მნიშვნელოვანი ინფორმაცია
24
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამერვე დღე დაიწყება 02:47-ზე, მთვარე ტყუპშია – შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი, ხილი და ბოსტნეული. უმჯობესია რაციონიდან გამორიცხოთ მარცვლეული და ცხოველური საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ექვსი ქვეყანა, სადაც კორონავირუსით ინფიცირებულთა რაოდენობამ მილიონს გადააჭარბა - ეპიდვითარება მსოფლიოში პანდემიის გამოცხადებიდან 8 თვის შემდეგ
12:30 / 20-10-2020
კორონავირუსის ახალი შტამი, Covid-19, ოფიციალური ვერსიით, 2019 წლის დეკემბერში გამოვლინდა. ჯანდაცვის მსოფლიო ორგანიზაციამ პანდემია 2020 წლის 11 მარტს გამოაცხადა და ამ დროისთვის გლობალური მასშტაბით, ვირუსის 40,6 მილიონი შემთხვეაა გამოვლენილი. მსოფლიოში უკვე 6 ქვეყანაა ისეთი, სადაც ინფიცირებულთა რაოდენობამ 1 მილიონს გადააჭარბა.
ეს ქვეყნებია აშშ, ინდოეთი, ბრაზილია, რუსეთი, ესპანეთი და არგენტინა.
- აშშ
ყველაზე რთული ეპიდვითარება კვლავ აშშ-შია. ქვეყანაში ჯამში 8,4 მილიონი ადამიანი დაინფიცირდა, მათ შორის 225 222 პაციენტი გარდაიცვალა, ხოლო 5.5 მილიონი გამოჯანმრთელდა. კორონავირუსით ინფიცირებული იყო პრეზიდენტი დონალდ ტრამპიც,
აღსანიშნავია, რომ ამერიკელთა ნაწილი სწორედ დონალდ ტრამპს ადანაშაულებს იმაში, რომ ვირუსი თავიდანვე სათანადოდ ვერ შეაფასა, რისკები ვერ გათვალა, არ გაატარა მისი გავრცელების შესაჩერებლად შესაბამისი პრევენციული ღონისძიებები და ქვეყანა უმძიმეს შედეგამდე მიიყვანა.
თავის მხრივ, ტრამპი ჯანდაცვის მსოფლიო ორგანიზაციას და ჩინეთს ადანაშაულებს და აცხადებს, რომ ჯანმომ მსოფლიოს დაუმალა ვირუსის რეალური საფრთხე.
- ინდოეთი
ინფიცირებულთა რაოდენობის მიხედვით, მსოფლიოს მეორე ქვეყანა ინდოეთია. მიუხედავად იმისა, ხელისუფლებამ კარანტინის მკაცრი რეჟიმი ვირუსის გავრცელების ადრეულ ეტაპზევე დააწესა, კოვიდ-19 მაინც სწრაფად გავრცელდა და იქ ამ დროისთვის 7.5 მილიონი ინფიცირებულია აღწერილი, გარდაცვლილია 115 236 პაციენტი, ხოლო გამოჯანმრთელდა 6,7 მილიონი ადამიანი.
ვინაიდან ინდოეთი მსოფლიოს ერთ-ერთი ღარიბი ქვეყანაა, პანდემიასთან დაკავშირებულმა შეზღუდვებმა ეკონომიკაზე და ადამიანთა სოციალურ მდგომარეობაზე კატასტროფულად იმოქმედა და მილიონობით ადამიანი შემოსავლის გარეშე დარჩა.
- ბრაზილია
ბრაზილიაში ამ დროისთვის კორონავირუსის 5,2 მილიონი შემთხვევაა გამოვლენილი და ამ მონაცემით ის მსოფლიოს მესამე ქვეყანაა. ბრაზილიაში ვირუსით 154 226 ადამიანი გარდაიცვალა, ხოლო 4.6 მილიონი პაციენტი გამოჯანმრთელდა.
ეს არის კიდევ ერთი ქვეყანა, სადაც საზოგადოების დიდი ნაწილი ვირუსის მასშტაბურად გავრცელებაში პრეზიდენტ ჟაირ ბოლსონარუს პოლიტიკას ადანაშაულებს. აღსანიშნავია, რომ მას თავდაპირველად კორონავირუსის არსებობის არ სჯეროდა, ამბობდა, რომ ეს "უბრალო გრიპი“ იყო. არ დააწესა კარანტინი და სხვა პრევენციული შეზღუდვები, ხშირად ხვდებოდა ხალხს და არ იყენებდა პირბადეს. ბოლსონარუ მალე თავადაც დაინფიცირდა ვირუსით, რის შემდეგაც, მან ჯანდაცვის მსოფლიო ორგანიზაცია დაადანაშაულა იმაში, რომ ვირუსის საფრთხის შესახებ მსოფლიო არ გააფრთხილა.
თავისი ამგვარი დამოკიდებულების გამო, ბრაზილიელ პოლიტიკოსთა ნაწილი პრეზიდენტის იმპიჩმენტს მოითხოვდა. ქვეყანაში ინფიცირებულთა დიდი რაოდენობა სათანადო სამედიცინო მომსახურებას ვერ იღებს, კვლავ გადატვირთულია საავადმყოფოები.
- რუსეთი
რუსეთი კორონავირუსით ინფიცირებულთა რაოდენობის მიხედვით, მსოფლიოს მეოთხე ქვეყანაა და იქ სულ ვირუსის 1,4 მილიონი შემთხვევაა აღწერილი, გარდაცვლილია 24 366 პაციენტი, ხოლო გამოჯანმრთელებულია 1 მილიონზე მეტი ადამიანი.
აღსანიშნავია, რომ თავდაპირველად რუსეთის ხელისუფლებას კორონავირუსის ინფიცირებულთა რეალური რაოდენობის დამალვაში ადანაშაულებდნენ. ვრცელდებოდა ინფორმაცია და ასევე ვიდეოკადრები, სადაც რუსი ექიმები საუბრობდნენ, რომ მათ არ ჰქონდათ შესაბამისი აღჭურვილობა, არ ჰქონდათ საკმარისი პირბადეები და რომ თავადაც ინფიცირებულნი იყვნენ, მაღალი ტემპერატურა ჰქონდათ, თუმცა აიძულებდნენ, რომ ემუშავათ.
აღსანიშნავია, რომ რუსეთში აგვისტოში დაარეგისტრირეს კორონავირუსის საწინააღმდეგო ვაქცინა, თუმცა ისე, რომ მისი კლინიკური ცდები დასრულებული არ იყო. ერთი კვირის წინ, რუსეთში კოვიდ -19-ის საწინააღმდეგო მეორე ვაქცინაც დაარეგისტრირეს, ამ შემთხვევაშიც ცდების დასრულების გარეშე.
საერთაშორისო ექსპერტთა შეფასებით, რუსეთს უბრალოდ სურდა, დანარჩენი მსოფლიოსთვის ეჩვენებინა თავისი ძალა სამეცნიერო მიმართულებით და უნდოდათ, რომ ვაქცინის შექმნის თვალსაზრისით, პირველები ყოფილიყვნენ. ცნობისთვის, აგვისტოში დარეგისტრირებულმა რუსულ ვაქცინას არაერთი უკუჩვენება ჰქონდა.
- ესპანეთი
საერთო ჯამში, ესპანეთში კორონავირუსის 1 015 795 შემთხვევაა გამოვლენილი და ამ მაჩვენებლით ის მსოფლიოს მეხუთე ქვეყანაა. ვირუსით 33 992 პაციენტი გარდაიცვალა. ესპანეთი რამდენიმე თვის განმავლობაში უმკაცრესი კარანტინის რეჟიმში ცხოვრობდა. ზაფხულში კი რეგულაციები ეტაპობრივად მოხსნეს. ამ დროისთვის ქვეყანაში ინფიცირებულთა რაოდენობა კვლავ მკვეთრად იზრდება, თუმცა კარანტინის მკაცრ რეჟიმს ხელისუფლება ჯერჯერობით არ აწესებს და ე.წ. წერტილოვანი ლოქდაუნებით შემოიფარგლება.
- არგენტინა
მსოფლიოს მეექვსე ქვეყანა, სადაც კორონავირუსით ინფიცირებულთა რაოდენობამ მილიონს გადააჭარბა, არგენტინაა, სადაც ჯამში COVID-19-ის 1 002 662 შემთხვევაა აღწერილი, მათ შორის გარდაიცვალა 26 716 პაციენტი, ხოლო 803 965 გამოჯანმრთელდა.
ბოლო დღე-ღამის განმავლობაში არგენტინაში ვირუსის 12 982 შემთხვევა გამოვლინდა. აღსანიშნავია, რომ არგენტინის მოსახლეობა 45 მილიონია და ის პირველი შედარებით პატარა ქვეყანაა, სადაც ინფიცირებულთა რაოდენობამ მილიონს გადააჭარბა.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ვაშაძე დააკავეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩინეთში რა ხდება? იქნებ ვინმემ გვიპასუხოს.