საქართველოში კორონავირუსის 1 696 ახალი შემთხვევა გამოვლინდა და 12 ადამიანი გარდაიცვალა

საქართველოში, ბოლო 24 საათში, კორონავირუსის 1696 ახალი შემთხვევა გამოვლინდა და ინფიცირების შემთხვევათა რაოდენობა 37 263-მდე გაიზარდა. ამასთან, გარდაიცვალა კიდევ 12 პაციენტი. ამის შესახებ ინფორმაცია მთავრობის მიერ სპეციალურად შექმნილ ვებ-გვერდზე, stopcov.ge-ზეა განთავსებული. ვირუსით გარდაცვლილთა საერთო რაოდენობა 285-ია.

გამოჯანმრთელდა კიდევ 2906 პაციენტი და საერთო რაოდენობა 19810-ს შეადგენს. კარანტინის რეჟიმში იმყოფება 3070 მოქალაქე, ხოლო სტაციონარში მეთვალყურეობას 4200 ადამიანი გადის. ამასთან, კოვიდსასტუმროში მყოფი პირების რაოდენობა 2324 -ს შეადგენს.

ამასთან, უცხოეთიდან სამკურნალოდ გადმოყვანილია საქართველოს 41 მოქალაქე.