მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ფრანგულ გამოცემაში ერდოღანის კარიკატურას აღშფოთება მოჰყვა - თურქეთის საგარეო უწყებამ საფრანგეთში საელჩოს წარმომადგენელი კონსულტაციებისთვის გაიწვია
12:46 / 29-10-2020
ფრანგული გამოცემის Charlie Hebdo-ს 28 ოქტომბრის ნომერში, ჟურნალის გარეკანზე, თურქეთის პრეზიდენტის კარკატურა დაიბეჭდა, რომელზეც ერდოღანი საცვლებით არის გამოსახული, ერთ ხელში სასმელი უჭირავს, მეორე ხელით კი ჰიჯაბიან ქალს კაბას უწევს და ამბობს: "ო, აი წინასწარმეტყველიც!" კარკატურას თურქეთში უკიდურესად ნეგატიური გამოხმაურება მოჰყვა.
ამ პუბლიკაციის შემდეგ, თურქეთის საგარეო საქმეთა სამინისტრომ საფრანგეთში საელჩოს წარმომადგენელი კონსულტაციებისთვის გაიწვია.
"ჩვენ ვგმობთ პუბლიკაციის საშუალებით, საზოგადოებაში კულტურული რასიზმისა და ზიზღის გაჩენის ამ საშინელ მცდელობას. სიტყვის თავისუფლების უკან დამალვით თქვენ ვერავის მოატყუებთ“, - განაცხადა კარიკატურის გამოქვეყნების შემდეგ ერდოღანის ოფიციალურმა წარმომადგენელმა საფრანგეთში ფაჰრედინ ალთუნმა.
როგორც ცნობილია, თურქეთის საგარეო საქმეთა სამინისტრო ელოდება საფრანგეთის ხელისუფლების ნაბიჯებს ამ საკითხთან დაკავშირებით.
"მტკიცედ ვგმობთ ჩვენს პრეზიდენტთან დაკავშირებულ პუბლიკაციას ფრანგულ ჟურნალში, რომელიც არ სცემს პატივს არც ერთ რწმენას, სიწმინდესა და ფასეულობას", - დაწერა პრეზიდენტის სპიკერმა, იბრაჰიმ კალინმა, Twitter-ის პირად გვერდზე.
როგორც ჩანს, ბოლო პერიოდში საზოგადოებაში გაჩენილი კონფლიქტი, რომელიც ახალგაზრდა მასწავლებლის მკვლელობამ გამოიწვია, უფრო იზრდება.
შეგახსენებთ, რომ 16 ოქტომბერს, საღამოს, ისტორიისა და გეოგრაფიის მასწავლებელი სამუელ პატი 18 წლის ჩეჩნურ-რუსული წარმომავლობის ბიჭმა მას შემდეგ მოკლა, რაც პატიმ მოსწავლეებს ჟურალ Charlie Hebdo-ში 2015 წელს გამოქვეყნებული წინასწარმეტყველი მუჰამედის კარიკატურები აჩვენა. თუმცა აქვე საყურადღებოა, რომ მასწავლებელი ძალიან უფრთხილდებოდა თავის მოსწავლეებს და თავისუფალ სიტყვაზე გაკვეთილის ჩატარებისას, იმ მოსწავლეებს, რომელთათვისაც ეს კარიკატურა რელიგიური გრძნობების შემლახველი იქნებოდა, დროებით კლასის დატოვება სთხოვა.
ფრანგული გამოძიების ცნობით, მკვლელობაში ისლამისტები არიან ჩართულნი.
პრეზიდენტმა მაკრონიმ მასწავლებლის დაკრძალვისას საკმაოდ ემოციური განცხადება გააკეთა და "ისლამური სეპარატიზმი“ ახსენა, რამაც საზოგადოება ძალიან გააღიზიანა. ამ განცხადებამ თურქეთის პრეზიდენტიც გაანაწყენა.
როგორც ცნობილია, მასწავლებლის მკვლელობის შემდეგ, საფრანგეთის მთავრობა ქვეყნიდან 231 ლტოლვილის გაძევებას გეგმავს, ეს ის მოქალაქეებია, რომლებიც ექსტრემიზმისკენ არიან მიდრეკილნი.
თავად პრეზიდენტმა ერდოღრანმა კი მოსახლეობას მოუწოდა ბოიკოტი გამოუცხადონ ფრანგულ პროდუქციას.
"რა არის მაკრონის პრობლემა ისლამთან? რა არის მისი პრობლემა მუსლიმებთან?... რა შეიძლება ვუთხრა პრეზიდენტს, რომელსაც არ ესმის რწმენის თავისუფლება და ასე ექცევა განსხვავებული რწმენის მილიონობით ადამიანს, რომელიც მის ქვეყანაში ცხოვრობს? პირველ რიგში, მენტალური ჯანმრთელობა შეიმოწმოს“ - განაცხადა ერდოღანმა სატელევიზიო ეთერში.
ავტორი: ეკა გადახაბაძე
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შეშლილი, შეშლილი, შეშლილი, შეშლილი მსოფლიო
,,შარლი ებდო" იმას მაინც ვერ ხვდება, რომ მათ კარიკატურებს უდანაშაულო მოქალაქეები ეწირებიან? ან ეს დაცინვა რა წესია, თვითონ, თავის ნებით არ გაავსეს საფრანგეთი მუსლიმებით? ნუთუ იმედი ჰქონდათ, რომ უცბად გაევროპელდებოდნენ?