მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საქართველო უკვე ახლა უნდა შეუერთდეს ნატო-ს, უკრაინა ამისთვის ჯერ მზად არ არის" - რაზე საუბრობს ევროპაში აშშ-ის სახმელეთო ჯარების ყოფილი სარდლი?
13:25 / 24-10-2020
ევროპაში აშშ-ის სახმელეთო ჯარების ყოფილი სარდლის, გენერალ-ლეიტენანტის ბენ ჰოჯესის განცხადებით, საქართველო უკვე ახლა უნდა შეუერთდეს ნატო-ს, მაშინ როდესაც, უკრაინა ამისთვის ჯერ მზად არ არის. უკრაინული მედიის ინფორმაციით, ჰოჯესმა ამის შესახებ კიევის ფორუმში მონაწილეობისას განაცხადა, რომელიც უსაფრთხოება-2020-ს ეძღვნებოდა.
„მჯერა, რომ საქართველო უნდა გახდეს ნატო-ს წევრი სწორედ ახლა. უკრაინას ამისთვის დასჭირდება გაცილებით მეტი დრო“, - აღნიშნა ჰოჯესმა.
ის დარწმუნებულია, რომ უკრაინა ბოლოს და ბოლოს შეუერთდება ალიანსს, „როგორც ამის შესახებ წლების წინ პრეზიდენტმა ბუშმა განაცხადა“.
მანვე დასძინა, რომ უკრაინამ ჯერ კიდევ უნდა გაიაროს ცოტაოდენი გზა და განაგრძოს ძალისხმევა, რათა გააძლიეროს ალიანსში მისი ინტეგრაცია.
საქართველოს ნატოში გაწევრიანების საკითხზე ისაუბრა ასევე “ჰერიტიჯის ფონდის” მკვლევარმა ჯეიმს კარაფანომ „ამერიკის ხმის“ ქართულ რედაქციასთან საუბრისას.
მკვლევარის თქმით, შეერთებული შტატების მხარდაჭერა, საქართველოს ნატოში გაწევრიანების მისწრაფების ხელშეწყობის კუთხით გაგრძელდება.
„ნებისმიერი პოლიტიკური პარტიიდან მომავალ ადმინისტრაციას ექნება პოზიცია, რომ რუსეთს არ აქვს უფლება დაადოს ვეტო იმას, თუ ვინ გაწევრიანდება ნატოში", - განაცხადა კარაფანომ.
მისი თქმით, შავი ზღვის აუზში, რუსეთის გავლენის მოპოვების მცდელობის კვალდაკვალ, შეერთებული შტატების ინტერესი საქართველოს მიმართ იზრდება.
„ვფიქრობ, სტაბილური და წარმატებული ევროპის ამერიკისეულ ხედვაში საქართველო უფრო და უფრო რელევანტურია. შეერთებული შტატები მხარს უჭერს საქართველოს ინტერესს, იყოს უფრო სტაბილური ევროპის ნაწილი და ვფიქრობ, ამერიკა ყველაფერს გააკეთებს საქართველოს დასახმარებლად, რადგან ეს ჩვენი სტრატეგიისათვის და დასავლეთ ევროპის მომავლისთვის კარგია”, - განაცხადა მან.
კარაფანოს განცხადებით, აშშ-ს პოლიტიკა რუსეთთან შენარჩუნდება, მიუხედავად იმისა, თუ ვინ დაიკავებს თეთრ სახლს ნოემბრის არჩევნევის შემდეგ
„პრეზიდენტი ტრამპი რამდენჯერმე მოექცა კრიტიკის ქარცეცხლში ვლადიმირ პუტინის მიმართ გაკეთებული განცხადებების გამო. პრეზიდენტი ასევე საუბრობდა იმაზე, რომ მოსკოვთან ურთიერთობების გაუმჯობესებისთვის კარი ღია იყო. ტრამპის მხრიდან ამ რიტორიკის მიუხედავად, ადმინისტრაცია ინარჩუნებდა რუსეთის მიმართ მკაცრ პოლიტიკას. პრეზიდენტი ინარჩუნებდა სანქციებს რუსეთის წინააღმდეგ. შეერთებული შტატები საუბრობდა რუსეთის ჩარევაზე და ქმედებებზე. არ ვფიქრობ, რომ ეს შეიცვლება. აქ პრობლემა არა შეერთებული შტატების ქცევა, ან მისი პოლიტიკაა - ან ევროპის პოლიტიკა - არამედ რუსეთს პოლიტიკაა. პუტინი არ ცვლის მის პოლიტიკას... რუსეთს არ უჩვენებია სურვილი, რომ უნდა უფრო კონსტრუქციული პოლიტიკა ჰქონდეს. სანამ ეს არ მოხდება, შეერთებული შტატების პოლიტიკა არ შეიცვლება", - განაცხადა კარაფანომ.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უკრაინა რატომ არ არის მზად და რა უშლის ხელს?
კარგი კითხვაა 123. უკრაინას ხელს უშლის ტოტალური კორუფცია და ჩამოშლილი პოლიტ-ეკონომიკური სისტემა. მათ არ გამოიყენეს ის მუხტი რაც 2004-2007 წლებში ჰქონდათ, ისე, როგორც საქართველომ გამოიყენა ეკონომიკური და პოლიტიკური ნახტომისთვის, ვარდების რევოლუციის მონაპოვარი, რამაც შოკში მოიყვანა რუსეთი და გადაადგმევინა დიდი ნაბიჯი გაემყარებინა თავისი გავლენის სფერო საქართველოში პარტია ქართული ოცნების დაფუძნებით, ისევე როგორც უკრაინაში პარტია "რეგიონებით". როგორც ზემოთ აღვნიშნე, უკრაინამ იუშჩენკოს დროს ჩააფლავა რევოლუციის მონაპოვარი და სწორედ ამ ფონზე დასუსტებული ქვეყანა რუსეთმა იოლად ჩაიგდო ხელში. რაც შეეხება საქართველოს, იმდენად დიდი იყო დაწყებული პროგრესი სააკაშვილისა და მისი გუნდის მიერ, რომ ეს მუხტი დღემდე წინ ეღობება რუსეთს და მის ფილიალს საქართველოში ივანიშვილის სახით. მადლობა ღმერთს, სულ რაგაც 4 დღე დარჩა და კოშმარული სიზმარივით ღა მოვიხსენიებთ მათ...