საქართველოში ბოლო 24 საათში კორონავირუსისგან კიდევ 23 პაციენტი გარდაიცვალა და მათი რაოდენობა 238-მდე გაიზარდა. ამის შესახებ ინფორმაცია მთავრობის მიერ სპეციალურად შექმნილ ვებ-გვერდზე, stopcov.ge-ზეა განთავსებული.
ამასთან, ბოლო დღე-ღამის მონაცემებით, კორონავირუსისგან კიდევ 1262 პაციენტი გამოჯანმრთელდა და მათი საერთო რაოდენობა 12 632-ს შეადგენს.
რაც შეეხება ინფიცირების მაჩვენებელს, ბოლო 24 საათში საქართველოში კორონავირუსის 1872 ახალი შემთხვევა გამოვლინდა. შესაბამისად, 32 127-მდე გაიზარდა ქვეყანაში ინფიცირების მაჩვენებელი.
