ჰოლივუდის ყველაზე სექსუალური მსახიობი, სკარლეტ იოჰანსონი დაქორწინდა - როგორი ქორწილი გადაიხადა ვარსკვლავმა პანდემიის დროს

ჰოლივუდის ვარსკვლავი სკარლეტ იოჰანსონი და მისი საქმრო კოლინ ჯოსტი დაქორწინდნენ. ამის შესახებ BBC წერს. ქორწილის ცერმონია გასულ უქმეებზე შედგა და ისეთი გასაიდუმლოებული იყო, რომ მედიამ მხოლოდ ახლა შეიტყო.

ქორწილის შესახებ თავდაპირველად ინფორმაცია საქველმოქმედო ორგანიზაცია Meals on Wheels-მა "ინსტაგრამის“ ოფიციალურ გვერდზე გაავრცელა.

ორგანიზაცია ამერიკელ ხანში შესულ ადამიანებს ეხმარება, ხოლო სკარლეტი და კოლინი მას კორონავირუსის პანდემიის დროს მხარს უჭერენ და თავადაც არიან ჩართულები საქველმოქმედო საქმიანობაში.

"ცერემონიას მხოლოდ ოჯახის წევრები და რამდენიმე ახლო მეგობარი დაესწრო და მათ გაითვალისწინეს პანდემიის გამო დაწესებული ყველა რეგულაცია“ - წერენ Meals on Wheels-ის "ინსტაგრამის“ გვერდზე.

ინფორმაცია სკარლეტის წარმომადგენელმა დაუდასტურა გამოცემა TMZ-ს, რომლის ინფორმაციითაც, წყვილის ქორწილი ნიუ იორკში, პალისეიდში გაიმართა.

სკარლეტ იოჰანსონისა და კოლინ ჯოსტის სიყვარულის ისტორია 2017 წელს დაიწყო. კოლინი პოპულარული შოუს, Saturday Night Live-ის კომიკოსი და სცენარისტია. ერთმანეთიც ამ შოუში გაიცნეს. 2019 წლის მაისში წყვილმა გულშემატკივარს ნიშნობის შესახებ შეატყობინა.

სკარლეტი მსოფლიოში ერთ-ერთი ყველაზე მაღალანაზღაურებადი მსახიობია.