მნიშვნელოვანი ინფორმაცია
24
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამერვე დღე დაიწყება 02:47-ზე, მთვარე ტყუპშია – შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი, ხილი და ბოსტნეული. უმჯობესია რაციონიდან გამორიცხოთ მარცვლეული და ცხოველური საკვები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ამომრჩეველმა დასაჯა "ოცნება" იმ უკანონობისთვის, რაც მელიას მიმართ განახორციელა, 2003 წლის შემდეგ პირველად მეც "ნაცმოძრაობის" კანდიდატს მივცემდი ხმას" - თინა ხიდაშელი
13:58 / 01-11-2020
მე რომ ვყოფილიყავი გლდანის ამომრჩეველი, 2003 წლის შემდეგ პირველად, 17 წლის თავზე, ხმას მივცემდი „ნაციონალური მოძრაობის“ კანდიდატ ნიკა მელიას,- ამის შესახებ თავდაცვის ყოფილმა მინისტრმა თინა ხიდაშელმა „პალიტრანიუსის“ ეთერში განაცხადა.
მისი თქმით, საზოგადოებამ „ქართული ოცნება“ დასაჯა იმ არაკონსტიტუციური ქმედებისთვის, რომელიც მათ ნიკა მელიას წინააღმდეგ განახორციელეს.
„მე, ადამიანი, რომელიც არც ერთი წამით არასოდეს მთელი ამ პროცესის განმავლობაში არც ერთ არჩევნებზე „ვარდების რევოლუციის“ შემდეგ, „ნაციონალური მოძრაობის“ არც ერთი კანდიდატის გულშემატკივარი არ ვყოფილვარ, ვგულშემატკივრობდი ნიკა მელიას იმიტომ, რომ იმ აბსოლუტური უსამართლობისთვის, არაკონსტიტუციური ქმედებითვის, რაც მის წინააღმდეგ საქართველოს პარლამენტმა ჩაიდინა, ისინი უნდა დასჯილიყვნენ და ძალიან მიხარია, რომ ქართველმა ამომრჩეველმა დასაჯა „ქართული ოცნება“ იმ უკანონობისთვის, რომელიც ნიკა მელიას წინააღმდეგ განხორციელდა,“ - განაცხადა თინა ხიდაშელმა.
მან ყურადღება მთავრობის დაკომპლექტების პროცესზეც გაამახვილა და აღნიშნა, რომ მეათე მოწვევის პარლამენტის მუშაობის საწყის ეტაპზე მთავრობას „ქართული ოცნება დააკომპლექტებს, თუმცა ეს რეალობა მალე შეიცვლება.
მისივე განმარტებით, ის კონფიგურაცია, რომლითაც მეათე მოწვევის პარლამენტი მუშაობას დაიწყებს, ცოტა ხანს შენარჩუნდება და პარლამენტში მნიშვნელოვან გადანაცვლებებს უნდა ველოდოთ. თინა ხიდაშელმა არ გამორიცხა, რომ „ქართულ ოცნებას“ დეპუტატები კვლავ დატოვებენ და იმედი გამოთქვა, რომ ისინი ისეთი მიზიდულობის ცენტრების ირგვლივ გაერთიანდებიან, როგორიც „ლელო“, ალეკო ელისაშვილი და ანა დოლიძე არიან.
„გარწმუნებთ, რომ ის კონფიგურაცია, რომელიც პირველ სხდომაზე იქნება, ძალიან ცოტა ხანს შენარჩუნდება და პარლამენტში ძალიან დიდი სატრანსფერო პერიოდი დაიწყება, ვინაიდან, შეუძლებელია, „ქართულმა ოცნებამ“, ვუყურებ რა მათ საარჩევნო სიას, თავისი წევრების ერთი ნაწილი მაინც შეინარჩუნოს იმ ტიპის მრავალპარტიულობაშიც კი, რომელიც მივიღეთ პარლამენტში. მცირე იქნება ოპოზიციური ალტერნატიული პოლიტიკური ძალების მონაწილეობა, მაგრამ ისინი ძალიან ხმამაღალ სიტყვას იტყვიან და აუცილებლად მოხდება ახალი გადანაწილება ამ პარლამენტში.
ერთი განსხვავება იქნება მოქმედ პარლამენტსა და ახლა რომ უნდა შეიკრიბოს იმ პარლამენტს შორის, მოქმედ პარლამენტში არ არსებობდა ალტერნატიული პოლიტიკური ცენტრი, არ არსებობდა პოლიტიკური კონცენტრაციის ადგილი. ამ პარლამენტში ასეთი ადგილი იქნება წარმოდგენილი „ლელოს“ სახით. ამასთანავე, მე ძალიან დიდი იმედი მაქვს, რომ პარლამენტის წევრები გახდებიან თბილისში დამოუკიდებელი მაჟორიტარობის კანდიდატები ალეკო ელისაშვილი და ანა დოლიძე და ამ ადამიანების სახით გაჩნდება პარლამენტში მიზიდულობის ცენტრი, სადაც უკვე შესაძლებლობა გაჩნდება არა უბრალოდ იმის, რომ „ქართული ოცნებიდან“ წავიდნენ დეპუტატები, არამედ იმის, რომ „ქართული ოცნებიდან“ წასული დეპუტატებისთვის ეს გახდეს საყრდენი შემდეგი მთავარი რეალური ალტერნატიული ძალის ფორმირებისთვის,“ - განაცხადა თინა ხიდაშელმა.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ზურაბ ჯაფარიძეს საგამოძიებო კომისიის მოთხოვნის შეუსრულებლობის საქმეზე, 7 თვით თავისუფლების აღკვეთა მიესაჯა, ასევე აეკრძალა 2 წლის ვადით თანამდებობის დაკავება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს ქალი ღმერთს არც ოპოზიციაში უქნია და არც პოზიციაში!!!
ისეთი ტყუილი მაინცა სთქვი ქ-ნო თინა, რომ დავიჯეროთ. ქმარი ლელოშია და თქვენ კი ნაცებს მიეცით ხმა!?