მსხვერპლი მშვიდობიან მოსახლეობაში და აღებული სოფლები - რა ინფორმაციას ავრცელებენ სომხეთი და აზერბაიჯანი ყარაბაღის კონფლიქტის ზონაში შექმნილ ვითარებაზე
სომხური და აზერბაიჯანული მხარე მთიანი ყარაბაღის კონფლიქტის ზონაში შექმნილი ვითარების შესახებ ინფორმაციას ავრცელებენ. არაღიარებული მთიანი ყარაბაღის დეფაქტო ხელისუფლების განცხადებით, გასული ღამის განმავლობაში აზერბაიჯანის შეიარაღებული ძალები დასახლებული პუნქტების მიმართ იერიშს განაგრძობდნენ, რასაც მშვიდობიანი მოსახლეობა ემსხვერპლა.
მათი თქმით, თავდასხმები მარტუნისააღ და ასკერანის რაიონების სოფლების მიმართ განხორციელდა.
აზერბაიჯანის თავდაცის უწყების ინფორმაციით, კი მოწინააღმდეგე მხარემ აზერბაიჯანული არმიის პოზიციებს ცეცხლი გაუხსნა.
მათი თქმით, აზერბაიჯანის არმიამ ბოლო 24 საათის განმავლობაში კონტროლი კიდევ რამდენიმე სოფელზე აღადგინა და მოწინააღმდეგის ცოცხალი ძალისა და ტექნიკის დიდი რაოდენობა გაანადგურეს.
მთიან ყარაბაღში კონფლიქტი 27 სექტემბერს გამწვავდა. სომხეთმა და აზერბაიჯანმა ცეცხლის დროებით შეწყვეტის შესახებ შეთანხმებას ორჯერ - 10 და 17 ოქტომბერს მიაღწიეს, თუმცა კონფლიქტის ზონაში საბრძოლო მოქმედებები არ წყდება.
"ცოცხალი და უვნებელი ვარ. უფრო ის მადარდებს, რა ფერის კოსტიუმი ჩავიცვა შენი და მიშიკოს დაკრძალვაზე" - რას წერს აზერბაიჯანელების მიერ მოკლულად გამოცხადებული ვაჰაგნ ჩახალიანი
მთიან ყარაბაღში დღეიდან ჰუმანიტარული ზავი ამოქმედდება - რას ამბობენ მხარეები აშშ-ის ჩარევით მიღწეულ შეთანხმებაზე და რას აცხადებს ტრამპი
