მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მთიან ყარაბაღში დღეიდან ჰუმანიტარული ზავი ამოქმედდება - რას ამბობენ მხარეები აშშ-ის ჩარევით მიღწეულ შეთანხმებაზე და რას აცხადებს ტრამპი
09:44 / 26-10-2020
მთიან ყარაბაღში 26 ოქტომბერს ჰუმანიტარული ზავი ამოქმედდება. ამის შესახებ აშშ-ის სახელმწიფო დეპარტამენტის ვებ-გვერდზე გამოქვეყნებულ აშშ-ის, აზერბაიჯანისა და სომხეთის ერთობლივ განცხადებაშია ნათქვამი.
"ჰუმანიტარული ცეცხლის შეწყვეტა ძალაში შევა 2020 წლის 26 ოქტომბერს 08:00 საათზე, ადგილობრივი დროით (EDT-ს 12:00 საათზე).
შეერთებულმა შტატებმა ხელი შეუწყო ინტენსიურ მოლაპარაკებებს საგარეო საქმეთა მინისტრებისა და მინსკის ჯგუფის თანათავმჯდომარეებს შორის, რომ სომხეთი და აზერბაიჯანი მთიანი ყარაბაღის კონფლიქტის მშვიდობიანი გზით მოგვარებას მიუახლოვდნენ", - ნათქვამია განცხადებაში.
ამასთან, მინსკის ჯგუფმა განაცხადა, რომ მისი თანათავმჯდომარეები და საგარეო საქმეთა მინისტრები შეთანხმდნენ, რომ 29 ოქტომბერს კიდევ ერთხელ შეხვდებიან ჟენევაში.
სომხეთსა და აზერბაიჯანს შორის მიღწეულ ცეცხლის შეწყვეტის ახალ შეთანხმებას აშშ-ის პრეზიდენტი დონალდ ტრამპი სოციალურ ქსელ „ტვიტერში“ გამოეხმაურა.
პრეზიდენტის თქმით, აღნიშნული შეთანხმების მიღწევის გამო ის თავისი გუნდით ამაყობს.
"ვულოცავ სომხეთის პრემიერ მინისტრს ნიკოლ ფაშინიანსა და აზერბაიჯანის პრეზიდენტს ილჰამ ალიევს, რომლებიც ცეცხლის შეწყვეტაზე შეთანხმდნენ, მრავალი სიცოცხლე გადარჩება... ვამაყობ ჩემი გუნდით - სახელმწიფო მდივან მაიკ პომპეოთი, სტივ ბიგანითა და ეროვნული უშიშროების საბჭოთი - ამ გარიგების მიღწევის გამო", - წერს დონალდ ტრამპი.
მედიის ინფორმაციით, მანამდე დონალდ ტრამპმა ნიუ-ჰემფშირის შტატის ქალაქ ლონდონბერიში ამომრჩეველთან გამართულ შეხვედრაზე განაცხადა, რომ სომხეთსა და აზერბაიჯანს შორის მთიან ყარაბაღში არსებულ კონფლიქტს „ადვილად გამოასწორებს.“
"შეხედეთ სომხებს, შესანიშნავი ხალხია. ისინი ჯოჯოხეთურად იბრძვიან. იცით, რომ ჩვენ რაღაცის გაკეთებას ვაპირებთ. ჩვენ ვაპირებთ, გამოვასწოროთ პრობლემები, რომლებიც მათ აქვთ. ეს ასე იქნება, მე ამას მარტივს ვუწოდებდი. დაბრუნდით და უთხარით თქვენს ხალხს, რომ ჩვენ ამას გამოვასწორებთ“, - განაცხადა აშშ-ის პრეზიდენტმა.
მიღწეულ შეთანხმებასთან დაკავშირებით, აზერბაიჯანის პრეზიდენტმა ილჰამ ალიევმა Fox News-თან ინტერვიუში.
"ახლა რთულია იმის პროგნოზირება, თუ რა მოხდება. ეს მხოლოდ ჩვენზე არ არის დამოკიდებული, რადგან ომს ერთი ქვეყანა არ აწარმოებს. ეს არ არის ცალმხრივი პროცესი", - აღნიშნა მან.
მისივე თქმით, სურს, რომ სამხრეთ კავკასიის რეგიონი ღრმად ინტეგრირებული გახდეს.
„მსურს, სამხრეთ კავკასიის რეგიონი ღრმად ინტეგრირებული იყოს. მსურს, რომ სტრატეგიული ურთიერთობები, რომელიც ჩვენ სამხრეთ კავკასიის სხვა ქვეყანასთან, საქართველოსთან, გვაქვს, მომავალში, გარკვეულწილად, აზერბაიჯანსა და სომხეთს შორის ურთიერთობების ნიმუში გახდეს, რადგან ყველა ომი მთავრდება და მშვიდობა მოდის”, - განაცხადა ილჰამ ალიევმა.
ამასთან, დღეს დილიდან აზერბაჯანული მედია იტყობინება, რომ აზერბაიჯანის არმიამ ოკუპაციისგან ზანგილანის, ჯაბრაილისა და გუბადლის რეგიონების რამდენიმე სოფელი და ქალაქი გუბადლი გაათავისუფლა. აზერბაჯანული მედიის ინფორმაციით, ამის შესახებ ქვეყნის პრეზიდენტმა ილჰამ ალიევმა სოციალურ ქსელ „ტვიტერში“ დაწერა.
„აზერბაიჯანის არმიამ ოკუპანტებისგან გაათავისუფლა ზანგილანის, ჯაბრაილის, გუბადლის რეგიონების რამდენიმე სოფელი და ქალაქი გუბადლი. გაუმარჯოს აზერბაიჯანის არმიას! ყარაბაღი აზერბაიჯანია!" - წერს ალიევი.
რაც შეეხება სომხეთის პრემიერ-მინისტრ ნიკოლ ფაშინიანს, იგი ირწმუნება, რომ სომხეთი აშშ-ში მიღწეულ ცეცხლის შეწყვეტის შეთანხმებას სრულად დაიცავს.
„ვაშინგტონში, აშშ-ის შუამავლობით, მიღწეული შეთანხმების თანახმად, სომხური მხარე ცეცხლის შეწყვეტის შეთანხმებას სრულად დაიცავს დილის 8:00 საათიდან,” - წერს ფაშინიანი სოციალურ ქსელ „ტვიტერში“.
შეგახსენებთ, სომხეთსა და აზერბაიჯანს შორის ჰუმანიტარული მიზნით ცეცხლის შეწყვეტის რეჟიმი დღეს, ადგილობრივი დროით დილის 8:00 საათიდან ამოქმედდა.
მთიან ყარაბაღში კონფლიქტი 27 სექტემბერს გამწვავდა. სომხეთმა და აზერბაიჯანმა ცეცხლის დროებით შეწყვეტის შესახებ შეთანხმებას ორჯერ - 10 და 17 ოქტომბერს მიაღწიეს, თუმცა კონფლიქტის ზონაში საბრძოლო მოქმედებები მაინც გრძელდებოდა. მხარეები შეთანხმების დარღვევაში ერთმანეთს ადანაშაულებენ.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვის დარჩება ყარაბაღი? ამას ჯერ არავინ ლაპარაკობს, ამიტომ ეს ომი არ დამთავრდება.
ისე იყო საქმე ერევანსაც აიღებდა აზერბაიჯანი, სომხების მზე ჩაესვენა .......................