკური გამოცდილებით. დავუშვათ, პროპორცია დალაგდა 60%-40%-ზე ან 55%-45%-ზე, ასეთ მოცემულობაში, ხელისუფლება პარალიზებული იქნება. ქვეყანა დგას უმძიმესი გამოწვევების წინაშე. ამ დროს პარლამენტში ზის შალვა ნათელაშვილიდან დაწყებული ყველა ლიდერი, რომელიც როგორც რიტორიკით, ასევე პოლიტიკური გამოცდილებით ბევრად უკეთესად გამოიყურება, ბევრად უფრო წონადად გამოიყურება, ერთ მხარეს არის ბევრად უფრო დიდი პოლიტიკური წონა და მეორე მხარეს რაოდენობრივი უპირატესობა. ეს პარლამენტი ვერ იქნება ფუნქციონალური და ამ პრობლემების ფონზე ვადის ბოლომდე ვერ გაატანს. ვადამდელი არჩევნები მაღალი ალბათობით იქნება. ვერც ერთ კანონს ვერ მიიღებენ“, - განაცხადა ხუხაშვილმა.
კონსტიტუციონალისტ ლევან ბოძაშვილის თქმით, კი 60 პარტიიდან 51-მა 1%-იანი ბარიერიც კი ვერ გადალახა, ეს იმას ნიშნავს, რომ მათ პოლიტიკაში ყოფნას არანაირი აზრი არა აქვს, უბრალოდ ბიულეტენებს აფუჭებენ.
„მე ვისურვებდი, რომ პატარ-პატარა პარტიები შესულიყო, სულ ყველა პარტია, რომ იყოს პარლამენტში და გეტყვით რატომ - ხალხს დაენახა, ესენი რისი გამკეთებელი არიან. 60 პარტია მონაწილეობდა და 9 პარტიაა პოტენციურად პარლამენტში შემსვლელი. ეს იმას ნიშნავს, რომ 51 პარტია არაფრის გამკეთებელი არაა. მათ ერთპროცენტიანი ბარიერიც კი ვერ გადალახეს, ეს იმას ნიშნავს, რომ მათ პოლიტიკაში ყოფნას არანაირი აზრი არა აქვს, უბრალოდ ბიულეტენებს აფუჭებენ. რატომღაც ყველას ჰქონდა ამბიცია, რომ ამ 1%-იან ბარიერს გადალახავდა, მაშინ, როდესაც მილიონ დახარჯულმა პარტიებმა 3-4%-საც ვერ მიაღწიეს, აღმოჩნდა, რომ ეს 1% რთული გადასალახია“, - განაცხადა ბოძაშვილმა.
მანვე აღნიშნა, რომ აღნიშნულ საკითხს განვითარების ორი ეტაპი აქვს და მათ შორის ერთ-ერთია რამდენად დაიცავს ოპოზიცია თავის ხმებს.
„განვითარებას ორი ეტაპი აქვს: პირველი, რამდენად დაიცავს ოპოზიცია თავის ხმებს და მეორე, რა მოხდება 3 ნოემბერს აშშ-ში. ამასაც ძალიან დიდი მნიშვნელობა აქვს, გაიმარჯვებს ბაიდენი, თუ გაიმარჯვებს ტრამპი. ბუნებრივია, ამასაც გარკვეული ეფექტი ჩვენს არჩევნებზე ექნება“, - აღნიშნა ბოძაშვილმა.
ცენტრალური საარჩევნო კომისიის წინასწარი მონაცემებით, 3007 დათვლილი უბნიდან „ქართული ოცნება-დემოკრატიულ საქართველოს“ ხმების 48.36 %, „ერთიანი ნაციონალური მოძრაობა-გაერთიანებული ოპოზიცია ძალა ერთობაშიას” 26.35 % აქვს, "ევროპული საქართველო - მოძრაობა თავისუფლებისთვის" - 3.79%, "საქართველოს პატრიოტთა ალიანსს" - 3.2%, "სტრატეგია აღმაშენებელს” - 3.16 % „ლელოს“ - 3.27 %. „გირჩს“ - 3.07 %, „ალეკო ელისაშვილი-მოქალაქეებს“ - 1.4 %. "საქართველოს ლეიბორისტული პარტის" - 1,01 %.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ოჰ სასწაული ექსპერტები
ხუხაშვილის ვინმე რამეს ეკითხებოდა საერთოდ წინა მთავრობების დროს ??? ან ვინმე რომელიმე მედია ასე თავისუფლად ჭიკჭიკებდა ?? ან ეს მარგველაშვილი რო გამოდის ხუხაშვილთან ერთად ორივე ბიძინამ არ მოიყვანა ??? ცუდს და უარეს შორის გაკეთდა არჩევანი ... არ იქნება ნაციონალური მოძრაობა აღარ იქნება ოცნებაც ! რაც შეეხება საქართველოში დასაქმების და ეკონომიკური პრობლემების მოგვარებას ნებისმიერი პარტიის მმართველობის პერიოდში ეს არ მოხდება თუ გეოპოლიტიკური სიტუაცია იგივე იქნება ! პატარა ქვეყანა უნდა იყოს დაცული და ძლიერი ეკონომიკური ორგანიზაციის წევრი რო ის განვითარდეს და ინვესტიცია შემოვიდეს იმ რეალობაში რაც ჩვენს რეგიონში ხდება ვინმეს ამის ილუზია აქვს ???