მნიშვნელოვანი ინფორმაცია
23
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამერვე დღე დაიწყება 02:27-ზე, მთვარე კირჩხიბშია – საკუთარ თავში ჩაიხედეთ. შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი. კარგია თხილი, არ დაგავიწყდეთ წვენების დალევა, ხილისა და ბოსტნეულის ჭამა. უმჯობესია რაციონიდან გამორიცხოთ მარცვლეული და ცხოველური საკვები. თვალები და ტვინი აქტიურია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ არიან გორთან მომხდარი ავარიისას გარდაცვლილები
13:50 / 30-10-2020
თბილისი-სენაკი-ლესელიძის საავტომობილო მაგისტრალის გორის მონაკვეთზე გუშინ, გვიან ღამით, მომხდარი ავტოსაგზაო შემთხვევის შედეგად 6 ადამიანი გარდაიცვალა, 11-მა მგზავრმა კი სხეულის სხვადასხვა სიმძიმის დაზიანებები მიიღო. თბილისიდან დასავლეთ საქართველოსკენ მოძრავ მიკროავტობუსში "ნაციონალური მოძრაობის" მხარდამჭერები ისხდნენ და დედაქალაქში გამართული აქციის შემდეგ ზუგდიდში ბრუნდებოდნენ. რა დროსაც მათ ტრაილერი შეეჯახა. გარდაცვლილებს შორის არიან ილია გაწერელია, ბაჩანა როგავა, ბაჩუკი შენგელია, ომარ ჯიქია, გოგა ჯალაღონია და ელვარდ ახალაია. ეს უკანასკნელი, როლანდ ახალაიას ძმისშვილია. კიდევ ერთი გარდაცვლლი ჩხოროწყუელი გოგა ჯალაღონიაა.
"მე და გოგა რამდენიმე კვირის წინ, კახეთში, რთველში ვმუშაობდით ერთად. 23-24 წლის იქნებოდა. მეუღლე და შვილები არ ჰყავდა. ძალიან წესიერი, ალალი და შრომისმოყვარე ადამიანი იყო. მუშაობას არ თაკილობდა", - ამბობს გოგა ჯალაღონიას ახლობელი.
როგორც მისი "ფეისბუქის" პირადი გვერდიდან ირკვევა, იგი "ნაციონალური მოძრაობის" გუშინდელ აქციას სოციალურ ქსელში პირდაპირ ეთერში აშუქებდა. მისი ბოლო აქტივობა "ფეისბუქზე" 16 საათის წინ ფიქსირდება.
გარდაცვლილთა შორისაა 1976 წელს დაბადებული, ზუგდიდელი ილია (იკა) გაწერელია, რომელიც საქართველოს წინა ხელისუფლების პერიოდში ერთხანს სამეგრელო-ზემო სვანეთის კუდის უფროსის მოადგილის პოსტს იკავებდა. დარჩა მეუღლე და ორი შვილი.
მის შესახებ "ნაციონალური მოძრაობის" წევრი ნიკა მელია სოციალურ ქსელში სამძიმრის პოსტს აქვეყნებს და წერს : "იშვიათია ისეთი ერთგული, ენერგიული მებრძოლი და თავდადებული ბიჭი, როგორც ჩვენი ყველას მეგობარი იკა გაწერელია იყო - მუდამ ღიმილიანი, თვალებგაბრწყინებული და საბრძოლველად შემართული. ხომ ვიცით, როგორ მოუთმენლად ელოდა ხვალინდელ არჩევნებს და ამ არჩევნებში საქართველოს გამარჯვებას... "
ავარიისას დაშავებულები კლინიკა "გორმედში" მკურნალობენ. როგორც ცნობილია, მათგან რამდენიმე პირის ჯანმრთელობის მდგომარეობა მძიმეა. შინაგან საქმეთა სამინისტროს ინფორმაციით, მომხდარზე გამოძიება 276-ე მუხლის მერვე ნაწილით დაიწყო.
(სტატიის მთავარ ფოტოკოლაჟზე: გოგა ჯალაღონია, ილია გაწერელია, ელვარდ ახალაია)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ დავიკლოთ წონაში სტრესის გარეშე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
