21 წლის ახალგაზრდა, რომელიც კოვიდსასტუმროდან გამოწერიდან მეორე დღეს გარდაიცვალა, ანსამბლ "თუთარჩელას" წევრი იყო

რუსთავში გარდაცვლილი 21 წლის ახალგაზრდა, რომელიც კოვიდსასტუმროდან გუშინ გამოწერეს, "რუსთავი 2"-ის ინფორმაციით, ანსამბლ "თუთარჩელას" წევრი იყო. ტელეკომპანიის ინფორმაციით ანსამბლის 30 წევრია ინფიცირებული.

როგორც გარდაცვლილის ახლობლები Ambebi.ge-სთან ამბობენ, 21 წლის ახალგაზრდას, კორონავირუსი დახლოებით სამი კვირის წინ დაუდასტურდა. ის თბილისში ერთ-ერთ კოვიდსასტუმროში მკურნალობდა.

დაავადება უსიმპტომოდ, ყოველგვარი გართულების გარეშე მიმდინარეობდა. ახალგარზდა ბიჭი სასტუმროდან სახლში გუშინ დაბრუნდა.

დღეს კი, მეგობრებთან ერთად, საერთო მეგობრის დასხმარებლად იმყოფებოდა. ბიჭები ეზოში იყვნენ და კარალიოკს კრეფდნენ. თვითმხილველები ambebi.ge-ს უყვებიან, რომ ბიჭს მოულოდნელად სუნთქვის უკმარისობა დაეწყო და ძირს დაეცა.

გარშემომყოფებმა სასწრაფოში დარეკეს და ექიმის მოსვლამდე თავად ცდილობდნენ დახმარება გაეწიათ. ახალგაზრდა სასწრაფოს მისვლამდე გარდაიცვალა.