მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ჩვენ ვართ ის გამონაკლისი ძალა, რომელსაც ოპოზიციური ძალების გაერთიანება შეუძლია - გიორგი ვაშაძე
11:11 / 20-10-2020
2020 წლის საპარლამენტო არჩევნები ისტორიაში ერთ-ერთი ყველაზე გამორჩეული იქნება, რადგან ახალი საარჩევნო სისტემით შესაძლებელია, პარლამენტი უფრო მრავალპარტიული გახდეს, მთავრობა კი - კოალიციური. ბოლო პერიოდში გამოქვეყნებული კვლევების მიხედვით, პარლამენტარის მანდარს მინიმუმ 5 პარტიის წევრები მიიღებენ, თუმცა საბოლოო სიტყვა მაინც ხალხმა 31 ოქტომბერს უნდა თქვას.
Edison Research-ის მიერ გამოქვეყნებული ბოლო კვლევის მიხედვით, გიორგი ვაშაძესა და „სტრატეგია აღმაშენებელს“ ხმას გამოკითხულთა 4% მისცემდა. ამასთან, გიორგი ვაშაძე „სტრატეგია აღმაშენებლის“ პრემიერ-მინისტრობის კანდიდატიცაა. მას გამარჯვებისთვის არამარტო ხალხის, არამედ ოპოზიციის გამარჯვების შემთხვევაში, სხვა პარტიების მხარდაჭერაც დასჭირდება. საინტერესოა, აქვს თუ არა აღნიშნული მხარდაჭერის იმედი და რატომ გადაწყვიტა საკუთარი კანდიდატურის წარდგენა, ამის შესახებ გიორგი ვაშაძეს ვესაუბრეთ:
რატომ გადაწყვიტეთ, პრემიერ-მინისტრობის კანდიდატურა წამოგეყენებინათ?
ჩემი მიზანია, საქართველოს ყველა მოქალაქეს ჰქონდეს საკუთარი თავის რეალიზების შესაძლებლობა. გვაქვს კონკრეტული გეგმები და სტრატეგიები, რისი განხორციელებაც გვინდა. ჩვენ ვართ ის პოლიტიკური ძალა, რომელიც აღნიშნულ სტრატეგიებსარასაარჩევნო პერიოდშიც აცნობდა საზოგადოებას და ძალიან ხშირად ღიად და საჯაროდაც ვაკეთებდით ამის პრეზენტაციას. სამწუხაროდ, ხელისუფლებამ ეს გეგმები არ გამოიყენა, რისი საწინააღმდეგოც ჩვენ არაფერი გვქონდა. შესაბამისად, ვფიქრობთ, რომ ახლა დადგა დრო, როცა ჩვენ თვითონ უნდა მოვკიდოთ ხელი საქმის კეთებას.ჩვენი მიზანია, რომ არცერთი ღარიბი ადამიანი არ იყოს ქვეყანაში.
ჩემთვის პრემიერ-მინისტრობამექანიზმია, რათა გზა გავუსხნა იმ ბევრ პროფესიონალს, რომელიც ჩვენს გუნდს შემოუერთდა. მეც და ხალხსაც მოგვბეზრდა ეს მუდმივი დაპირისპირება და გვსურს, რომ იყოს თანამშრომლობა და ჯანსაღი კონკურენცია საქმის კეთებაში და არა უბრალოდ, ერთმანეთის ლანძღვა-გინება. მე და ჩემს გუნდს გვაქვს სურვილი, დავიწყოთ საქმის კეთება, არ გავექცეთ პასუხისმგებლობას, რადგან ჩვენ ამ უმძიმესი ვითარებიდან შეგვიძლია ქვეყნის გამოყვანა.
იმისათვის, რომ პრემიერ-მინისტრი გახდეთ, არამხოლოდ ამომრჩევლის, არამედ ოპოზიციური პარტიების მხარდაჭერაც დაგჭირდებათ. როგორ წარმოგიდგენიათ თქვენს კანდიდატურასთან დაკავშირებით საერთო კონსენსუსის მიღწევა ასეთი დაპირისპირების ფონზე?
პირველ რიგში, პრემიერ-მინისტრობისთვის მე მესაჭიროება ხალხის მხარდაჭერა. ამასთან, ჩემი თვითმიზანი პრემიერ-მინისტრობა არ არის. ამ პოსტის დაკავება მინდა იმისთვის, რომ არცერთ ადამიანს არ უწევდეს ნაგავსაყრელზე საჭმლის ძიება, რომ დავამარცხოთ სიღარიბე და აღმშენებლობა დავიწყოთ. რაც შეეხება ოპოზიციურ პარტიებს შორის დაპირისპირებას, ჩვენ არავისთან დაპირისპირებაში არ შევდივართიქიდან გამომდინარე, რომ ვიცით, კოალიციური მთავრობის ფორმირებისთვის მათი მხარდაჭერაც აუცილებელი იქნება. აქედან გამომდინარე, ვართ ის გამონაკლისი ძალა, რომელსაც ოპოზიციური ძალების გაერთიანება შეუძლია.
გქონდათ თუ არა „სტრატეგია აღმაშენებლის“ იდეები იმ პერიოდში, როცა წინა ხელისუფლების მაღალჩინოსანი იყავით და რატომ არ განახორციელეთ ისინი?
მეიუსიტიის სამინისტროში მომსახურების მიმართულებით ვიყავი ხელმძღვანელი. ვფიქრობ, რომ თითქმის ყველაფერი განვახორციელეთ, რაც კი შეიძლებოდა ამ პოზიციიდან განგვეხორციელებინა და შევქმენით არამარტო საქართველოში, არამედ მსოფლიოში ნომერ პირველი მოქალაქეზე ორიენტირებული სისტემა იუსტიციის სახლის სახით.
იმ პერიოდში ჩემი მანდატი არ ითვალისწინებდა სხვა მიმართულებებით მუშაობას, თუმცა რათქმა უნდა, როცა პოლიტიკისკენ ნაბიჯი გადავდგი, მე ჩამოვაყალიბე რეფორმების ის კონცეფცია, რაც გასატარებელი იყო სასამართლოში, პროკურატურაში, სამართალდამცავ ორგანოებში, საგადასახადო მიმართულებით და ა.შ და სწორედ ამ გეგმით ვაპირებდი პოლიტიკაში შესვლას. მე ვიყავი საჯარო მოხელე და სხვა მიმართულებებში ვერ განვახორციელებდი ჩემს გეგმებს, თუმცა სხვა სამინისტროებში გარკვეული რეფორმების გატარება შევძელით. მაგალითად, სკოლებში მოსწავლეთა აღრიცხვიანობის პრობლემა რეგისტრაციისთვის შესაბამისი სისტემის შექმნით მოვაგვარეთ და ა.შ.
საინტერესოა, ვინ არიან თქვენი გუნდის წევრები და რა პოლიტიკური წარსული აქვთ მათ?
ჩემი გუნდის წევრების შერჩევის კრიტერიუმი იყო სამი: პპროფესიონალიზმი, სუფთა წარსული და პატრიოტიზმი. ჩვენი თანაგუნდელები არიან ადამიანები, რომელთან ერთადაც ჩვენ სტრატეგია აღმაშენებლის პირობებში, როგორც ექსპერტებთან და პროფესიონალებთან ვთანამშრომლობთ. მაგალითად, თეონა აქუბარდია პროფესიონალია უსაფრთხოების მიმართულებით, სერგო ჩიხლაძე - ჯანდაცვის, თეონა ჭალიძე - სოციალური, პაატა მანჯგალაძე - კანონშემოქმედების მიმართულებით, რაც ძალიან მნიშვნელოვანია პარლამენტში, თამთა შამათავა ტურიზმის მიმართულებით, ნანა ტოხვაძე - განათლების მიმართულებით. ესენი არიან ახალი თაობის პროფესიონალები, რომელსაც“სტრატეგია აღმაშენებელი“ უხსნის კარს. ჩვენი შერჩევის მექანიზმი სწორედ ეს იყო: არა ძველი სახეები, არამედ პოლიტიკაში ახალი თაობის პროფესიონალებისთვის გზის გახსნა.
თუპრემიერ-მინისტრად აგირჩევენ, პირველს რას გააკეთებთ?
პირველ რიგში, პროფესიონალთა გუნდის მთავრობას ჩამოვაყალიბებ და დავიწყებ დაპირებების შესრულებას. პირველი, რასაც გავაკეთებთ, ეს არის პენსიონერებისთვის სესხის პროცენტის ჩამოწერა, ასევე, სესხის პროცენტის 6 თვით სუბსიდირება და COVID პასპორტის მეშვეობით საზღვრის გახსნა, რომ ტურისტი შემოვიდეს. გარდა ამისა, დავიწყებ ინვესტორებთან კარდაკარ სიარულს და იმ დამუშავებული გეგმის შეთავაზებას, რომელიც „სტრატეგია აღმაშენებელს“ აქვს.
პარალელურ რეჟიმში სხვა ოპოზიციურ პარტიებთან ერთად შეთანხმებულები ვართ სასამართლოს, პოლიციისა და პროკურატურის რეფორმაზე, რომ ეს ორგანოები რეალურად იყოს ადამიანის უფლებების დამცველი და არა დამსჯელი და დანაშაულის მფარველი. ამ ყველაფერს საპარლამენტო საქმიანობიდან გამომდინარე, გავაკეთებთ.
ჩემი, როგორც მომავალი პრემიერ-მინისტრის მთავარ ფუნქციად მივიჩნევ, რომსაქართველო უნდა გახდეს რეფორმების, ცვლილებების მაგალითი და ბევრი ინვესტიცია უნდა შემოვტანოთ ქვეყანაში, რათა ეკონომიკა სწრაფად განვავითაროთ. ვაპირებ, ინვესტორებს პირადად შევთავაზო ის უდიდესი პოტენციალი, რაც საქართველოშია.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
როგორ დაემსგავსა ტაკოს:)
ჰაჰაჰაჰაჰა!