"მას აცვია ქართული არმიის კამუფლირებული ფორმა..." - რაზე მიანიშნებს ბანკის მძარცველის ჩაცმულობა, შეიარაღება და ქცევები? სამხედრო ექსპერტის მოსაზრება

რამდენიმე საათის წინ ზუგდიდში, გამსახურდიას გამზირზე მდებარე "საქართველოს ბანკის" ფილიალში თავდამსხმელი შეიჭრა. მან ბანკის თანამშრომლები და კლიენტები მძევლად აიყვანა და სამართალდამცველებს კონკრეტული მოთხოვნები წაუყენა. ის ნახევარ მილიონი დოლარის ნაღდი ანგრიშსწორებით მიტანასა და შენობის უსაფრთხო დატოვების გარანტიას ითხოვდა.

რამდენიმე საათიანი მოლაპარაკების შემდეგ 43 მძევალი გათავისუფლდა, ხოლო ორმა მძევალმა და ერთმა პოლიციელმა (სამხარეოს უფროსმა ავთო გალდავამ) ბანკის შენობა თავდამსხმელთან ერთად დატოვეს. ისინი "პიკაპის" მარკის ავტომობილით გაურკვეველი მიმართულებით წავიდნენ.

რაზე მიანიშნებს ბანკის მძარცველის ჩაცმულობა, შეიარაღება და ქცევები? - "კვირის პალიტრა" სამხედრო ექსპერტის ირაკლი ალადაშვილის მოსაზრებას ავრცელებს, სადაც ის ვიდეოკადრების ნახვის შემდეგ გარკვეულ დასკვნებს აკეთებს:

1. მძარცველს აცვია ქართული არმიის კამუფლირებული ფორმა, რომელიც 2008 წლის აგვისტოს ომის შემდგომ მიიღო საქართველოს შეიარაღებულმა ძალებმა.

2. ის შეირაღებულია "კალაშნიკოვის" ტიპის ავტომატით, სავარაუდოდ, დასაკეცკონდახიანი მოდელით, შეიძლება "აკს-74" მოდიფიკაციის.

3. მას ფორმაზე მორგებული აქვს განტვირთვის ჟილეტი, რომელშიც სათადარიგო მჭიდები უწყვია, სავარაუდოდ 5,45 მმ კალიბრის ვაზნებით.

4. მარჯვენა ხელში, შავი ხელთათმანით უკავია ხელყუმბარა, როგორც ერთ-ერთი მძევალი ამტკიცებს. უცნობია ამ ხელყუმბარის მოდელი, მაგრამ დიდი ალბათობით, ის შეიძლება ან "რგდ"-ს ან "ფ-1"-ის ტიპის იყოს, თუკი ეს უკანასკნელია, მაშინ უფრო სახიფათო სიტუაციაა, რადგან "ფ-1" ძლიერ ხელყუმბარად ითვლება და მისი ნამსხვრევები 7 მ-ის რადიუსში სრული დაზიანების გარანტიას იძლევიან (ისე ნამსხვრევების ნაწილი შეიძლება 200 მეტრამდეც კი გაიტყორცნოს), რაც უფრო საშიშია დახურულ სივრცეში, ოთახში, სადაც მძევლები იმყოფებიან....წაიკითხეთ სრულად