მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"უსიმპტომო ქალბატონის გარდაცვალებას დაემთხვა ჩემი ცუდად გახდომა... მეც მეშინოდა" - რას ჰყვება თიკა ფაცაცია, რომელმაც კორონავირუსი დაამარცხა
22:58 / 23-10-2020
თიკა ფაცაცია თითქმის ორი კვირაა, რაც ეთერიდან გაუჩინარდა. როგორც აღმოჩნდა, ტელეწამყვანს კორონავირუსი დაუდგინდა და სახლში მკურნალობდა.
ინფიცირებიდან ბოლო დღეს, როდესაც საბოლოოდ დარწმუნდა, რომ კოვიდი დაამარცხა, ინსტაგრამზე პირდაპირი ეთერი ჩართო და საუბარი ასე დაიწყო: "გამარჯობა... მე მზად ვარ ვილაპარაკო იმაზე, რომ მე დავამარცხე კოვიდი".
25 წუთის მანძილზე პირდაპირ ეთერში ტელეწამყვანმა თაყვანისმცემლების კითხვებს გულახდილად და ამომწურავად უპასუხა:
"დღეს არის ბოლო დღე, როდესაც უბრალოდ დრო გამყავს და ხვალიდან შევუერთდები ჩემს ოჯახის წევრებს. მინდა, ახლა თავისუფლად ვისაუბრო ამაზე, რადგან საქართველოში მძვინვარებს კორონავირუსი. ძალიან დამეხმარნენ ის ადამიანები, ვინც მანამდე იყვნენ კოვიდინფიცირებულები, ნოდიკო ტატიშვილი, კახა მიქიაშვილი, რომელმაც მთავარი იმედი ჩამისახა, ისიც ჩემსავით ჩუმად იბრძოდა.
მარტში უფრო მეშინოდა და უფრო წივილ-კივილში ვიყავი, ვიდრე ახლა. ვირუსი ჩემი სტუმრისგან გადამედო, რომელიც ჩემი დიდი ოჯახის წევრია. ჩემს ოთახ-გარდერობში ვიყავით და სამოსს რომელსაც მე ვეღარ ვიყენებ, პატარა მაქვს მისთვის ვარჩევდი და მოზომვაში ვიყავით...
მაშინ არ ჰქონდა ცხადია სიმპტომები და მეც მერე გამომივლინდა. დამეწყო ძალიან ძლიერი თავის ტკივილით, ერთი დღე მტკიოდა, მეორე დილას სიცხიანმა გავიღვიძე. პირველ ტესტს არ ვენდე და შემდეგ მეორე გავიკეთე. დადასტურების შემდეგ ყველა კონტაქტს დავურეკე, საბედნიეროდ კლასტერი არ მყავს. ყველაზე საოცარი ის არის, რომ წინა საღამოს, სანამ სიცხიანი გავიღვიძებდი, ისეთი შემოტევა დამემართა, რომ ოჯახის ყველა წევრი კოცნებით ავავსე, მეუღლე, შვილები, რა მეტაკა არ ვიცი, მერე ამაზე ძალიან ვნერვიულობდი, მაგრამ გადარჩა ყველა.
კარგი იმუნიტეტი თუ გაქვთ ნუ გეშინიათ, მე ამ პერიოდში დაბალი მქონდა იმუნიტეტი და მომერია. არ მინდოდა ამის აფიშირება, რადგან ძალიან შეშინებული ვიყავი. ღმერთმა ნუ გამოგაცდევინოთ, არავის ვუსურვებ. ჩემი კოვიდი დასრულებულია, მაგრამ ძალიან მალე ვიღლები და ძალიან მალე მივარდება სუნთქვა. დამეკარგა ყნოსვა და გემოს შეგრძნება. ვირუსის გადატანის შემდეგ მნიშვნელოვანია, გამოგიმუშავდათ თუ არა ანტისხეულები. თუ გამოგიმუშავდათ, მაშინ კარგა ხანს დაისვენებთ. საერთოდ სუსტი სისხლძარღვები მაქვს, თრომბისკენ მიდრეკილი ვარ, ორსულობას გეტრებსაც ვატარებდი, ამიტომ გავიკეთე ანალიზები, მაგრამ ამ შემთხვევაში არ დამჭირდა არანაირი წამლის მიღება. ბევრს დავდიოდი, გამოკეტილი ვარ პატარა ოთახში და აივანზე, 5000 ნაბიჯზე ავდიოდი დღეში. ასევე ვსვამდი ბევრ ლიმნიან წყალს.
რაც შეეხება მოწევას, მე ერთი წელია აღარ გავკარებივარ თამბაქოს და ესეც კარგი იყო ჩემს შემთხვევაში. ცხადია, ვიცი ისეთი ხალხი, მწეველები ვინც ვირუსი დაამარცხა, მაგრამ არაა მაინც სასურველი. ძალიან დიდი მნიშვნელობა აქვს ასევე განწყობაზე მუშაობას. მქონდა პოზიტიური მუსიკა ჩართული, ყველაფერი დასაშვები მქონდა, რაც იმედს მომცემდა და გულს მიხარებდა.
თავიდან სამი დღე ყველანაირი ზარი მაღიზიანებდა. განსაკუთრებულად ოჯახის წევრებს რომ მოიკითხავდნენ, რადგან ძალიან მეშინოდა. 6 დღე იყო ჩემთვის გარდამტეხი, რადგან სუნთქვის გაძნელება მქონდა, პირველი ორი დღე საერთოდ ვერ ვდგებოდი. მესამე დღეს ავდექი და დავიწყე ლოგინის ალაგება. ყველას შემთხვევა მაინც ინდივიდუალურია, შეუძლებელი არაფერია. მეუბნებოდნენ სახლში რატომ ხარო, მაგრამ ჩემზე მძიმე პაციენტებს სჭირდებათ საავადმყოფოს სივრცე და ჯობია არ დავაკავო.
უბრალოდ ჩემთვის სანდო ექიმებს ვეუბნებოდი, რა მექნა. მე მიყვარს ექიმები, რომლებიც არ ნიშნავენ წამლებს. ვსვამდი ბევრ წყალს ჩაის, ლიმნიან წყალს, რაც შეიძლება მეტი სითხე, მონაცვლეობით ვსვამდი ორივეს. მე ვიცი, რომ ოჯახის ექიმებზე ბევრს გული გწყდებათ, რომ არ არიან აქტიურები, მაგრამ პირველად რომ დაგირეკავენ, შემდეგ დაიმახსოვრეთ მისი ნომერი და თქვენ დაურეკეთ ხოლმე.
რაც შეეხება უკეთ გახდომას, კოვიდით დაინფიცირებიდან მეექვსე დღეს მქონდა დაბადების დღე, ეს იყო ყველაზე უჩვეულო დაბადების დღე, მაგრამ ძალიან ბევრი სიყვარული მივიღე და სუნთქვა მიჭირდა მახსოვს. მეშვიდე დღიდან უკვე კარგად ვარ. ხველა საერთოდ არ მქონია, ერთი დღე მქონდა მხოლოდ სუნთქვის გაძნელება. შიში ოხერია, ყველას ვეუბნებოდი და მეც მეშინოდა, რადგან ვენების პრობლემა მაქვს და თან ახალგაზრდა, უსიმპტომო ქალბატონის გარდაცვალებას დაემთხვა ჩემი ცუდად გახდომა და ამან ძალიან იმოქმედა..." - თიკამ თითქმის ყველა კითხვას ამომწურავად უპასუხა პირდაპირ ეთერში.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მიყვარს ეს გოგო გამოჯანმრთელებას გისურვებ.ლეილა
ყოჩაღ. თიკა. ეს ვერაგი ვირუსია, მართვა უნდა ბინაზეც და ანალიზის აღება. აუცილებელია. ყოველდღიურ რეჟიმში. ამას უნდა მიექცეს ყურადღება