მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საიუბილეო რთველი საკოლექციო ვენახში და ჟურნალისტების დაწურურული ღვინო - რა მოხდა წინანდალში?
19:56 / 24-10-2020
წინანდალში, „ღვინის კომპანია შუმის“ ტურისტულ ბაზაზე მედიის წარმომადგენლებისთვის რთველი გაიმართა. 9 ჰექტარზე გაშენებული ტურისტული კომპლექსი ისტორიულ ადგილას მდებარეობს - ალექსანდე ჭავჭავაძის ეროვნულ პარკს ესაზღვრება. ჟურნალისტებმა ვიზიტის დროს დაათვალიერეს საკოლექციო ვენახი, სადაც ვაზის 900-ზე მეტი ჯიშია დაცული, მათ შორის, გადაშენების პირას მყოფი რამდენიმე ათეული ქართული ვაზის ჯიში, ეთნოგრაფიული სახლი, ვაზის და ღვინის მუზეუმი, რომლის უძველესი ექსპონატები 6000 წლით თარიღდება, ღვინის მარანი და ენოთეკა. ტურისტულ კომპლექსში წარმოდგენილია ისეთი ცნობილი სკულპტორების ნამუშევრები როგორიცაა: მერაბ მერაბიშვილი, გია ჯაფარიძე...
ღვინის კომპანია „შუმი“ 1997 წელს დაარსდა, 2001 წელს დასრულდა ღვინის ქარხნის მშენებლობა და საკუთარი ვენახიდან პირველი მოსავლის მიღება. კომპანიის სახელწოდება „შუმი“ ძველქართულად საუკეთესო, განუზავებელ ღვინოს ნიშნავს. კომპანია 2004 წლიდან ბიოღვინოს აწარმოებს, რომელიც სერტიფიცირებულია საერთაშორისო სტანდარტების შესაბამისად. წლევანდელი რთველი კი მათთვის საიუბილეო, რიგით მეოცე იყო.
აკაკი ცოფურაშვილი, კომპლექსის ხელმძღვანელი: „რთველი ჩვენი მეგობარი ჟურნალისტების, მუსიკოსების, მოცეკვავეების და სხვადასხვა დარგის ადამიანების მონაწილეობით ჩატარდა. დავკრიფეთ ჩვენი საკოლექციო ვენახი და ამით დავამთავრეთ დღევანდელი რთველის მოსავლის აღების პროცესები. ეს იყო საიუბილეო რთველის დასკვნით ფაზა, რაც იმას ნიშნავს, რომ ეს იყო რიგით მეოცე რთველი... ჩვენთან დამკვიდრებულია ასეთი ტრადიცია, რომ საკოლექციო ვენახის ყურძნისგან იწარმოება უნიკალური ღვინო „ლაზარე“... ჟურნალისტებმა ყურძნის დაკრეფის შემდეგ, თავადვე დაწურეს საწნახელში ღვინო, ამოავლეს ჩურჩხელები, მონაწიეობა მიიღეს პურის ცხობაში, ხინკლის მოხვევაში და უნიკალური ღვინოების დაგემოვნებაში... ამ დღეს ალამაზებდნენ პატარა მოცეკვავეები დავით ფოცხიშვილის ქორეოგრაფიული სტუდიიდან და რთველს არც ქართული სიმღერა დაკლებია.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩვენთან კი კორონაა