გაბრიელ სალოსის გამზირზე ყვითელი მიკროავტობუსი ავტომობილებს შეეჯახა

თბილისში, გაბრიელ სალოსის გამზირზე, ყვითელი მიკროავტობუსი გაჩერებულ 3 ავტომობილს შეეჯახა. შემთხვევის შედეგად ერთი ადამიანი მსუბუქად დაშავდა.

როგორც "ინტერპრესნიუსს“ შსს-ში განუცხადეს, მომხდართან დაკავშირებით გამოძიება სისხლის სამართლის კოდექსის 276-ე მუხლის მე-2 ნაწილით დაიწყო, რაც ავტომობილის, ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.