მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დარღვევები და კურიოზული ფაქტები, რომლებიც დილიდან საარჩევნო უბნებზე დაფიქსირდა
11:32 / 31-10-2020
საქართველოში დღეს, 31 ოქტომბერს, საპარლამენტო არჩევნები იმართება. ქვეყნის მოსახლეობა მე-10 მოწვევის პარლამენტს აირჩევს. 150 წევრიან პარლამენტში 120 პროპორციული წესით, ხოლო 30 - მაჟორიტარული საარჩევნო სისტემის საფუძველზე იქნება არჩეული.
საქართველოს მოქალაქეებს არჩევანის გაკეთება 48 პარტიასა და 2 საარჩევნო ბლოკს შორის მოუწევს. ასევე, არჩევანი უნდა გააკეთოს ამ სუბიექტებისა და საინიციატივო ჯგუფების მიერ წარდგენილ მაჟორიტარ კანდიდატებს შორის.
ხმის მიცემის პროცედურა დილის 08:00 საათიდან დაიწყო როგორც დედაქალაქში, ასევე რეგიონებში. რამდენიმე უბანზე უკვე იყო ხმაური, კურიოზული ფაქტები და დარღვევები.
მარნეულში დილიდან მე-5 საარჩევნო უბანზე პოლიციის უფროსის რუსლან იოსელიანის მისვლა გახდა საჭირო. მან ჟურნალისტებს განუცხადა, რომ გამოიძახეს და მას შემდეგ ისაუბრებს, რაც სიტუაციაში გაერკვევა. ადგილზე საარჩევნო პროცესი რამდენიმე წუთით შეჩერებული იყო. როგორც "ერთიანი ნაციონალური მოძრაობის" წარმომადგენელი ლაშა ქველაძე აცხადებს, მათ დამკვირვებელს უფლებას არ აძლევენ, ამომრჩევლის რეგისტრაციას დააკვირდეს. მისივე თქმით, საარჩევნო უბნის კომისიის თავმჯდომარემ სამართალდამცავები გამოიძახა.
საოლქო საარჩევნო კომისიის თავმჯდომარის, ანა ილურიძის განცხადებით, უბანზე ხმაური ჟურნალისტებმა შექმნეს, რადგან უბანში ბევრი ჟურნალისტი მივიდა, რაც კომისიას მუშაობაში ხელს უშლის. ილურიძის თქმითვე, როგორც მისთვისაა ცნობილი, ერთ-ერთმა ამომრჩეველმა პირბადე არ მოიხსნა, რასაც ხმაური მოჰყვა.
დარღვევა დაფიქსირდა ქუთაისის #39-ე საარჩევნო უბანზე. დამკვირვებლების ინფორმაციით, კომისიის წევრებმა მესამე ბიულეტენები არ გასცეს და დაახლოებით 15 ამომრჩეველმა მერიის ბიულეტენი ვერ მიიღო. ფაქტი დაადასტურა საარჩევნო კომისიის თავმჯდომარემაც. მისი თქმით, უბანზე არსებული ხმაურის გამო მესამე ბიულეტების გაცემა დაავიწყდათ.
საარჩევნო უბნებზე გამოვლენილ დარღვევებზე საია-ს დამკვირვებლებმა 10-ზე მეტი საჩივარი და შენიშვნა დაწერეს:
ზუგდიდის #65 უბანზე დაიწერა საჩივარი წილისყრის პროცედურების დარღვევასთან დაკავშირებით; საბურთალოს #23, თელავის #54 და მთაწმინდის #3 უბნებზე წილისყრის პროცედურების შემდეგ გამოვლენილი ფუნქციები თვითნებურად გაცვალეს - უმეტესი მათგანი გასაჩივრებულია;
შუახევში #41 უბანზე წილის ყრები ჩატარდა ერთდროულად (გადასატანი ყუთის წამღები კომისიის წევრების, აგრეთვე სხვა ფუნქციების გასანაწილებლად). ამავე უბანზე გადასატანი საარჩევნო ყუთის წამღებმა კომისიის წევრებმა უარი თქვეს საკუთარი ფუნქციის შესრულებაზე (დაწერილია საჩივარი).
მარნეულის #85 უბანზე წილისყრის დროს ფუნქციები სხვადასხვა ფერის ფურცლებზე დაწერეს და პროცედურა ასე ჩაატარეს.
გარდა ამისა, საია-ს დამკვირვებლებმა დააფიქსირეს ფოტოვიდეო გადაღების წესების დარღევის და ამომრჩეველთა მონაცემების არაკანონიერად დამუშავების ფაქტები (ჩხოროწყუში #17, ზუგდიდში #24 და ბათუმის #35 უბნები). კერძოდ, მედიასაშუალება newpost-ის წარმომადგენლები ამომრჩევლებს სურათებს უღებდნენ არსებული წესების დარღვევით, ახლო დისტანციიდან. ამასთანავე, ჩვენ ხელს არსებული ინფორმაციით, ფოტოგადაღება ხდება სპეციალური პროგრამის მეშვეობით, რომლითაც ხდება ამომრჩეველთა სახის დასკანერება, რაც წარმოადგენს პერსონალურ მონაცემთა დაცვის შესახებ კანონის მოთხოვნათა დარღვევას.
საბურთალოს მე-19 უბანზე გადაღებული ფოტო გამოაქვეყნა "ფეისბუქზე" ინტერნეტმომხმარებელმა მამუკა ჯუღელმა. ფოტოზე ჩანს, რომ საარჩევნო ყუთს ძირი არ აქვს.
ასევე სოციალურ ქსელში ვრცელდება ფოტო, რომელზეც საარჩევნო უბანზე მისული ძაღლია გადაღებული.
"ტვ პირველმა" გაავრცელა კადრები ზუგდიდის რაიონის სოფელ ზემო ეწერიდან, სადაც ჩანს, რომ ხმის მიცემის პროცედურა სანთლის შუქზე მიმდინარეობს:
ასევე ვრცელდება ფოტო მარნეულის საარჩევნო უბნიდან, სადაც საარჩევნო კაბინასთან მდგომი სამი ქალბატონია გადაღებული.
სოციალურ ქსელში უამრავი ადამიანი გაახალისა ბიძინა ივანიშვილის ფოტომ, რომელიც საარჩევნო უბანზეა გადაღებული. ფოტოზე ჩანს დამკვირვებელი, რომელიც "ქართული ოცნების" თავმჯდომარის იდენტიფიცირებას ახდენს.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ისე შევედი და გამოვედი, პირბადის ჩამოწევა არავის უთხოვია
ჩაწყობილი აქვს და უხარია